HATIMAYE TP MAZEMBE YAUZINDUA UWANJA WAKE:

RAISI WA TP MAZEMBE MOISE KATUMBI CHAPWE

MOISE KATUMBI CHAPWE

JB MPIANA AKITUMBUIZA MASHABIKI WALIOHUDHURIA

JB MPIANA

CHAMPION KATUMBI MTOTO WA MOISE AMBAYE PIA ANAMILIKI TIMU YA DON BOSCO...HAPA ANAONEKANA AKIWA NA MACHUNGU YA KUMLIPA BABA YAKE..

MKE WA MOISE KATUMBI ALIKUEPO PIA KUSHUHUDIA TUKIO HILO

TP MAZEMBE PIA WALIZINDUA BIDHAA MBALI MBALI ZA KLABU ZIKIWEMO HIYO SANDALS HAPO JUU

WAGENI WAALIKWA...

Tuzigeuze shule za msingi kuwa ‘soccer academies’

Fred Mwakalebela
PAMOJA na kuwapa pole Watanzania wenzetu waliokumbwa na mafuriko jijini Dar es Salaam na sehemu nyingine za nchi, ni vyema pia nikawapa heri ya Sikukuu ya Noeli wale wote waliopata bahati ya kuisherehekea siku hiyo.

Naam, ni bahati kwa kusema ukweli kwani kuna mashabiki wengi tu wa soka waliokuwa wakiishi maeneo ya mabondeni jijini hapa kwa sasa wamesahau hata neno ‘soka’ kutokana na maswahibu yaliyowakuta.

Lakini wiki moja kabla ya majanga haya, Shirikisho la Soka nchini (TFF) kwa kushirikiana na mabosi wao FIFA, waliandaa kitu kama tamasha lililojumuisha waalimu wa michezo kutoka shule mbalimbali za msingi jijini hapa.

Tamasha hilo lililopewa jina la ‘Grassroots Football’, ni jambo kubwa sana linalopaswa kupongezwa na kisha kuendelezwa ili ndoto za mashabiki wa soka za kuona soka la Tanzania linasonga mbele ziweze kutimia.

Sina uhakika sana kama walimu wa michezo nchini kwenye shule za msingi wana utaalamu kama waliokuwa nao walimu wetu enzi zile tukiwa shuleni.

Serikali ya Nyerere, ingawa wengi humchukulia mzee yule kama mmoja wa viongozi waliokuwa mbali na michezo, bado serikali yake ilitoa kipaumbele kwenye michezo.

Wakati ule walimu wa michezo walikuwa wakipata mafunzo ya kitaalamu kwenye Chuo cha Walimu Butimba, na hata wanapokuwa kazini, walikuwa wakipewa nafasi ya kwenda kujiendeleza kwenye Chuo cha Michezo cha Malya.

Kwa hiyo, mkusanyiko wa walimu wa michezo kutoka shule za msingi uliofanyika jijini wiki iliyopita, ulipaswa kuwa mkusanyiko wa wataalamu kabisa wa soka la vijana, na unapaswa kufanyika kila kona ya nchi, kila mwaka.

Je, hilo litafanyika? Na je, TFF na wadau wengine wa soka wamejiandaaje na changamoto ya uhaba wa viwanja? Wakati wenzetu wa Zanzibar wameendelea kuvitunza viwanja vyao vya Mnazi Mmoja na Maisela, sisi viwanja vya Jangwani vinauzwa! Tufanyeje?

Tumebaki tunategemea viwanja vya shule za msingi na sekondari zile za enzi za Mwalimu tu. Kwa sasa kila shule ya msingi ina pacha wake, lakini kiwanja kimabaki kimoja tu huku idadi ya wanafunzi ikiongezeka zaidi ya mara 10 ikifananishwa na idadi ya mwaka 1990.

Shule za kisasa, ambazo ni lazima zitanguliwe na jina la ‘Saint’ au ziwe na neno ‘Academy’, ziko kibiashara zaidi na suala la kiwanja wala haliwaingii akilini. Hapa ninadhani ni vyema Serikali ikaingilia kati na kuweka sheria kuwa shule isiyo na uwanja wa michezo haitasajiliwa.

Soka ni lazima lianzie kwa watoto au vijana. Kwa kuwa Tanzania tunaonekana kushindwa kuwa na academy za soka za ukweli, basi ni vyema ukasukwa mkakati endelevu chini ya TFF na Kamati ya Olimpiki ili vijana hawa walio shuleni leo wakapatiwa mafunzo huko huko, yaani tuzifanye shule ziwe academy za soka kwa kuwaendeleza watoto wenye vipaji.

Ukiwekwa mkakati wa ukweli, miaka kadhaa ijayo shule zetu zinaweza kuanza kupata matunda ya programu hiyo kwani iwapo itatoa mwanasoka atakayenunuliwa na timu kubwa, kwa mujibu wa sheria ya FIFA ya training compensation, zitakuwa zikipokea asilimia fulani ya malipo ya mchezaji huyo.

Mfano akienda Simba au Yanga na baadaye akachukuliwa na TP Mazembe kisha akaenda Chelsea, mlolongo wote huo utatakiwa kuwa ukitoa asilimia ya fedha kwenye academy iliyokuza au kufufua kipaji husika.

Ni hapo ndipo ninajiuliza kwanini TFF imeamua kuivunja Tanzania Soccer Academy (TSA) wakati fedha ya Vodacom ilikuwapo? Huu ni mfano mbaya sana kwa wengine waliokuwa na ndoto za kuanzisha academy kwani watajiuliza iwapo TFF yenyewe imeshindwa, sisi tutawezaje?

Nirejee kwenye tamasha la walimu. TFF na FIFA wanapaswa kulipeleka kwenye mikoa kama Tabora au Mwanza ambako walau viwanja vya soka bado vipo na watu wanapenda mchezo wenyewe.

Walimu wa mikoa hiyo wahamasishwe na ikiwezekana wapelekwa Malya kusomea soka la vijana! Tena nadhani walimu hawa ndio wangepaswa kupewa nafasi ya kushiriki ile kozi ya Nishani za Miaka 50 ya Uhuru.

Niwasilishe hoja kwa kumwomba bosi wa Kamati ya Olimpiki kuangalia uwezekano wa kuisaidia TFF kuzifanya shule za msingi kuwa academy za soka.

Si lazima ziwe shule zote, wanaweza kuteua shule moja katika kila wilaya au mkoa na kuisheheni walimu wataalamu wa soka la vijana, walimu hao wakawa wakiwakusanya vijana wenye vipaji na kuwaweka pamoja.

Niwatakie heri kwenye kipindi hiki cha sikukuu za mwisho wa mwaka.

COUNTDOWN : MATUKIO YA MICHEZO MWAKA 2011:

4. NAFASI YA NNE INAKWENDA KWA MWAMUZI ALIYETOA KALI YA KARNE KAMA SI YA MWAKA .SIKU ZOTE MCHEZO UNAPOKUWA MGUMU MASHABIKI NA WACHAMBUZI WA SOKA HUSEMA KUWA PAMBANO AU MECHI IMEMSHINDA MWAMUZI LAKINI SI MWAMUZI HUYU ALIYECHEZESHA MCHEZO WA LIGI DARAJA LA TANO NCHINI ARGENTINA.

DAMIEN RUBINO ALIONYESHA KUWA MECHI ZA KIHUNI SI LOLOTE WALA CHOCHOTE KWAKE KWANI ALITOA KADI NYEKUNDU 36 KWENYE MECHI KATI YA CLAYPOLE NA VICTORIANO ARENAS .

KWA MAHESABU SAHIHI MWAMUZI HUYU ALITOA KADI KWA WACHEZAJI KUMI NA MOJA WA TIMU ZOTE ZILIZOANZA YAANI KADI 22 NA KISHA AKAFUATIA KWA KUTOA KADI NYEKUNDU KWA WACHEZAJI 14 WA AKIBA TOKA TIMU ZOTE MBILI.

KWA KIFUPI REFA HUYU ALIMALIZA PAMBANO KWANI BAADA YA HAPA HALIKUWEZA KUENDELEA LAKINI ALITOA ADHABU HII KWA WACHEZAJI WOTE WAKOSE MECHI ZINAZOFUATA NA KUWALAZIMU KUSIMAMISHA MICHEZO YAO KWA KUKOSA WACHEZAJI WA KUCHEZA.

5. SIKU ZOTE SI MARA NYINGI UNAWEZA KUKUTA MWAMUZI WA MCHEZO AKIFANYA JAMBO LA KUKUMBUKWA NA MASHABIKI. LAKINI HII SI KWA MWAMUZI TOKA MEXICO MARCO RODRIGUEZ AMBAYE ANAONEKANA KULIELEWA SOMO LA FIZIKI KULIKO WAAMUZI WENGI WA MCHEZO WA SOKA.

KATIKA MCHEZO WA LIGI DARAJA LA PILI HUKO MEXICO , MWAMUZI HUYU ALIPATA MTIHANI WA UFITI WA MWILI WAKE KWA KUWA MCHEZO ULIKUWA WA KASI KUBWA .

KATIKA MCHEZO HUO , MWAMUZI HUYU ALILAZIMIKA KUTOA KADI TATU NYEKUNDU NA SABA ZA NJANO KUTOKANA NA MCHEZO MBAYA WALIOKUWA WANAONYESHA WACHEZAJI WA TIMU ZOTE.

REFA HUYU ALITOA KALI PALE ALIPOKUWA NA KADI MBILI MBILI YAANI NJANO MBILI NA NYEKUNDU MBILI , HIVYO ALIKUWA AKITOA KADI MBILI KWA WACHEZAJI WAWILI KWA MPIGO BADALA YA KUTOA KADI MOJA NA KUGEUKA KUTOA KWA MTU MWINGINE.

6. WAKATI TIMU YA RIVER PLATE ILIPOSHUKA DARAJA KWA MARA YA KWANZA NDANI YA HISTORIA YAKE YA ZAIDI YA MIAKA 100 MASHABIKI HAWAKUFURAHISHWA NA TUKIO HILI.MUDA MFUPI BAADA YA MCHEZO MASHABIKI WA RIVER WALIANZA MAANDAMANO JIJINI BUENOS AIRES HUKU WAKIFANYA VURUGU KUBWA , TUKIO HILI NI MOJA YA MATUKIO YA KUKUMBUKWA KWA MWAKA HUU.

DEBATE: ALICHOKIZUNGUMZA PAPIC ILIKUA SAWA ? MSIKILIZE HAPA!

MATUKIO YA MWAKA : ' MISUMARI ' MICHEZONI IPO ? MSIKILIZE SHEIKH OMAR ALHAD.

SHEIKH OMAR ALHAD

ENZI HIZO!!! WEWE ULIKUA WAPI?

KIKOSI CHA MAKONGO SECONDARY ENZI HIZO!

kutoka kushoto.
Tobi, Boniface Pawasa, Hamza Mohamed ( sina uhakika ), nimemsahau, Shamte Ngecha, Tito Andrew, Haruna Moshi ' Boban ', Amri Kiemba na Edwin Bigambo.

Tobi, Shaffih Dauda, Godfrey Stam, Dickson Msalike...hapa ilikua ni Kibaha mwaka 2000 nikiwa benchi kwenye mashindano ya Umiseta baina ya Mkoa wa Dar Es Salaam na Pwani..

COUNTDOWN: MATUKIO YA SOKA YA KUKUMBUKWA MWAKA 2011

1. HUKU SHERIA ZA FINANCIAL FAIR PLAY ZIKIWA KARIBU KUANZA KUTUMIKA , VIONGOZI WA ANZHI MAKHACHKHALA WALIDHANI KUWA ENEO AMBALO TIMU HIYO IPO NI MBALI SANA KIASI KWAMBA VIONGOZI WA UEFA HAWAWEZI KUFIKA NA HIVYO WAKAAMUA KUTUMIA KITITA KIKUBWA CHA FEDHA KUMNUNUA MSHAMBULIAJI SAMUEL ETO’O . MMILIKI WA TIMU HIYO SULEYMAN KERIMOV ALIFANYA KILA LIWEZEKANALO KUMSAJILI ETO’O NA MSHAHARA WAKE KWA MWAKA NI PAUNDI MILIONI 20 BAADA YA KODI NA NI ZAIDI YA ULE WANAOLIPWA MESSI NA RONALDO.

2. WACHEZAJI WENGI WAMEJIJENGEA UMAARUFU KWA USTADI NA UFUNDI WA KUPIGA PENATI,KUNA KILA MTINDO WA KUPIGA PENATI AMBAO UMETUMIKA HADI KUFIKIA LEO LAKINI HAKUNA PENATI ITAKAYOFUNIKA ILE ILIYOPIGWA NA KIJANA AWANA THIAB WA UNITED ARAB EMIRATES.KIJANA HUYU ALIPIGA PENATI AMBAYO ILIMPA UMAARUFU ULIMWENGUNI KOTE AMBAKO PICHA ZAKE AKIPIGA PENATI ILE ZILIONEKANA . AWANA ALIPIGA PENATI KWA KUTUMIA KISIGINO HUKU AKIWA AMEMPA GOLIKIPA MGONGO. KWA BAHATI MBAYA REFARII HAKUONA KAMA AWANA AMEFANYA UUNGWANA , ALITAFSIRI KITENDO KILE KAMA UDHALILISHAJI WA MCHEZAJI NA MCHEZO WA SOKA KWA UJUMLA NA KWA HILO ALIMUONYESHA KADI NYEKUNDU .
KILICHOWASHANGAZA WENGI SIYO JINSI AWANA ALIVYOFUNGA BAO LILE BALI ILE HALI ALIYOKUWA NAYO BAADA YA KUFUNGA , HAKUONEKANA KUJAWA NA MSISIMKO KAMA INAVYOKUWA KWA WACHEZAJI WENGINE WANAPOFUNGA. KWA BAHATI MBAYA AWANA DIAB HAKUISHI MUDA MREFU KUSHUHUDIA JINSI UMAARUFU WAKE ULIVYOITEKA DUNIA KWANI ALIFARIKI DUNIA MIEZI MICHACHE BAADA YA TUKIO HILI KWA AJALI MBAYA YA GARI.


3. TUKIO LA TATU NI GOLI AMBALO JINSI LILIVYOFUNGWA HAKUNA ALIYESHUHUDIA AMBAYE ATAWEZA KUSAHAU KIRAHISI. BEKI WA TIMU YA FAGIANO OKAYAMA RYUJIRO UEDA ALIFUNGA BAO LA KICHWA KUTOKA NYUMA YA MSTARI WA KATIKATI YA UWANJA UMBALI WA KARIBU YADI 63 TOKA LILIPO GOLI . BAO HILI LILIINGIA KWENYE REKODI KAMA BAO LILILOFUNGWA TOKA MBALI ZAIDI KWA KUTUMIA KICHWA .


ENDELEA KUWA NASI MENGINE YATAFUATA MUDA SI MREFU!!!

Uteuzi huu ni kwa ajili ya Nishani za Uhuru?

Na Fred Mwakalebela
TANZANIA Bara iliyokuwa ikifahamika kama Tanganyika kwa sasa ina umri wa miaka 50 na siku kama 10 hivi, umri ambao kwa hakika ni wa mtu mzima kabisa.

Jina la Tanganyika kwa mujibu wa historia lilianza kutumika kama miaka 100 tu iliyopita likiunganisha sehemu ya mwambao mwa Bahari ya Hindi na ukanda wa misitu (nyika) magharibi mwa pwani hiyo.

Wakati wa utawala wa kikoloni chini ya Mjerumani, eneo hili lilijulikana kama ‘German East Africa (Deutsch-Ostafrika)’ likijumuisha pia nchi za Burundi na Rwanda likiwa na ukubwa wa karibu mara tatu ya Ujerumani ya sasa.

Ni hapo ndipo wadau wa soka wanaposhangaa iweje mkoloni wetu wa zamani, Ujerumani, nchi yenye ukubwa wa kilomita za mraba 384,170 tu, leo hii ni miongoni mwa miamba wa soka duniani huku sisi tukiendelea kung’aa macho?

Jibu ni rahisi sana, hatuna vipaumbele. Na kama tunavyo, vina baki midomoni na kwenye makaratasi tu, havitekelezwi na wala wanaopaswa kuvitekeleza hawajali.

Wiki iliyopita anga la soka nchini lililokuwa likitarajiwa kugubikwa na mijadala kuhusu kiwango cha soka lilichoonyeshwa na timu zetu za taifa, Kilimanjaro Stars na Zanzibar Heroes kwenye michuano ya CECAFA Challenge Cup, lilibadilika na kuanza kujadili uteuzi wa makocha watakaoshiriki mafunzo ya wiki moja ya CAF.

Kila mmoja, shabiki na hata kiongozi wa soka, anafahamu namna gani soka la vijana nchini limekuwa likipigiwa kelele na jinsi lilivyozibeba nchi kadhaa duniani zilizotilia maanani maendeleo ya vijana.

Ujerumani (wakoloni wetu hawa) ni moja kati ya mifano hai. Kwenye fainali za Kombe la Dunia mwaka jana, wachezaji wa Ujerumani wakifuatiwa na wa Ghana ndio waliokuwa na wastani mdogo zaidi wa umri, ikimaanisha kuwa nchi hizo zitaendelea kutesa katika soka la kimataifa kwa muda mrefu ujao.

Nilitumaini kabisa kuwa inapotokea nafasi ya mafunzo kama haya ya CAF, makocha vijana, au hata kama si vijana, wale wanao ‘practice’ kazi hii kila kukicha, ndio walipaswa kupewa nafasi ya kushiriki ili kuwabeba wachezaji wadogo (watoto) na vijana kwa manufaa ya baadaye ya nchi yetu.

Lakini cha ajabu mengi miongoni mwa majina ya washiriki hao ni wale wanaokaa maofisini wakiwa na shughuli nyingine kabisa mbali na soka, au hata kama wanajishughulisha na soka, si lile soka hasa la kwenye ‘field’.

Mifano ni wazi, Leodegar Tenga kwa sasa ni Rais wa TFF na Mwenyekiti wa CECAFA na huenda hajafanya kazi za ukocha tangu alipofanya hivyo miaka ya mwanzoni ya 1980 akiifundisha Pan African.

Mwingine ni Kassim Majaliwa. Yeye ni Naibu Waziri wa Nchi, Ofisi ya Waziri Mkuu-TAMISEMI. Sina uhakika kwa majukumu aliyonayo kwenye wizara nyeti kama TAMISEMI atakuwa na nafasi ya kufanya kazi ya ukocha kwa kipindi hiki hadi 2015.

Joel Bendera, mmoja wa makocha wenye heshima kubwa nchini naye atakuwamo kwenye kozi hiyo, lakini kwa majukumu aliyonayo sasa ya ukuu wa mkoa wa Morogoro, mkoa unaokumbwa na mapigano ya mara kwa mara kati ya wakulima na wafugaji; ajali za barabarani; ujambazi na nyakati nyingine mafuriko, atapata nafasi ya kuendeleza soka la vijana uwanjani?

Sidhani, labda majukwaani na huko hakuna haja ya kupewa mafunzo ya wiki nzima na CAF. Hata akina Salum Madadi na Mshangama kwa sasa wamekuwa ni viongozi wa kisera zaidi, hivyo walipaswa kuwapa nafasi makocha waliopo kwenye ‘field’.

Eugene Mwasamaki, bosi wa chama cha makocha naye amejiweka kwenye orodha ya watakaopata mafunzo hayo bila kuwaeleza Watanzania ni vigezo vipi walitumia kuteua washiriki, naye ananishangaza kwa kiasi kikubwa.

Jamani, tunalipeleka wapi soka la Tanzania? Timu ya vijana majuzi imerejea kutoka Gaborone, Botswana ilikokuwa imealikwa kushiriki mashindani ya vijana ya COSAFA Castle Cup na kuonyesha kiwango bora, kweli miongoni mwa waheshimiwa hawa kuna atakayerejea kuifundisha tena timu hiyo? Labda… lakini sina uhakika hata kwa hili.

Kwa muda sasa, NMB imekuwa ikisaidia mafunzo kwa makocha wa soka na tayari zaidi ya makocha 2,000 wamehitimu mafunzo hayo na wapo tayari kuendeleza soka la vijana. Ni nani kati ya watakaoshiriki kozi ya CAF imetokana na mafunzo hayo ya NMB?

Kweli tunawaacha akina Kenny Mwaisabula (TEFA Technical Director), Joseph Kanakamfumu (kocha kijana mwenye shahada) na Salum Mayanga wa Kagera Sugar kwenye kozi hii, kama si kujitakia lawama ni nini?

Wasiwasi wangu ni kwa waheshimiwa hawa walio na majukumu mengi ya kitaifa kama kweli watapata nafasi ya hata kushiriki kozi yenyewe kwani sina uhakika kuwa ‘sitting allawance’ (kama ipo) italingana na ile waliyoizoea.

Na ndio maana mimi niliposikia majina haya redioni na kwenye runinga sikuamini. Kwanini? Kwa kuwa nilidhani na kuamini kabisa kuwa huenda majina haya yalikuwa ni kwa ajili ya kutunukiwa Nishani za Miaka 50 ya Uhuru.

Nilipoamka kesho yake na kuyakuta gazetini na kuhabarishwa kuwa ni kwa ajili ya kozi ya ukocha, nilichoka kabisa. Nikajiuliza, hivi waheshimiwa hawa, kabla ya kutangazwa, walikuwa wamewasiliana na waliowateua na kukubaliana? Wanadhani kushiriki kwao kutakuwa na tija kwenye soka letu, hasa la vijana?

Hakika hawa walipaswa tu kuwamo miongoni mwa watunukiwa wa Nishani za Uhuru zilizotolewa na Rais Jakaya Kikwete Desemba 9 mwaka huu. Bado tuko pamoja… ila tutekeleze kwa vitendo vipaumbele tulivyo navyo.

MBWA WA CCM KIRUMBA ALICHUKUA MAFUNZO HAPA!!

WAKAZI WA MARA MWAOMBWA KUISAIDIA mara soccer academy

Mara soccer academy ilianza 8/2/2011 ambapo tulikusanya vijana 70 na kuwafanyia clinic ,tukapata vijana U 16- na wapo wadogo zao wengine U 12 kwa kushirikiana na Kamanda wa polisi Mara ACP Robert Boaz chini ya polisi jamii, tunao makocha 3 Ezekiel King Mbasa Kiumbe, na Mzee Msakato Magai ambao wanajitolea , vijana wanajifunza usafi binafsi, mbinu za soka, na wanajengwa kisaikolojia, jeshi la polisi wanafundisha watoto/vijana hawa juu ya sheria na kuwajengea uwezo kuepuka vitendo vya uharifu kama madawa ya kulevya, pombe , ubakaji na ukataji watu/upolaji, pia hutoa misaada ya usafiri wa vijana kucheza na timu za jilani au nje ya musoma.

mafanikio

-mradi umewatoa vijana ktk mazingira hatarishi
-85% ya mechi kadhaa walizocheza wamefanikiwa kushinda na zingine walidraw au kupoteza ambapo wamezawadiwa pesa taslimu, jezi, mipira lakini kubwa zaidi ni kujenga mahusiano mazuri na jamii
- kwa kushirikiana na Jeshi la polisi - Mara tumefanikiwa kuwatoa vijana ktk uharifu kwa 65%mfano ubakaji ukwapuaji, kamali , ugomvi na ukataji watu mapanga/visu ambavyo vilikuwa common Musoma ambapo kulikuwa na makundi hatarishi kama Mbio za vijiti, mdomo wa furu, jamaica mokkaz, jitume ,ffu yote yakihusishwa na uharifu
malengo: tunategemea kushiriki mashindano ya rollingstone-Arusha 2012 ili mkoa wetu wa mara uwakilishwe vyema na tayari tumeanza kujifua vilivyo, mkoa wetu hauna timu ya supa ligi hivyo tunategemea baada ya miaka 2 kituo hiki kitoe mchango mkubwa kuinua soka la Mara

changamoto

-uhaba wa dawa za michezo, vifaa bado havijakidhi mahitaji halisi,usafiri wa uhakika ili vijana wasafiri nje ya Musoma-
- vijana wote bado wanatokea majumbani, ila ingependeza kitafutwe kituo chao ili wakae pamoja na wapate diety inayoendana na mahitaji ya mazoezi ya soka na usafiri wa kuwapelekashuleni na kuwarudisha kituoni

wito

-tunawaomba wenyeji wa Mkoa huu wa Mara hasa Makongoro Mahanga, Gaudensia kabaka, Mzee wetu Warioba, Joseph Butiku, , Chacha Maginga , Charles Wambura na wadau wengine msogee karibu na misaada ya hali na mali ili Mara ipate heshima na vijana wetu tuwaendeleze wazifikie ndoto zao
Idara ya vijana na michezo na TFF watufikie na watujengee uwezo.

USAJILI MASHINDANO YA KLABU CAF

Shughuli ya usajili kwa ajili ya timu za Tanzania zitakazoshiriki michuano ya ngazi ya klabu Afrika inayosimamiwa na Shirikisho la Mpira wa Miguu Afrika (CAF) inaendelea. Yanga itacheza Ligi ya Mabingwa (CL) wakati Simba itashindana katika michuano ya Kombe la Shirikisho (CC). Kwa upande wa Yanga hadi sasa imeshawasilisha Shirikisho la Mpira wa Miguu Tanzania (TFF) majina ya wachezaji 28 wakati Simba majina 24 kwa ajili ya usajili huo. Mwisho wa kufanya usajili ni Desemba 31 mwaka huu, na kila klabu inaruhusiwa kusajili hadi wachezaji 30. Hata hivyo Agosti mwakani kutakuwa na usajili wa dirisha dogo kwa timu ambazo hazikumaliza nafasi zote 30. Kuna mifumo miwili ya usajili; online (mfumo wa mtandao) au offline (kutuma fomu za usajili CAF kwa njia ya DHL). TFF tumeamua kutumia mfumo wa online.

FIFA YAMTEUA MINJA KUSIMAMIA MECHI

Shirikisho la Kimataifa la Mpira wa Miguu (FIFA) limemteua Katibu wa Kamati ya Waamuzi ya TFF, Joan Minja kuwa kamishna wa mechi ya Kombe la Dunia kati ya Zambia na Botswana. Mechi hiyo ya raundi ya awali kwa ajili ya Fainali za Kombe la Dunia kwa Wasichana wenye umri chini ya miaka 17 zitakazofanyika mwakani nchini Azerbaijan itachezwa kati ya Februari 3, 4 au 5 mwakani jijini Lusaka. Kwa upande wa Afrika nchi ambazo zitacheza raundi ya awali ya michuano hiyo ni Afrika Kusini, Botswana, Cameroon, Gambia, Ghana, Guinea, Namibia, Nigeria, Sierra Leone, Tunisia na Zambia.

KOZI YA MAKAMISHNA KUANZA KESHO

Kozi kwa ajili ya makamishna wa mechi za Ligi Kuu na mashindano mengine yanayosimamiwa na Shirikisho la Mpira wa Miguu Tanzania (TFF) inafanyika kesho (Desemba 28 mwaka huu) na keshokutwa (Desemba 29 mwaka huu). Washiriki wa kozi hiyo itakayofanyika ofisi za TFF ni wale wanaoomba kwa mara ya kwanza (beginners), na waliokosa ile ya awali iliyofanyika Agosti 6-8 mwaka huu. Pia ambao hawakufaulu katika kozi ya awali wanayo fursa ya kushiriki ya sasa. Washiriki wanatakiwa kuwa waamuzi wastaafu na viongozi (administrators) wa mpira wa miguu katika ngazi mbalimbali. Pia wanatakiwa kuwasilisha vyeti vyao halisi (original) vya elimu. Kutakuwa na mitihani ya kuandika ya sheria za mpira wa miguu na picha (video clips). Kwa wanaotaka kuwa makamishna ni lazima washiriki katika kozi ambapo ada ni sh. 10,000. Makamishna waliofaulu kwenye kozi iliyopita ni Abdallah Mitole, Amri Kiula, Arthur Mambeta, Charles Komba, Charles Ndagala, David Lugenge, Edward Hiza, Fulgence Novatus, Gabriel Gunda, George Komba, Godbless Kimaro, Hamis Kissiwa, Hamis Tika, James Mhagama, Jimmy Lengwe, Michael Bundara, Mohamed Nyange, Mwijage Rugakingira, Omari Mwamela, Paul Opiyo, Pius Mashera, Salim Singano, Victor Mwandike na William Chibura.

Boniface Wambura
Ofisa HabariShirikisho la Mpira wa Miguu Tanzania (TFF)

KOSTADIN PAPIC AUFUNGA MWAKA 2011 KWA KISHINDO!

MICHAEL MOMBURI
KOCHA wa Yanga, Kostadin Papic, amekiri kwamba kikosi chake hakijaiva kimazoezi wala kisaikolojia kuikabili Zamalek ya Misri kwenye mechi ya kwanza ya mtoano ya Ligi ya Mabingwa Afrika, lakini amewaomba mashabiki watulie.

Papic ambaye alijiunga na Yanga hivi karibuni akichukua nafasi ya Sam Timbe aliyetimuliwa, amewaomba mashabiki kuwa watulivu na kuelewa kwamba hali si nzuri klabuni, kutokana na ukosefu wa fedha unaowakabili.

Papic alisema kuwa akili yake ilikuwa kwenye mechi za Ligi ya Mabingwa Afrika na kufanya vizuri zaidi kwa kuanza na Zamalek, lakini kwa mazingira yaliyopo timu hiyo haiko tayari kwa mchezo wowote.

HALI HALISI
Mserbia huyo aliyewahi kuzinoa Orlando Pirates na Kaizer Chiefs za Afrika Kusini, alisema timu hiyo inakabiliwa na ukata mkubwa kuanzia kwa wachezaji, viongozi na yeye mwenyewe.

Katika hali ambayo iliwashitua waandishi wa habari kwenye mkutano wake wa jana Jumatatu jijini Dar es Salaam, Papic alitamka wazi kwamba hata mafuta ya gari ya klabu yaliyomtoa nyumbani kwake Upanga mpaka Ilala kwenye ofisi za Shirikisho la Soka la Tanzania (TFF) alipofanyia mkutano huo aligharimia mwenyewe kinyume cha utaratibu.

Sijakimbilia TFF kuja kuishtaki Yanga, nimekuja kukutana na waandishi wa habari hapa wote kwa pamoja ili kuepuka kutoa taarifa tofauti zinazoweza kutafsiriwa isivyo, alisema.

Hapa nilipokuja, tunazungumza wote hivyo mtaelewa kitu kimoja, tofauti na kuzungumza kwenye simu na mmoja mmoja, zitakuwa habari tofauti.

Lakini cha msingi zaidi ni kwamba pale klabuni Yanga kuna kambi ya waathirika wa mafuriko yaliyokea wiki iliyopita hapa Dar es Salaam, sioni kwamba ni busara kwenda kuweka mkutano kama huu pale, kwanza hakuna utulivu wa kutosha halafu watu wana matatizo si sehemu mwafaka ya kuzungumzia mambo kama haya, ndiyo maana nimekuja hapa.

Mkurugenzi wa Mashindano wa TFF, Saad Kawemba, alimzuia kocha huyo kutumia kumbi za mikutano za shirikisho hilo kwa maelezo kuwa hawana taarifa yoyote toka Yanga na kwamba mikutano kama hiyo hufanyiwa klabuni.

Kutokana na msimamo huo, kocha huyo alilazimika kusimama kwenye veranda za shirikisho hilo na kumwaga aliyonayo kwa mapaparazi.

MISHAHARA
Hali ni ngumu wachezaji hawana mishahara, mimi sina mshahara, sasa katika hali kama hiyo utafanyaje kazi? Ukiuliza viongozi wanakwambia kwamba klabu haina fedha.

Ni vigumu kufanya kazi katika matatizo makubwa kama haya, mbaya zaidi hata viongozi hawatoi ushirikiano si kwa simu wala kuwasiliana nao uso kwa uso. Hii inaleta picha mbaya hasa kwa klabu inayojiandaa na Ligi ya Mabingwa Afrika, sisi tulikuwa tumejipanga kuhakikisha tunafanya vizuri lakini kwa hali hii siwezi kuahidi chochote.

Tatizo hapa si mshahara wa kipindi gani kwa vile kila mmoja tatizo lake lina ukubwa wake, kilichopo ni kwamba tulipwe mishahara tufanye kazi.

Morali ya wachezaji imeshuka, hawa pia ni binadamu na wana majukumu yao ya kifamilia kama mimi kocha wao.

MAZOEZI
Timu haijafanya mazoezi tangu Jumanne iliyopita mafuriko yalipoanza, tatizo la mafuriko lilikuwa halikwepeki, viwanja kila sehemu vilijaa maji.

Lakini mpaka sasa timu inayojiandaa na Ligi ya Mabingwa Afrika na ambayo inacheza mechi za ligi Januari mwakani haina mazoezi kwa siku saba. Hapa unategemea nini?

Nimewaambia viongozi kwa vile hatuwezi kufanya mazoezi uwanjani, basi twende gym hapo napo wanasema klabu haina fedha ya kupeleka timu huko, haya ni matatizo, Yanga ipo kwenye matatizo makubwa na hili kila mmoja anapaswa kulielewa vizuri.

Matatizo ni makubwa mno, hayafichiki. Tulikuwa tumeshashika kasi ya mazoezi sasa tumesimama siku saba bila kufanya chochote, hiyo kiufundi inamaanisha kwamba ninahitaji wiki tatu nyingine kuitengeneza timu vizuri.

Hiyo tayari ni Januari mwakani, kumbuka mwezi huohuo mzunguko wa pili wa Ligi Kuu Bara unaanza, timu inahitajika kuwa fiti kwa ligi na hapo hapo una siku chache nyingine kucheza na Zamalek.

Timu haiko tayari kabisa kwa mchezo wowote ule, lazima tuambiane ukweli na wote wanaoipenda Yanga wajue hali halisi. Nimefuta mechi zote za kirafiki kwa sasa.

ZAMALEK NA MAPINDUZI
Timu haiko tayari hata kidogo kucheza na Zamalek kwa vile haijaandaliwa mpaka sasa, si Zamalek tu haiko tayari kucheza mechi yoyote ile kwa sasa, huwezi kuchezesha timu ambayo haijaandaliwa, utakuwa huwatendei haki mashabiki.

Angalia wenzetu Zamalek wanafanya maandalizi mazuri sana kwa taarifa nilizonazo ni kwamba wameshakuja Dar es Salaam wameandaa kila kitu kwa ajili ya mechi ya Februari, wameshaandaa hoteli, maji, chakula na usafiri wao.

Lakini Yanga ambayo inacheza nayo haina chochote inachofanya, hii ni hatari kubwa.
Hata hilo Kombe la Mapinduzi sina taarifa nalo na timu haitacheza kwa vile haina maandalizi, tutaangalia uwezekano wa kupeleka timu ya vijana ili hii nyingine ipate angalau muda wa maandalizi kama hizo fedha zitakuwa zimepatikana.

MASHABIKI
Lengo langu kubwa ni kuwaambia mashabiki kwamba hali si shwari na wajue kwamba Yanga yao ikoje kusudi tusije kulaumiana pasipo sababu, ndio maana nikaitisha mkutano huu, alisema Papic ambaye kuna uwezekano mkubwa akajiuzulu kuinoa Yanga.

Mashabiki wasije kumlaumu mchezaji yeyote au kocha kwa lolote lile, wanapaswa kujua kwamba uongozi haujaandaa timu kimazoezi kwa vile hauna fedha, ukweli ndiyo huo.

VIONGOZI
Papic aliwashutumu vikali viongozi, akisema wamekuwa wakimpa ushirikiano mdogo sana.

Mara nyingi hata simu zangu hawapokei na wala hawataki kuonana na mimi tuangalie cha kufanya, hii hali si nzuri kabisa, ninafanya kazi katika wakati mgumu.

Mambo mengi tuliyokubaliana kwenye mkataba hayatekelezwi ndiyo maana unakuta hata kwenye nyumba ninayoishi ni matatizo makubwa, hakuna maji wala umeme, sasa nitaishije?

Wala hakuna kiongozi yoyote aliyefanya juhudi ya kuondoa hali hiyo. Sasa tunawezaje kupata mafanikio katika mazingira ya utendaji kama huo?

MWENYEKITI
Mwenyekiti wa Yanga, Lloyd Nchunga, alipoulizwa jana Jumatatu alisema yupo likizo na hawezi kuzungumzia chochote na akaelekeza atafutwe Katibu Mkuu, Selestine Mwesigwa.

Katibu huyo aliiambia Mwanaspoti kwa njia ya simu kuwa Papic alisaini mkataba Oktoba 24 na tayari ameshalipwa mshahara wa miezi miwili hivyo wanashangaa anadai nini.

Suala la mishahara ya wachezaji kuchelewa si kitu cha ajabu kwani wanajua hulipwa tarehe 28 kila mwezi, Mwesigwa alisema.

Hilo suala la gym sisi tuna gym pale klabuni na yeye alituambia kwamba kwa sasa anafanya programu ya uwanjani tu.

MWAPE
Kutokana na ukata ulioelezewa na Papic, mshambuliaji Davies Mwape, amelazimika kuirudisha familia yake kwao Zambia baada ya maisha yao ya Dar es Salaam kuwa magumu.

Papic alisema: Amechukua familia yake ameirudisha kwao Zambia, hawezi kuishi nao hapa katika mazingira magumu kiasi hicho, hata hoteli ameshindwa kulipwa na mengine muulizeni mwenyewe.

MSAADA WA MKALIMANI PLZ!!!

AISEE TUNAOMBA MKALIMANI ATUELEZE HIYO MAKALA YA DANNY MRWANDA INAMAANISHA NINI...

Yanga Tabata kukutana Boxing Day

WANACHAMA wa klabu ya Yanga tawi la Tabata wametakiwa kujitokeza kwa wingi katika mkutano wa mwaka utakaofanyika kesho Jumatatu (26 Desemba, 2011) kwenye Ukumbi wa Afisa Mtendaji Kata huku ajenda kubwa ikiwa ni maandalizi ya mzunguko wa pili wa Ligi Kuu ya Bara.

Akizungumza jijini Dar es Salaam, Katibu Mkuu wa tawi hilo, Michael Warioba alisema, wanachama wa tawi hilo wanatakiwa kujitokeza kwa wingi kushiriki mkutano huo utakaoudhuriwa na vingozi wa kitaifa wa timu hiyo.

“Vitu vingi tutavizungumzia kama vilivyoorodheshwa katika ajenda zetu, lakini kubwa ni maandalizi ya timu katika mzunguko wa pili wa ligi kuu, pia mchezo wetu na Zamalekh (Kombe la Shirikisho Afrika).

“Tunaomba wanachama wajitokeze kwa wingi saa 4:00 asubuhi katika mkutano huo ili tuweze kuijenga klabu yetu na kutetea ubingwa wa Bara,” alisema Warioba.

Pia Warioba amewataka wapenzi wa klabu hiyo kujitokeza kuchukua kadi za uanachama wa Yanga ili waweze kupata nafasi ya kutoa mchango wa hali na mali katika kuhakikisha timu inafanya vizuri kwenye michuano mbalimbali.

MAFURIKO YA DAR YAMUACHA UCHI DUA SAID...

MSHAMBULIAJI WA ZAMANI SIMBA SC DUA SAID AKITUONYESHA JINSI MAFURIKO YALIVYOARIBU NYUMBA YAKE.

HII NI PICHA YA PAMOJA YA WACHEZAJI WALIOATHIRIKA NA MAFURIKO YA MVUA ILIYONYESHA JIJINI DAR ES SALAAM. WAPILI KUTOKA KUSHOTO NI SHAABANI RAMADHANI,MAALIM SALEH 'ROMARIO' MWENYE KIBARAKASHIA,DUA SAID,IBRAHIM MASOUD 'MAESTRO ', ROBERT DAMIANI,MTWA KIWHELU, MH IDD AZZAN NA MIMI.

HAPA DUA SAID AKIFANYA MAHOJIANO NA CLOUDS TV SEBULENI KWAKE .

HII NI MOJA YA SEHEMU ZA NDANI YA NYUMBA YA DUA SAID.

HII NDO HALI YA MOJA KATI VYUMBA

HAPA NI SEBULENI....

MASKINI DUA!! HAPA ALIKUA ANATUWEKEA UBAO ILI TUSIKANYAGE MATOPE WAKATI ANATUKARIBISHA NYUMBANI KWAKE..MBELE YANGU NI MKURUGENZI WA CLOUDS MEDIA GROUP BWANA RUGE MUTAHABA.

ARNOLD KAYANDA NDIYE ALIKUA ANAKIONGOZA KIKOSI CHA VIJANA WA CLOUDS FM NA TV WAKATI TUNATAKA KUINGIA KWENYE NYUMBA YA DUA SAID.

HAPA NI SEHEMU YA NJE YA NYUMBA YA DUA SAID NA HILO HAPO MBELE NI GARI LAKE AINA YA RANGE ROVER LILILOIBULIWA KWENYE MATOPE .

HAPA NI WAKATI NIKIFANYA MAHOJIANO NA MMOJA WA WAHANGA WA MAFURIKO MCHEZAJI WA ZAMANI WA VILABU VYA SIMBA NA YANGA MTWA KIWHELU.

YAYA TOURE NDIYE MWANASOKA BORA WA AFRIKA 2011

KIUNGO wa Ivory Coast Yaya Toure (28) ametawazwa kuwa mwanasoka bora wa Afrika kwa mwaka 2011 kupitia tuzo zilizotolewa na Shirikisho la Soka Barani Afrika (CAF) na kufanyika katika ukumbi wa Banquet uliopo ndani ya Ikulu ya Ghana.
Toure anayekipiga katika klabu ya Manchester City ya Uingereza alitwaa tuzo hiyo baada ya kupata kura nyingi na kuwapiku nyota wenzake aliotinga nao fainali, Mghana Andre Ayew na Seydou Keita wa Mali .

Mbali na tuzo hiyo pia kulitolewa tuzo mbalimbali kama ifuatavyo:

Mchezaji bora wa mwaka (anayekipiga Afrika):
-Oussama Darragi (Tunisia).

Mchezaji bora (Wanawake)
- Perpetua Nkwocha (Nigeria)

Mchezaji anayechipukia:
- Souleymane Coulibaly (Ivory Coast)

Mwamuzi bora:
-Noumandiez Doue (Ivory Coast)

Kocha Bora:
-Harouna Doula (Niger)

Timu bora ya Taifa (Wanawake):
-Cameroon

Klabu bora:
- Esperance ya Tunisia)

Nidhamu ya Mchezo:
-Libya

Tuzo ya Heshima:
-Mustapha Hadji( Morocco) na Austin ‘Jay-Jay’Okocha ( Nigeria)
source:
http://mamapipiro.blogspot.com/

JABIR AZIZ: Atoa bao lake la Brazil kwa Maximo na mkewe.

IKIWA imepita takribani miaka miwili tangu timu ya soka ya Taifa ya Tanzania ‘Taifa Stars’ ilipoandika rekodi ya kufungwa mabao 5-1 na Brazil, huku bao lake pekee likifungwa na chipukizi Jabir Aziz.
Nimepata nafasi ya kuzungumza na kiungo huyo anayeunda kikosi cha Taifa Stars tangu mwaka 2008 na kutueleza maisha yake akiwa ndani na nje ya uwanja.

Jabir mbali ya kuwa mwanasoka, ni mwanariadha mzuri na mtunza familia yake muda wote.


Kitu gani kilikufanya hadi ukaamua kuwa mcheza soka?
Jabir:Maisha yangu tangu utotoni yalinipelekea hadi nikaamua kucheza soka kwa sababu nilianza kutumia kipaji changu tangu nikiwa shuleni.


Ulianza kucheza mwaka gani?
Jabir: Niseme nilianza rasmi mwaka 2002 kipindi ambacho nilikuwa nacheza katika timu ya DYOC iliyopo Sigara, Chang'ombe mwaka huo huo tulichaguliwa kuunda timu ya Tanzania kwa vijana waliochini ya miaka 15 ambapo nilishiriki kwa mara ya kwanza michuano ya kimataifa ya ‘Gothia Cup’ kwa vijana iliyofanyika Denmark na Sweden.
Mwaka uliofuata tulichaguliwa tena kushiriki katika michuano hiyo ambayo kila tunaposhiriki huwa tunachukua ubingwa.

Mlikuwa na wachezaji gani?
Jabir: Kipindi hicho nilikuwa na miaka 14, nilicheza na wachezaji wengi sana baadhi yao ni Adam Kingwande (aliwahi kucheza Simba na sasa anaelezwa kuwa African Lyon), Ramadhan Chombo 'Redondo' wa Azam FC, Seif Mlanzi na Jabir Khalid Badra 'Dude'.

Tuambie kuna wakati ilisemekana wewe na wenzako mliitoroka timu ya Taifa hiyo ya DYOC mlipokuwa Denmark, ilikuwaje?
Jabir: Umenikumbusha mbali sana, wakati tulipokwenda katika michuano ya vijana ya mwaka 2003 nikiwa kidato cha pili, tulishawishiwa tukacheze nchini Norway ambako soka lao lipo juu, na sisi kweli tukakubali, siku timu yetu ya DYOC ilipoondoka kutoka Denmark kwenda Sweden nasi tukatoroka kwenda Norway. Tulikuwa wachezaji watano, mimi, Chombo, Seif Mlanzi, Jabir Khalid na Godfrey Benedict.

Maisha ya Norway yalikuwaje?
Jabir: Tulipoondoka uongozi wa timu yetu ulianza kututafuta lakini hawakutupata, tulipofika Norway tulipata timu za ligi daraja la nne, mimi nilipata timu ya FK Vang na Chombo akapata timu ya Lindal.

Ilikuwaje tena ukawa mwanariadha?
Jabir: Unajua kipindi hicho tunatoroka nilikuwa mdogo kiasi ambacho sitakiwi kucheza katika ligi kutokana na kuwa mdogo, hivyo nikajiunga na timu ya riadha inayoitwa Renning Hill, nilikaa na timu hiyo tangu mwaka 2004-2006 nikiwa mchezaji na mkimbiaji riadha mbio ndefu.

Ikawaje hadi mkarudi nchini?
Jabir: Chombo cha serikali kipo kila mahali, wakati tupo kule tulikuwa tukifuatiliwa sana na serikali ya Tanzania, pia kuishi nchi za watu bila kibali ni tabu sana lakini kwa kuwa tulikuwa wachezaji haikutusumbua sana.
Baada ya serikali yetu kugundua sehemu tulipokuwa ikaamriwa turudishwe nchini mara moja, ndipo mimi na wenzangu tuliporejeshwa nchini Oktoba mwaka 2006.

Uliporejea nchini maisha yako ya mpira yalikuwaje?
Jabir: Baada ya kurejea nchini nilijiunga na timu yangu ya mtaani ya Friends Rangers ambayo baada ya muda mchache nikasajiliwa na klabu ya Ashanti United ya Ilala katika dirisha dogo la usajili wakati ilipokuwa ikicheza ligi kuu, lakini timu hiyo ilishuka msimu uliofuata wa 2007/08.

Baada ya hapo?
Jabir: Nikiwa na Ashanti United kiwango changu kilikuwa kizuri, nikapata nafasi ya kujiunga na Simba SC kwa mkataba wa miaka miwili, kipindi hicho nilikuwa na wenzangu Juma Jabu na Adam Kingwande.

Ilikuwaje ukatoka Simba na kwenda Azam FC?
Jabir: Nilihamia Azam FC baada ya kumaliza mkataba wa miaka miwili na Simba, hivyo Azam FC wakaonesha nia ya kunihitaji na kwa kuwa mkataba ulikuwa umeshaisha nikaamua kujiunga na Azam FC.


Hii itakuwa timu yako ya tatu katika ligi kuu, ni tofauti gani unaiona kutoka timu zote?
Jabir: Maisha ya mpira yanafanana kwa kiasi fulani, lakini kuna vitu vichache ambavyo vipo tofauti kidogo.


Nafasi yako katika timu ya Taifa ikoje?
Jabir: Nilianza kuitwa katika timu ya Taifa nikiwa nacheza na Ashanti United, na nilipoenda Simba nashukuru nilipata nafasi hiyo tena.


Kitu gani unadhani kilipelekea wewe kutopata nafasi ya kucheza mechi nyingi za timu ya Taifa?
Jabir: Unajua kipindi naingia Taifa Stars kulikuwa na wachezaji wakongwe na sisi chipukizi, hivyo nafasi yetu ilikuwa kupata uzoefu na timu ya Taifa, hivyo tulikuwa tukipewa nafasi chache hasa katika mechi za kimichuano.
Nakumbuka nikiwa na Taifa Stars nimecheza mechi kadhaa ikiwemo Kombe la Africa Mashariki na Kati (Challenge Cup) na mechi dhidi ya Mauritius katika michuano ya kuwania kufuzu kucheza fainali za Kombe la Dunia 2010.


Wewe ni maarufu sana kucheza ukitokea bench yaani 'Super Sub', unalizungumziaje hilo?
Jabir: Kutokea benchi ni utaratibu wa kocha, huwa anachagua wachezaji wa kuunda kikosi cha kwanza na sisi tunakaa benchi, huwa naichukulia hiyo kama nafasi pia kwani kuna wengine hata benchi huwa hawakai wanaishia katika mazoezi tu.

JABIR AZIZ ( KUSHOTO ) ALIPOKUA NCHINI NORWAY.

Uliwainua watanzania wakati ulipoipatia goli la kufutia machozi baada ya kufungwa na Brazil, ulijisikiaje?
Jabir: Siku ile nilijihisi kama shujaa mkubwa kwani kuwapa furaha mamilioni ya watu ni kitu cha pekee sana, namshukuru Mungu kwa kunipa nafasi hiyo iliyoandika rekodi ya nchi yetu katika medani ya soka nchini kwani kuifunga Brazil ni kitu adimu sana kutokea kwa nchi kama yetu.

Ulifunga bao katika mechi ya mwisho kwa aliyekuwa kocha wa Taifa Stars Marcio Maximo,unaichukuliaje hali hiyo?
Jabir: Nalichukulia kama zawadi kubwa sana kwa Maximo, aliweza kutuongoza na kusaidia kuinua mpira wa Tanzania, hivyo bao hilo ni la shukrani yangu kwake kwa mema yote aliyoifanyia nchi yetu.
Pia bao hilo nali 'dedicate' kwa mke wangu, Jasmin Ismail Mkupete kwa msaada wake wa mawazo muda wote ninapokwama na kunipa ushauri pale ninapouhitaji. Vilevile natoa bao hilo kwa Watanzania wote wanaopenda maendeleo ya mpira wa miguu nchini.


Katika maisha yako ya kawaida familia yako ilikuchukuliaje pindi ulipoanza kuingia katika soka?
Jabir: Walikuwa wakali sana na walitaka nisome sana lakini kocha wangu Ramadhani Aluko wa DYOC, aliwaeleza kuwa mpira ni maisha, hivyo wakanikubalia hadi kuanza safari hizo nikiwa mdogo.


Wakati gani ulihuzunika sana katika mpira?
Jabir: Nilipoumia katika mechi ya Ligi Kuu ya Vodacom msimu wa 2008/09 nilipokuwa na Simba SC tulipocheza na Toto African nilipata jeraha ambalo liliniweka nje ya uwanja kwa muda mrefu.
Pia nakumbuka nilipotonesha jeraha langu katika mechi ya Simba na Yanga ya Kombe la Tusker mwaka jana.


Siku gani ulifurahi sana katika maisha yako ya soka?.
Jabir: Sitasahau siku nilipoipatia Simba bao pekee la ushindi dhidi ya Polisi Dodoma katika ligi ya msimu wa 2008/09, ushindi uliokuwa muhimu kwa timu yangu.


Kila binadamu ana matarajio yake, wewe unatarajia kufika hatua gani katika mpira?
Jabir: Natarajia kuwa mchezaji wa kimataifa, pia natarajia kuitumikia zaidi Taifa Stars.


Matarajio kwa familia?
Jabir: Kwa kweli natarajia kuwa na familia bora, kusaidia familia yangu na Mungu akinijalia kupata watoto nitawatunza vema.


Umecheza nje na ndani ya Tanzania umegundua kuna tofauti gani?
Jabir: Tanzania bado tupo nyuma kimpira kuliko nchi za Ulaya, tunahitaji muda na malengo mengi kufikia hatua ya kimataifa.

Nini mafanikio yako?
Jabir: Sijapata mafanikio makubwa sana lakini nimeweza kuendesha maisha yangu vizuri, na kufikia baadhi ya malengo yangu kifamilia. Upande wa mpira, kipaji changu kimeweza kukua kwa kiasi kikubwa tofauti na nilivyokuwa miaka iliyopita.


Kila kitu kina faida na matatizo, je ni matatizo gani unakutana nayo katika soka?
Jabir: Tatizo kubwa ni upande wa matibabu kwa majeraha ya wachezaji mpira kwani tatizo la kupona miezi miwili linaweza kuchukua miezi sita hadi mwaka.


Timu gani unaipenda kutoka bara la Ulaya?
Jabir: Naipenda Liverpool ya England na navutiwa na Steven Gerald wa timu hiyo.


Jabir Aziz alipoteza wazazi wake wote wawili akiwa bado mdogo na ilipofika mwaka 2000 bibi yake aliyekuwa akimlea, naye alifariki hivyo akawa analelewa na kaka na dada zake.
Ni mtoto wa mwisho katika familia ya watoto saba, wanaume watatu na wanawake wanne.
Amesajiliwa na Azam FC kwa mkataba wa miaka mitatu kuanzia Juni mwaka huu, ameoa mwezi uliopita na hajabahatika kupata mtoto.

KIKOSI CHA MASTAA WA BONGO WALIOCHEMSHA KABLA YA WAKATI…..

KATIKA kipindi cha miaka kumi iliyopita, nchi yetu (Tanzania) imebahatika kutoa wachezaji mahiri katika ukanda wetu
Mbarouk Suleiman Mbarouk
Wakati kizazi cha magolikipa mahiri kama, Mohammed Mwameja, Steven Nemes, Denis Edwin, Peter Manyika na Ismail Suma kikiishia, kulikuwa na makipa wengi vijana, Juma Kaseja, Mengi Matunda, Noel Pompi, Farook Ramadhani na wengineo, lakini kila mmoja alikuwa anaangalia ni hadi wapi vipaji vya makipa hao vingefika. Mbarouk Suleiman alikuwa ni mmoja ya makipa bora nchi kutokea Visiwani Zanzibar, lakini kutua kwake Yanga mapema mwaka 2006 ilikuwa ni sawa na kuupa kisogo mchezo wa soka akiwa na umri mdogo.

Said Sued
Kijana huyu wa Ilala alikuwa ni mchezaji mdogo zaidi katika ligi kuu ya Bara. Sued alijiunga na Simba mwaka 2001 akiwa kidato cha pili, na ndiyo kwanza alikuwa na umri wa miaka 17 kwa karibu alifuatiwa na Nico Nyagawa aliyekuwa Mtibwa Sugar wakati huo. Sued alikuwa anapanda kama mlinzi wa zamani wa Italia, Christian Pannucci, alikuwa mpigaji mzuri wa mipira iliyokufa kama Deniss Irwin, na mfungaji wa magoli ya mbali kwa staili ya Sergio Ramos. Matatizo ya mara kwa mara ya kinidhamu inasemekana ndiyo sababu kubwa ya Sued kutengwa na soka na kumuacha kinda mwezake wa mwaka 2001, Nyagawa akivaa beji ya unahodha wa Simba.

Twaha Abubakar ‘Abdul Mtiro’
Itikadi ya Usimba na Uyanga imemaliza kipaji cha Mtiro. Inasemekana kuwa mara baada ya kupaisha penati ya mwisho katika fainali ya ligi kuu ndogo mwaka 2007 mjini Morogoro, wakati timu yake ya Yanga ikicheza na mahasimu wao Simba, moja kwa moja aliwatumbukia ‘nyongo’ wana Yanga wote. Lakini ukiangalia kwa makini namna wanavyocheza ‘mafullback’ wa kushoto wa sasa wa Stars unaweza kuona kuwa Mtiro angeweza kuhodhi namba hiyo.

Boniface Pawassa
Kila alipokuwa anatema mate mshambuliaji mahiri wa zamani wa Misri, Hossam Hassan basi Pawassa alikuwa anayakanyaga, achana na stori kuwa Cannavaro anakaba sana, kwa Pawassa hakika usingeweza kumfikiria Cannavaro. Utovu wa nidhamu inasadikiwa ni sababu kubwa ya Pawassa kumaliza kipindi chake cha uchezaji akiwa na umri mdogo.


Hamis Yusuf.
‘Waziri wa ulinzi’ aliyehukumiwa na ubora wa Mamadou Niang. Ndiyo kabla ya Stars haijakwenda jijini Dakar kila mmoja alikuwa anafikiria ni nani na nani wangeanza katika kikosi cha kwanza (katika nafasi ya ulinzi wa kati), Victor Costa, Salum Sued na Yusuph wote walikuwa katika kiwango cha juu. Ilikuwa ni siku mbaya kwa Yusuph kwani hakuonekana kama ni kweli yeye ni ‘waziri wa ulinzi’ Sasa yupo AFC lakini ni sawa na kusema kuwa Yusuph ni moja ya vipaji vinavyotoweka kabla ya muda.


Waziri Mahadhi ‘Mendieta’
Katika umri wa miaka kati ya 28-30 aliyonayo sasa ni kichekesho kusema kuwa kiungo huyu mahiri wa zamani wa Stars ni kocha!! Mendieta kama alivyokuwa akitambulika kwa mashabiki wa soka nchini kutokana na kufananishwa na kiungo wa zamani wa Hispania, Gaizka Mendieta. Inasemekana kuwa majeruhi ya mara kwa mara yamemaliza makali ya kiungo huyu na kuchangia kwa kiasi kikubwa kujiweka kando na soka.

Shekhan Rashid Abdalah
Anavutia mabinti wengi kutokana na muonekano wake, upole wake lakini kikubwa ni namna anavyoupendezesha mchezo wa soka. Mara baada ya kutoroka katika klabu ya Simba mwaka 2003 na kwenda Norway, Shekhan aliporudi tena nchini mwaka mwaka 2004 hakuwa yule aliyepiga penati katika maji dhidi ya Ismailia ya Misri mwaka 2001. Mechi moja tu ilitosha kumuelezea kiungo huyu kuwa hana jipya tena, ni wakati Simba ilipocheza na Zanaco ya Zambia mwaka 2004. Alijitahidi kurejea katika kiwango chake lakini alivunjika mguu mwaka 2007, inasemekana kwa sasa yuko nchi Sweden.

Christopher Alex Massawe
Kama ilivyo kwa Shekhan, Alex pia alikuwa na mvuto kwa kina dada waliokuwa wakienda kutazama mechi za Simba au Stars.Alikuwa ana uwezo mkubwa wa kucheza kama mlinzi au kiungo mshambuliaji. Kisa cha Mchaga huyu kuachana na soka akiwa na miaka chini ya 28, inasemekana kuwa alipata mwanamke wa kizungu ambaye hakutaka acheze soka, ndiyo maana alikuwa anafanya vituko vingi katika siku zake za mwisho akiwa na Simba.

Abuu Ramadhani ‘Amokachi’
Mshambuliaji Mfungaji wa zamani wa Yanga, Abuu alikuwa ni mmoja wa washambuliaji wenye rekodi nzuri ya ufungaji katika Tanzania. Sijui alikutwa na nini na kutibuana na viongozi wa zamani wa klabu yake ya Yanga. Kasi, uwezo wa kupiga mashuti ni baadhi ya sifa za mshambuliaji huyu wa zamani wa Stars. Wapo wanaosema kuwa majeruhi yamepoteza makali ya kijana huyu.

Aaron Nyanda
Namna anavyocheza Nurdin Bakari kwa sasa ndivyo alivyokuwa anacheza Nyanda. Ni kiraka aliyekuwa na uwezo wa kucheza mahali popote uwanjani, lakini daima alikuwa anavutia akicheza namba 10 au 11, kwani ungeweza kuona vionjo ambavyo si rahisi kuviona kwa Nurdin Bakari. Inasemekana majeruhi na masomo yalimfanya kuachana na soka la ushindani akiwa na umri mdogo.

golikipa azichapa na shabiki uwanjani..

Debate: LIGI GANI BORA ULIMWENGUNI: EPL au La Liga?

Tangu msimu wa 1992-93 nimekuwa nikiifatilia ligi kuu ya England lakini kwa mtazamo wangu nadhani LA LIGA ndio ligi bora Ulimwenguni. Je wewe unasemaje ?

RASHIDI MATUMLA VS MANENO OSWARD WAPIMA AFYA ZAO NA KUKUTWA WAOPO FITI KUZIOPIGA DESEMBA 25

MABONDIA Rashid Matumla ‘Snake Man’ na Maneno Osward ‘Mtambo wa Gongo’ wanatarajia kupanda ulingoni kuzichapa Desemba 25 mwaka huu katika pambano lisilo la ubingwa.
Pambano hilo linatarajia kuwa la raundi 10 uzito wa kati litakalofanyika kwenye Ukumbi wa Heinken, Mtoni Kijichi jijini Dar es Salaam .

Siku kumi kabla ya mpambano mabondia Rashidi Matumla na Maneno Osward walishauliana kupima vipimo mbalimbali vikiwemo ukimwi na madawa ya kuongeza nguvu kama wanatumia na wameshapimwa na Daktali wa mchezo wa ngumi nchini chales kilaga, sheria za mchezo huo azirusu kutumia dawa za aina yoyote ya kuongeza nguvu
Hivyo mabondia wote wamekutwa wapo fiti na wanatarajia kuzipiga jumapili ya tarehe 25

Mkurugenzi wa Kampuni ya Adios Promotion, Shabani Adios 'mwayamwaya' ambaye ndiye muandaaji wa pambano hilo, alisema pambano hilo limeandaaliwa ili kumaliza ubishi baina ya mabondia hao ambapo katika pambano la mwisho Matumla alimchapa Oswald kwa pointi ambaye aliwalalamikia majaji kuwa hawakumtendea haki wakati walishawai kupigana mara mbili nyuma ambapo Matumla kamshinda Maneno Mara mbili na Maneno kashinda mara moja mpambano huo utakuwa wa kumaliza ubishi baina yao.

Utasindikizwa na mabondia mkongwe Rashidi Ally atazichapa na Kulwa Mbuchi, Selemani Jumanne na Ibrahimu Madeusi wakati Shabani Zunga atavaana na Mohamedi Kashinde, na bondia Sweet Kalulu na Saleh Mtalekwa


Katika Mchezo huo kutakua na DVD za mafunzo ya mchezo wa ngumi pamoja na kutambua sheria zake mbalimbali zitakazokua zikisambazwa na kocha wa mchezo huo Rajabu Mhamila 'Super D Boxing Coach' kwa ajili ya kuwapa mambondia mbalimbali mbinu za mchezo na mashabiki kujua sheria za masumbwi.

Super D alisema katika DVD hizo kutakuwa na mapambano mengi ambayo yanaweza kutumika kama mafunzo muhimu kwa mabondia ,makocha marefa pamoja na mashabiki wa mchezo kujua sheria mbalimbali.

'' Kuna mapambano kama ya akina Amir Khan, Manny Paquaio, Floyd Maywhether, David Haye, Mohamedi Ali pamoja na mtanzania Roja mtagwa anaefanya shughuli zake Marekani,

DVD hizo ni nzuri na hata walio tayari tayali katika mchezo huo wanatakiwa kujua sheria na mafunzo ya ngumi mana zinafundisha mambo mengi '' alisema Super D DVD hizo za mafunzo zinapatikana makutano ya barabara ya Uhuru na Msimbazi au katika kambi ya ngumi ILala na klabu ya AShanti nayo ya Ilala.

SANTOS 0:4 FC BARCELONA