MJADALA: ANGALIA VIDEO HII KISHA TOA MAONI YAKO - RONALDO ALIJIANGUSHA AU ILISTAHILI KUWA PENATI?

Atlético de Madrid - Real Madrid (Copa) 0-1... by realmadridplay

TAKWIMU: BAADA YA BAO LA JANA, IVANOVIC SASA YUPO SAWA KIMAGOLI NA TORRES

West Bromwich Albion 0-1 Chelsea (Goal... by all-goals

Matatizo ya safu ya ushambuliaji ya Chelsea msimu huu yamekuwa wazi sana, huku washambuliaji Torres, Ba, na Eto’o wote wakiwa hawafungi mara kwa mara - ingawa katika siku za hivi karibuni Eto'o amepata ahueni.

Torres, mchezaji ghali zaidi kuwahi kununuliwa na Chelsea mpaka sasa ameifungia Chelsea mabao manne tu msimu mzima - idadi hii sasa imefikiwa na beki wa kulia wa timu hiyo Mserbia Branislav ‘Bane’ Ivanovic.

NIONAVYO MIMI:TUNAHITAJI NIDHAMU YA JUU TUNAPOCHEZA SOKA NA WANAWAKE.

Na Oscar Oscar Jr

0789-784858

Mechi ya Mtibwa Sugar vs simba iliyopigwa kwenye uwanja wa Jamhuri pale Morogoro wiki moja iliyopita,ilimalizika kwa matokeo ya sare ya 1-1,Mussa Hassan Mgosi akiifungia Mtibwa sugar na Hamis Tambwe akiisawazishia timu yake ya Simba.Jonisia Rukyaa toka Bukoba ndo mdada aliyekuwa mwamuzi wa kati wa mchezo huo.

Kisaikolojia na tamaduni za kwetu,zinamuonea sana mwanamke.Mwanaume siku zote anajiona yuko juu,nafsi yake haikubali kuongozwa na mwanamke.Mwanamke nae anapokuwa kiongozi wa mwanaume,hupoteza hali ya kujiamini ingawa sio wote! Jambo hili sio kwenye soka tu,hutokea hata kwenye ofisi nyingine lakini pia ni lazima nikiri kwamba wapo baadhi ya wanawake wanauwezo mzuri sana wa kuongoza wanaume na mambo yakanyooka.

Wachezaji wengi wa Simba na wale wa Mtibwa walipewa kadi za njano nyingi sana,na Shabani Nditi nahodha wa timu ya Mtibwa sugar kuzawadiwa kadi nyekundu.Ukichunguza vizuri kadi hizo utagungua kwamba chanzo ni wachezaji kumdharau mwamuzi wa kike na mwamuzi huyo kujihami baada ya kuhisi anadharauliwa.Jonisia Rukyaa aliitendea haki mechi ile sema tu,hata angechezesha vipi,hawezi kupewa Ballon D'or!

Watangazaji wa skysports Andy Burton na Andy Gray waliwahi kuingia matatizoni mara baada ya kutoa comment zao za kumbeza mwamuzi mdada wa EPL Sian Massey.Kocha wa zamani wa manchester united Sir Alex Ferguson aliwahi kuulizwa kama na yeye anafikiria kuajiri Daktari wa kike kama klabu ya chelsea inavyomtumia mdada Daktari mwenye shahada ya Uzamili(masters) Eva Carneiro,Ferguson alijibu "mchezo wa soka ni mchezo wa wanaume hivyo wachezaji wake hawatokuwa huru kueleza matatizo yao kwenye vyumba vya kubadilishia nguo kwa daktari wa kike"

Kumekuwa na mtazamo hasi sana kwa wanawake wanaojihusisha na mchezo wa soka lakini ukweli utabaki pale pale,tuna wauguzi na madaktari wengi tu wa kike na kama tutawakwepa viwanjani,tutakutana nao Hospitali.Tatizo kwenye soka sio mwamuzi wa kike au wa kiume ni ukweli usiopingika kwamba mchezo huu uko kwenye kasi sana na kwa mwamuzi ambaye hapati fursa ya kutazama tukio zaidi ya mara moja,ni rahisi sana kufanya makosa.

Nadhani kabla ya kuwanyooshea kidole kina Israel Mkongo,Oden Mbaga na wengine kwamba wamepewa kitu kidogo au wanaonyesha mapenzi kwa timu fulani ni lazima kwanza tuwapongeze kwa kazi ngumu sana wanayoifanya.Makocha hufanya makosa,wachezaji wanakosea,viongozi wa timu wanakosea na hata wachambuzi wa soka nao kuna muda wanakosea.Unadhani waamuzi ni malaika?

Hakuna maamuzi ya refa ambayo yanaweza kupongezwa,akitoa kadi ya njano anapewa lawama,kadi nyekundu ndo kabisa usiseme.Akitoa penati ndiyo kabisa ataambiwa alikula pesa,akiongeza dakika 8 baada ya dakika 90 za awali kumalizika,atapigiwa kelele mpaka basi! Ni kweli lazima nikubali kwamba kuna muda wanafanya makosa ya kizembe lakini ni wazi kwamba kasi ya mchezo wa soka siku zote inawaacha waamuzi nyuma sio Tanzania tu,hata ulaya na ndiyo maana wanataka tekinolojia ianze kutumika ili kumsaidia mwamuzi kuweza kumudu kasi ya mchezo.

KALI YA LEO: KUTANA NA SHABIKI NAMBA 1 WA BOTAFOGO ALIYEJICHORA TATTOO 83 KUHUSIANA NA MAPENZI YAKE KWA KLABU HIYO

Kutana na mzee huyu ambaye anajiita "Shabiki namba moja wa Botafogo" - na amejichora tattoo 83 kuthibitisha hilo.

“Nilizaliwa mjini Botafoguense,” anaelezea Delneri Martins Viana, 69, mwanajeshi mstaafu. 
Alikuwa huku akiwaangalia wachezaji kama vile Manga, Nilton Santos, Didi, Zagallo, Quarentinha, Garrincha na Amarildo kundi la wachezaji wa kikosi kizuri kuliko vyote katika historia ya klabu hiyo, baada ya hapo akawashuhudia akina, Paulo Cesar Caju na Jairzinho, baadae akashuhudia kikosi cha Botafogo kilichokuwa kikiongozwa na Tulio Maravilha kikipata mafanikio makubwa mnamo mwaka  1995.

Delneri alijichora tattoo ya kwanza - ikiwa kama kumbukumbu ya  Garrincha – miaka 14 iliyopita. Baada ya hapo akaanza kunogewa na kuingiza wino mwilini mwake.  
Mwili wake sasa umezungukwa na tattoo za kauli mbiu za Batafogo, majina ya wachezaji wa zamani, beji na hata Biriba, mbwa ambaye Raisi wa zamani wa klabu hiyo Carlito Rocha alivunja sheria za klabu zilizokataza wanyama - yeye alikuwa akiingia nae uwanjani akiamini ataleta bahati kwa klabu. 
Alama iliyopo nje ya nyumba ya Delneri  anayoishi na mkewe Marina Gonalves, na mbwa aliowapa majina ya Garrincha na Loco Abreu, iliyopo eneo la Bangu, ndani ya jiji la  Rio de Janeiro, inasomeka: ‘Karibu……lakini tafadhali usiongee vibaya kuhusu Botafogo.’

Delneri anajaribu kwenda kwenye kila mchezo wa Botafogo - nyumabani na ugenini - mara nyingi akiwa anasindikizwa na watoto wake wa kike Glaucia and Marcela. 

CHELSEA YASIMAMISHWA NA WES BROM - WATOKA SARE 1-1

West Brom 1-1 Chelsea (All Goals) 11... by ourmatch

CRISTIANO RONALDO APIGA MBILI MADRID WAKIKATA TIKETI FAINALI COPA DEL REY

Atletico Madrid 0-2 Real Madrid Footyroom.com by footyroomcom

TWEETS ZA LEO! FERNANDINHO AITWA TENA KIKOSI CHA BRAZIL BAADA YA MIAKA MIWILI.

DAUDA TV: YANGA Vs COMOROZINE 7-0,AZAM FC 1-0 FERROVIARIO DA BEIRA 1-0

NIONAVYO MIMI:SWANSEA CITY IMEPOTEZA "USWANSELONA" WAKE

Na Oscar Oscar Jr

0789-784858

Barcelona ni timu maarufu sana kwa kucheza "Tick-Taka style",mchezaji wake akiwa anamiliki mpira,wenzie wawili wanasogea kuomba pasi na wanapopoteza ,wanaondoka watatu kwa pamoja kama nyuki kwenda kuutafuta kwa mpinzani.

Swansea city walikuwa wameimasta style hii. Arsenal amepata shida sana mbele ya Barcelona na Swansea city timu ambazo inaaminika zina falsafa moja ya mpira ingawa wachezaji wake wana ubora tofauti.Unajua kwa nini? Arsenal anafanana na hao wawili anapokuwa anamiliki mpira tu,anapopoteza arsenal hakabi vizuri kama hao wenzie.

Swansea city ni timu ambayo ilikuwa inamiliki mpira kuliko kawaida na kupata ubingwa wa Capital one Cup kwa kumchapa Chelsea kwenye nusu fainali 2-0 pale "Daraja la Mtera" Stanfford Bridge na kufanikiwa kutoa Sare kule Liberty stadium,huku Hazard akimaliza hasira zake kwa kumtia mateke ball boy wa swansea city.

kwa nini wamepotea msimu huu? Kumkosa mchezaji wao bora wa Klabu wa mwaka jana MICHU ni pigo kwenye kikosi chao.Michu alifunga goli 18 za EPL msimu uliopita na mabao yake mengi sana yaliwapatia point 3 kwenye timu.Ukitaka kujua hili,waulize arsenal pale emirates msimu uliopita watakupa jibu.

Kwa sasa wanamtumia Wilfred Bonny,ni kweli anafunga sana lakini magoli yake mengi hayawapi point yoyote Swansea.Bonny alifunga dhidi united na matokeo yakawa 4-1 kwa united kuibuka na ushindi,alifunga mabao mawili dhidi ya man city na matokeo wao ndo wakalala kwa mabao 3-2,alifunga dhidi ya Spurs na wakalala 3-1 n.k ingawa lazima pia nimpe credit kwa bao lake maridadi lililowaondoa man united kwenye FA CUP pale Shamba la bibi Old Trafford.

Swansea city kwa sasa wanapumulia mipira na ubora wa uchezaji wao umepotea,naamini kurudi kwa Jonathan De Guzman,Nathan Dyer na Michu kunaweza kuwarejeshea tena makali yao.Kukosekana kwa hao watu,naamini ni moja ya wao kuyumba lakini pia kuuzwa kwa Scott Sincair,Graham na mkopo wa Ki Sung umewaathiri.

Swansea wanashiriki michuano ya Europa League na kwa mujibu wa historia inaonyesha kwamba timu za Uingereza huwa hazifanyi vizuri kwenye ligi pindi zinaposhiriki Michuano ya Europa.Wanalazimika kusafiri na kucheza mara mbili kwa wiki,kwa udogo wa kikosi chao,wachezaji wanachoka sana.

Liverpool alishiriki Europa League,akamaliza wa 7 kwenye Ligi,Stoke city aliwahi maliza wa 14,Newcastle mwaka jana alimaliza wa 16,Fulham waliwahi kumaliza wa 12.Ni man city tu ndo wamewahi kushiriki Europa na kufanikiwa kucheza UCL msimu uliofata.

Europa kwenyewe kuna kina Juventus,Napoli n.k sidhani kama mambo yatakuwa mazuri huko ingawa kwenye soka hakuna kinachoshindikana.Kama waliweza kumpiga Vallencia kule Spain,lolote linawezekana.Sina hakina kama watarudia tena Uswanselona wao but namtakia mema kocha wao wa muda Garry Monk ambaye ameanza kwa ushindi kwenye mechi ya dhidi ya Cardiff city na nitammiss sana kocha Michael Laudrap aliyetimuliwa hivi karibuni..

NILING'OKA MENO KWASABABU YA NDONDO- KIPANYA MALAPA

 Kutoka kushoto ni orodha ya waliokuwa wacheza NDONDO maarufu: Shaffih Dauda,Gula Joshua,Kipanya Malapa,Jemedari Said na James Chirwa


 Mshambuliaji wa zamanai wa vilabu vya Blackpool na Black Six za Ving'ung'uti,Ashanti ya Ilala,Singida UTD na Yanga Kipanya Malapa amesema mashindano ya mitaani maarufu kama 'NDONDO' yalimpekea hadi kung'oka meno.

 Mmoja wa wanasoka maarufu wa kucheza NDONDO alikuwa ni Marehemu Omari Changa 'Mapung'o'.


'Ndondo zilikuwa hazilipi na moja ya athari zake ni kuniachia mapengo',Enzi zetu tulikuwa tunacheza bila mikataba ndio maana tulikuwa tunacheza sana ndondo,siku sababu ya wachezaji kucheza ndondo kwasababu wanalipwa mishahara hadi kufikia 500,000'.
Kipanya pia hakuacha kuwataja wacheza ndondo maarufu aliokuwa anakutana nao viwanjani,miongoni mwa wachezaji aliwataja ni Mshambuliaji Omary Changa aliyefariki hivi karibuni,wengine aliowataja kwenye orodha yake ni Juma Kisungura,Edward Kayoza na Omary Bunju.

ANGALIA NAMNA ASKARI MAGEREZA ALIVYOKAMATWA NA TIKETI BANDIA...

Mshambuliaji wa zamani wa vilabu vya Tukuyu Stars na Prisons vya Mbeya John Joseph amekamatwa na jeshi la polisi mkoani Mbeya akiuza tiketi bandia kwenye mchezo wa Mbeya City na Mtibwa Sugar.

John Joseph ambaye kwasasa ni askari wa jeshi la Magereza mkoani humo,alikamatwa na tiketi tano bandia akiziuza nje ya uwanja wa Sokoine.

Akiongea hapo jana usiku kwenye  kipindi cha SPORTS BAR cha Clouds TV kinachoruka kila ya Jumatatu, kamanda wa polisi wa mkoa wa Mbeya ndugu Ahmed Msangi alithibitisha kukamatwa kwa askali huyo na kusema uchunguzi ukikamilika atapelekwa mahakamani.

 Hapa John Joseph akiwa ameshikiliwa na polisi.

 Tiketi halali.....imeiva....

Hii ilikuwa tiketi feki......imepauka

WASHINDI KILI MARATHON KUNYAKUA ZAIDI YA SH MILIONI 40

Zawadi za fedha taslimu kwa washindi wa Kilimanjaro Marathon 2014 zimeongezwa hadi zaidi ya shilingi milioni 40 na kuifanya mbio hii kuwa kati ya m io kubwa zaidi barani Afrika.

Waandaaji wa mbio hizo wametangaza kuwa washindi wa wa Kilimanjaro Marathon 2014 watajipatia zaidi ya shilingi milioni 40 fedha taslimu kama zawadi.

John Addison, Mkurugenzi Mkuu wa Wild Frontiers, waandaaji wa mbio hizo alisema katika taarifa yake kwa vyombo vya habari jana kuwa mbali na washindi kujinyakulia zaidi ya shilingi milioni 40 pia watapata fursa ya kujishindia zawadi nyingine kabambe za kuvutia kutoka wadhamini wakuu Kilimanjaro Premium Lager kwa kushirikiana na wadhamini shirikishi

Alisema washindi wa mbio ndefu za marathon ya kilomita 42 watajishindia jumla ya shilingi milioni 20, na zawadi ya fedha taslimu shilingi milioni 10 kwa washindi wa nusu marathon huku washindi wa mbio za walemavu maarufu kama GAPCO 10km Marathon wakijishindia kiasi cha shilingi milioni 6. Washiriki wote watakaomaliza mbio za kujifurahisha za Vodacom 5km Fun Run wataweza kujishindia zawadi mbalimbali.

Addison alisema kuwa mbio za mwaka huu zimesheheeni motisha mbalimbali za kuvutia ili kuongeza idadi ya washiriki. Washindi wa kwanza kwenye mbio ndefu za kilomita 42 (Kilimanjaro Premium Lager Marathon) wanawake kwa wanaume watajinyakulia kiasi cha shilingi milioni 4 kila mmoja, shilingi milioni mbili kwa washindi wa pili na shilingi milioni 1 kwa washindi wa tatu. Washindi wa kwanza kwenye mbio ndefu za  nusu marathon (km 21) wanawake kwa wanaume watajinyakulia kiasi cha shilingi milioni 2 kila mmoja, shilingi milioni 1 kwa washindi wa pili na shilingi 500,000 kwa washindi wa tatu.

Addison aliongeza kuwa medali na t-shirt zitatolewa kwa wanariadha 500 wa kwanza kumaliza mbio za kilomita 42, wanariadha 2,200 wa kwanza kumaliza mbio za nusu marathon na wanariadha 80 wa kwanza kumaliza mbio za walemavu.  Washiriki 3,000 wa kwanza kumaliza mbio za kujifurahisha za Vodacom 5km Fun Run watapewa t-shirts baada ya kumaliza mbio na watapata fursa ya kujishindia zawadi mbalimbali za kuvutia kupitia droo.

Ili kuwapa hamasa wanariadha wa Tanzania kufanya vizuri katika mbio hizi, Kilimanjaro Premium Lager imetenga kiasi cha shilingi milioni 2 bama bonsai kwa wanariadha Watanzania watakaovunja rekodi katika mbio hizi.

Mbio hizi zinaratibiwa na kwa kushirikiana na Riadha Tanzania, Chama cha Riadha Mkoa wa Kilimanjaro na Kilimanjaro Marathon Club huku zikidhaminiwa na Kilimanjaro Premium Lager, Vodacom Tanzania, GAPCO, Simba Cement, KK Security, Keys Hotel, TPC Sugar, TanzaniteOne, CMC Automobiles Ltd, Kibo Palace Hotel, RwandAir, FNB Tanzania, UNFPA na Kilimanjaro Water.

MABINGWA AIRTEL RISING STARS WASICHANA WAJAZWA NOTI

TIMU ya wasichana ya Tanzania imekabidhiwa zawadi ya Sh milioni 16 baada ya kutwaa ubingwa wa michuano ya vijana walio chini ya umri wa miaka 17 ya Kimataifa ya Airtel Rising Stars iliyofanyika Septemba mwaka jana nchini Nigeria.

Timu hiyo ilitwaa taji hilo baada ya kuifunga Kenya bao 1-0 lililofungwa na Donisia Daniel katika fainali hiyo.

Akipokea fedha hizo jana (Februari 10, 2014) Katibu wa Chama cha Mpira wa Miguu Mkoa wa Dar es Salaam (DRFA), Msanifu Kondo alisema wanaishukuru Kampuni ya Airtel kwa kutimiza ahadi yao ya zawadi ya fedha hizo na tayari wamezikabidhi kwa makocha na wachezaji wa timu hiyo.

Alisema kila mchezaji amepewa Sh 850,000 wakati kocha mkuu wa timu hiyo Rogasian Kaijage amepewa Sh milioni moja na laki mbili na kocha msaidizi amepewa Sh milioni moja.

“Tunawashukuru Airtel kwa kutoa fedha hizo za zawadi kwa timu hii na sisi tumewakabidhi wahusika,” alisema.

Kwa upande wake Afisa Uhusiano wa Airtel Tanzania Jane Matinde alisema wao kama wadhamini wa mashindano hayo wametimiza ahadi yao kwa kukabidhi fedha hizo kwa mabingwa hao.

“Kwa niaba ya Airtel Tanzania tunaipongeza timu ya wasichana ya Tanzania kwa kutwaa ubingwa huo, lakini pia tumetekeleza ahadi yetu ya kukabidhi zawadi, kama mnavyofahamu kampuni yetu imekuwa mstari wa mbele katika kusaidia mambo ya kijamii lakini pia michezo ikiwemo soka kupitia michuano ya vijana ya Airtel Rising Stars kwa kushiriki na klabu ya Manchester United,” alisema.

JEZI YA DIDA NOMA YANGA

Na Arone Mpanduka,Radio Tumaini

GOLIKIPA wa klabu ya soka ya Yanga Deogratius Munishi ndiye mchezaji pekee katika timu ya Yanga anayevalia jezi yenye nambari kubwa kuliko yeyote kwenye timu hiyo.

 

Kwa mujibu wa uchunguzi uliofanywa na gazeti la Tumaini Letu, Munishi maarufu kama Dida anatumia jezi nambari 30 mgongoni pindi anaposimama kwenye milingoti ya timu ya Yanga ambayo ndiyo yak mwisho katika klabu hiyo kwa sasa.

Wachezaji wengine wanaomfuatia Dida kwa kuwa na jezi yenye nambari kubwa mgongoni ni pamoja na mlindamlango namba moja Juma Kaseja ambaye anatumia jezi namba 29.

 

Mbali na Kaseja mchezaji mwingine wa timu hiyo ni Simon Msuva mwenye jezi nambari 27 akifuatiwa na mchezaji Hassan Dilunga mwenye jezi nambari 26 mgongoni.

Mshambuliaji mpya Emmanuel Okwi yeye anavalia jezi nambari 25 huku kiungo mahiri Athuman Iddi Chuji akitumia jezi nambari 24 tangu ajiunge na timu hiyo miaka saba iliyopita.

Beki Nadir Haroub Canavaro naye ni mmoja wa wachezaji wanaovalia jezi yenye nambari kubwa mgongoni akiwa na jezi nambari 23 huku kinda Hamis Nyige akiwa na jezi nambari 22 na mshambuliaji Hussein Javu jezi nambari 21.

NAMBA NA TAFSIRI ZAKE

Wapo baadhi ya wachezaji katika klabu ya hiyo ambao wamechagua namba za jezi kwa sababu maalum akiwemo mshambuliaji Emmanuel Okwi.

Okwi ameamua kuchagua jezi nambari 25 kwasababu alizaliwa Disemba 25 mwaka 1992 huko nchini Uganda hivyo ameona ni bora atumie nambari hiyo ili kuipa heshima tarehe yake ya kuzaliwa.

 

Si Yanga pekee ambako aliweza kufanya hivyo bali hata katika klabu alizopitia ikiwemo Sc Villa, Simba SC na hata timu yake ya taifa amekuwa akitumia jezi nambari 25.

Kwa upande wake Juma Kaseja ambaye sasa ana umri wa miaka 30 mwaka jana wakati alipojiunga na Yanga alipewa rasmi jezi nambari 29 ambayo ilikuwa ikiendana na umri wake.

 

Awali jezi hiyo namba 29 ilikuwa ikivaliwa na mshambuliaji wa zamani wa timu hiyo, raia wa Kenya, Boniface Ambani, kabla ya kustaafu kucheza soka la kulipwa.

JEZI NAMBA 9 NA IMANI POTOFU YANGA

Wachezaji mbalimbali wa Yanga wamekuwa na imani potofu kwamba jezi namba tisa mara nyingi haimpi mchezaji mafanikio anayoyataka ndani ya uwanja.

Imani hiyo imeibuka kufuatia wachezaji kadhaa waliowahi kupita katika timu hiyo kushindwa kufanya vizuri na kupeleka hata wengine kuishia kwenye benchi la wachezaji wa akiba na kushuhudia wenzao wakicheza mechi kadhaa.

 

Awali jezi nambari tisa Yanga ilikuwa ikivaliwa na Mkenya, Boniface Ambani ambaye baadaye aliachana nayo na kuhamia namba 24 na kumfanya awe mfumania nyavu hatari katika timu hiyo.

Baadae jezi namba 9 ikaenda kwa Mcameroon, Jama Mba, ambaye naye alijikuta kama ana mikosi baada ya kuonekana si lolote si chochote na kuishia benchi kabla klabu kumfungashia virago na kurejea kwao.

Baada ya Mbuyu Twite kujiunga na Yanga mwaka 2013, uongozi ukampatia jezi nambari tisa lakini aliikataa na kupewa namba 6 baada ya kusikia tetesi kwamba namba hiyo ina mikosi klabuni hapo.

 

Mchezaji mwingine wa Yanga Omega Seme aliitumia jezi hiyo lakini taratibu makali yake yakapungua na mwishowe Yanga ikamchoka na kumtoa kwa mkopo kwenda klabu ya Tanzania Prisons ya jijini Mbeya.

Kwa sasa jezi hiyo inatumiwa na mshambuliaji Renatus Lusajo Mwakasabule ambaye mara zote amekuwa akiishia kukaa benchi huku akiwaachia nafasi kina Mrisho Ngassa,  Kavumbagu na Tegete wakicheza katika safu ya ushambulizi.

 

Kasumba hiyo mbovu pia imewakumba watani wao wa jadi Simba ambao nao wanaikimbia jezi namba tisa.

Mchezaji Ramadhani Salum ndiye anavaa jezi hiyo huku akiwa hana nafasi katika kikosi cha kwanza.

Katika kipindi cha nyuma namba hiyo alikuwa nayo mchezaji Kago Gervais wa Jamhuri ya Afrika ya Kati ambaye alijiunga na klabu hiyo kwa mbwembwe nyingi.

Hata hivyo kiwango chake kilikuwa duni na kuishia katika benchi la wachezaji wa akiba na mwishowe akafungashiwa virago na uongozi wa klabu ya Simba.

 

0786160643

EXCLUSIVE INTERVIEW: BRAZIL TO HOST WORLD CUP AGAIN AFTER 64 YEARS!

Brazil is calling! Don’t miss the World Cup and Copacabana beach !

On Wednesday last week, MOblog hosted an exclusive Q and A interview with the Brazilian Ambassador to Tanzania, Hon. Francisco Luz, ahead of the upcoming World Cup Tournament. Read On;

MOblog Tanzania’s Chief Editor, Damas Makangale in an exclusive interview with the Brazilian Ambassador to Tanzania, Hon Francisco Carlos Soares Luz at his office.

By Damas Makangale, MOblog Tanzania

MOblog: What was your initial reaction when you heard that Brazil will host the 2014 World Cup?

Ambassador Luz: I think like every Brazilian who is crazy about football, I was very excited with the news. At a time we knew that there was no competition since Columbia had retired its candidate so Brazil was standing alone. We knew [the World Cup] was supposed to happen in South America, so we are very happy and excited with the opportunity of hosting the world cup again after 64 years.

MOblog: Brazilians are going to the world cup with a squad of younger and very promising players compared to Spain, Germany and Argentina. To what extent do you think it will help the team to win the trophy?

Ambassador Luz: I think Scolari has done the right thing. He has mixed the team with young, talented players who are ready to present themselves to the world and become national heroes like Neymar da Silva Santos but he has included veterans; mature and experienced players.

MOblog: Do you think Brazil will benefit from a home advantage and go on to win their first World Cup since 2002?

Ambassador Luz: We have won the confederation cups and a home advantage will be a factor during the world cup finals. We believe that the home ground will make a difference to us.

To read more click here

WATANZANIA HATUJACHELEWA KUFAHAMU NAMNA MAJUKUMU YA MABEKI WA PEMBENI YALIVYOBADILIKA......

Siku za karibuni nimekuwa nikifuatilia mechi za ligi kuu ya Vodacom hapa nchini, miongoni mwa maeneo ambayo baada ya kufuatilia kwa muda mrefu sasa nimegundua yanahitaji sana maboresho ni sehemu ya mabeki wa pembeni.

Kutokana na mabadiliko makubwa ya namna ya uchezaji siku hizi, imepelekea pia majukumu ya wachezaji kiwanjani kubadilika kutokana na mahitaji ya kisasa tofauti na ilivyokuwa hapo mwanzoni. Juzi nilikuwepo kwenye uwanja wa Chamazi kuwashuhudia wawakilishi wetu Azam FC kwenye kombe la shirikisho walipokuwa wanacheza na timu ya Feroviarrio kutoka kule Beira nchini Msumbiji.
Pamoja na Azam kupata ushindi wa bao 1-0 niligundua mabeki wa pembeni Malika Ndeule na Erasto Nyoni kama wangecheza kama ambavyo mahitaji ya mchezo wa kileo yanavyowataka wabeki wa pembeni kucheza basi Azam wangeweza walau kupata ushindi zaidi ya walioupata ama kwenye mechi ya marudiano wakirekebisha hayo mapungufu basi watakuwa na nafasi ya kusonga mbele kwenye mashindano hayo.


Katika kuelezea jukumu la beki wa aidha upande wa kushoto au kulia, kazi yao kubwa ni kulinda goli lao kwenye pembe za uwanja, wakiwazuia wachezaji wa timu pinzani kuingiza mipira ndani ya eneo lao penati na kuleta madhara.

 Jukumu lao la pili, pia wanatakiwa kusaidia timu wakati wa kushambulia. 

Mwanzoni, mabeki wa pembeni walikuwa wagumu na kuaminika sana, jukumu kubwa na la pekee lilikuwa kusimamia ulinzi zaidi, lakini siku hizi timu nyingi zimekuwa na mabeki wa pembeni ambao wamekuwa wasaidizi wazuri wa mashambulizi ya timu zao kutokea pembeni.  

Kwa kipindi cha miaka 10 iliyopita majukumu ya mabeki wa pembeni yamebadilika. Hivi sasa, timu nyingi bado zinacheza na mabeki wazuri wa pembeni ambao wanaweza kuzuia vizuri pamoja na kushambulia, mfumo wa siku hizi mabeki wa kati wanajipanga kucheza pembeni kuhakikisha wanakuwa na mstari mzuri wa ulinzi. Lakini hii staili haipo kwa timu ambazo zina uwezo mdogo wa kumiliki mpira, ambazo muda mwingi wa mchezo zinakuwa zinazuia mashambulizi, hivyo zinakuwa hazihitaji mabeki wao wa pembeni kwenda mbele kushambulia - staili hii inaweza kuonekana sio nzuri hasa kwa sababu inaacha mstari wa ulinzi hasa kati kati kuwa wazi wakati timu inapopoteza mpira.

Jukumu la beki wa pembeni wa kisasa kwa ujumla kwenye timu inayocheza soka la kushambulia na kwa timu inayocheza soka kwa kumiliki zaidi mpira, ni kujenga mashambulizi kuanzia nyuima.

Jukumu la beki wa pembeni limebadilika hasa wakati timu zilipoamua kucheza kwa kumiliki zaidi mpira, hasa katika ligi kama ya Hispania ambapo timu zinajaza viungo kati kujaribu kuimiliki zaidi mechi.  

Mabeki wa pembeni ndio wanategemewa zaidi kuipeleka timu mbele kwa sababu mara nyingi ndio wachezaji wanaokuwa na nafasi kubwa uwanjani kwa sababu katikati mwa uwanja kunakuwa kumejaa wachezaji wengi. Kwa timu kuweza kufaidika na mfumo huu, mabeki wa pembeni inabidi wawe fiti vya kutosha ili waweze kushambulia kutokea pembeni na kuwahi kurudi wakati timu yao inashambuliwa. 

 Matokeo ya mfumo huu timu nyingi zimeacha kuweka umuhimu wa kutumia mawinga asilia. Kwa timu ambazo hazichezi na mawinga asilia, mabeki wa pembeni ndio hutumika kama mawinga na mabeki kwa wakati mmoja. 

 AC Milan wamekuwa maarufu kwa miaka kadhaa sasa kwa kucheza bila mawinga asilia na wakiwa na mabeki wanaoshambulia. Kasi na nguvu ndio vitu muhimu kwa mabeki wa pembeni wa kisasa kwa sababu watakuwa wanakimbia eneo kubwa ikiwa watakuwa wanaifanya vizuri kazi yao.

Kutokana na sifa hizi anazotakiwa kuwa nazo beki wa pembeni wa kisasa, ndio maana sio jambo la kushangaza kuona kuna wachezaji wachache wanaoweza kucheza kwenye nafasi hizo ukifananisha na sehemu nyingine dimbani. 

Mabeki wengi wa pembeni wa kisasa waliwahi kuwa wachezaji wa kushambulia ambao walirudishwa nyuma kucheza kama mabeki wa pembeni. Mfano mzuri ni wachezaji kama Ashley Cole, Patrice Evra, Daniel Alves na Zambrotta.  Jukumu la beki wa pembeni limekuwa kubwa kiasi kwamba katika michezo mikubwa na muhimu, timu nyingi zimekuwa zikijaribu kuzuia kipekee mbio za mabeki wa pembeni, huku timu nyingine zikitoa uhuru wa kushambulia kwa mabeki wao. Kwa mfano, barani ulaya  Manchester United inapendelea kucheza na mawinga wazuiaji kama vile Antonio Valencia na hata Park alitumika hivyo hivyo, hii ilikuwa kuweza kurudi na kusaidia kuzuia mashambulizi ya wachezaji wa pembeni wa timu pinzani. 

Daniel Alves ni mfano wa beki wa pembeni ambaye timu inajipanga kwa mtindo wa kipekee ili kuweka mfumo unaomfaa yeye na uchezaji wake. Ni mzuri sana katika kushambulia, na kasi na nguvu - akiongeza mashambulizi ya Barca kutokea upande wa kulia, hivyo mara nyingi Barcelona kucheza wachezaji watatu mbele (hasa upande wa kulia) ili kwenda sawa na aina ya uchezaji wake.  Hii haiwapi shida Barcelona kwa sababu muda mwingi wa mchezo wanakuwa na mpira wao; hii inamfanya Alves kuwa na faida sana kwenye mashambulizi ya timu. 

Hii staili ya uchezaji timu nyingi bado hazijaimudu na ni vigumu kuweza kuitumia katika siku za hivi karibuni, lakini kutokana na kuongezeka kwa umuhimu wa mabeki wa pembeni leo hii, jukumu hili la mabeki wa pembeni litazidi kuendelea kuboreka na litakuwa jambo la kawaida kiasi kwamba timu zitakuwa zikipanga mbinu za kuzuia mashambulizi ya mabeki wa pembeni zaidi ili kuweza kudhibiti mchango wao katika timu zao kuliko ilivyo hivi sasa. 

NIONAVYO MIMI: ROBERTO MANCINI ALIKUWA ANAWACHELEWESHA MAN CITY.

Na Oscar Oscar Jr

Kama kuna watu walitakiwa kutufanya tusilale, basi wangekuwa ni mashabiki wa Manchester city. Man city wametinga fainali ya Capital one Cup baada ya kuwafunga West Ham united kwa uwiano wa mabao 9-0.
Wamempiga Spurs kwenye EPL nje na ndani kwa uwiano wa mabao 11-1.Arsenal alikula 6-3, Norwich city 7-0, Man U 
4-1. Manuel Pellegrini ameufanya uwanja wa ETIHAD kuwa kama uwanja  wa TENNIS!

Shukrani za dhati zimuendee Injinia Manuel Pellegrini kwa kuleta nidhamu nje na ndani ya uwanja. Utawala wa Roberto Manchini ulikuwa na mafanikio sana kwenye Media kuliko uwanjani ingawa lazima nimpe heshima yake kwa kuwapa taji la EPL ambalo walilisubiri kwa zaidi ya miaka 40 na asante pia kwa taji la FA.

Tulizoea kusikia leo Roberto Manchini amezichapa na Mario Baloteli mazoezini, kesho amekamatana mashati na Carlos Tevez n.k stori za aina hii kwenye utawala wa Pellegrini ni "past tense". Benchi alilompiga Joe Hart baada ya kipa huyo kucheza "Kikaseja" lilikuwa ni somo tosha na kwa sasa, Hart amerejea kwenye kiwango bora kabisa.

Fernandinho na Yaya Toure tayari wamefunga mabao 15 ya EPL wakitokea sehemu ya kiungo. Kun Aguero, Negredo na Dzeko wameshatumbukia kwenye nyavu za Epl mara 43. Man city sio kwamba wanafunga tu magoli, Pellegrini amewafanya waburudishe pia. Nitakosea kama nitaacha kummwagia sifa Jose Mourinho na Chelsea kwa kumuadabisha Pellegrini aliyeshindikana ndani ya Etihad.

Samir Nasri chini ya Pellegrini anaonyesha alikuwa anarudi kwenye kiwango chake bora kabisa lakini majeruhi yameendelea kumuweka nje. Alvaro Negredo na Dzecko wanapasia kamba kila inapoitwa weekend lakini kumkosa Aguero ni pengo kubwa kwenye kikosi cha Pellegrini. Aguero hafungi tu, anakaba, anatengeneza nafasi na hatuliii sehemu moja kama sanamu la Posta na hii ndo tofauti kubwa ya Kun na wengine.

Eneo pekee ambalo sipendi kuona Man city ikipatwa na tatizo, ni kiungo anapocheza Yaya Toure "Fahari ya Afrika" na Fernandinho. Yaya Toure tayari amefunga goli 12 za EPL na kupika mengine 4, ni Boss wa mipira iliyokufa pale Etihad. Fernandinho pamoja na kuwa anagoli 3 tu, jamaa ndo anayefanya gari litembee.
Najua kama kuna Javi Garcia, James Milner na Jack Rodwell lakini, sio mbadala halisi wa Yaya na Fernandinho. Kukosekana kwa Fernandinho kwenye mechi yao na Chelsea, hili limejidhihirisha.

Kipigo toka kwa Sunderland na kile cha Cardiff ambavyo pengine sio rahisi kudhani kama Man city anaweza kupoteza ingawa mpira wa miguu hauna mwenyewe, viliwadhoofisha sana. Pellegini bado hapati matokeo mazuri anapocheza nje ya Etihad lakini ukweli utabaki pale pale, Man city ya Pellegrini inafanya vizuri uwanjani kuliko ya Roberto Manchini ambayo kutwa ilikuwa kwenye vyombo vya habari kwa stori za nje ya uwanja.

All in All, Man city chini ya Pellegrini endapo watachukuwa mataji yote manne FA, UCL, CAPITAL ONE CUP na lile la EPL binafsi siwezi kushangaa, wanakikosi kikubwa na chenye ubora na uzoefu ingawa kwenye UCL ni lazima niwaheshimu Bavarians, Madrid, Barcelona na Man united kama timu bora Ulaya.
Kila la kheri Pellegrini.

TAKWIMU: USHIRIKIANO WA ROONEY-VAN PERSIE UNAIKWAMISHA UNITED? - KATIKA MECHI 2 WAPIGIANA JUMLA YA PASI 12 - SITA WAKATI WA KUANZISHA MPIRA

Wamekuwa wakitajwa kuwa washambuliaji hatari ambao umoja wao utaweza angalau kuipeleka United kwenye nafasi za kucheza Champions League msimu ujao.

Robin van Persie na Wayne Rooney wamekuwa wepesi kuelezea namna kila mmoja anavyomkubali mwenzie, na David Moyes ameweka mategemeo yake makubwa kwenye ushirikiano wa washambuliaji wake hao chaguo la kwanza.

Pamoja na imani kubwa waliyonayo mashabiki na benchi la ufundi juu ya ushirikiano huo - ushirikiano wao kwenye dimba unaonyesha hali tofauti.

   

Katika mchezo wa sare dhidi ya Fulham, Rooney alimpigia Van Persie pasi mbili tu katika mchezo mzima - moja kati ya pasi hizo ilikuwa wakati wa kuanzisha mpira.

Van Persie - ambaye alifunga bao la kusawazisha la United - alimpasi Rooney mara nne tu - kwa mara nyingine tena pasi moja kati hizo nne ilikuwa wakati wa kuanzisha mpira.

Unapofikiria kwamba United walipiga jumla ya pasi 649 katika mchezo huo, ushirikiano baina ya Rooney na Van Persie unatoa tafsiri nyingine - wakiwa hawachangia japo asilimia 1 ya pasi hizo  kwa kupasiana wenyewe. 

Hivyo inaonyesha ushirikiano wa wachezaji hao wawili unavyoshindwa kufanya kazi. Siku nane zilizopita wakati United walipofungwa na Stoke City wachezaji hao wawili walipigiana jumla ya pasi 6, tatu kati ya hizo zilikuwa wakati wakianzisha mpira. 

Mchezo unaofuatia wa United ni jumatano hii wakienda Emirates kupambana na Arsenal, presha ikizidi kumpanda Moyes, timu ikiwa nyuma kwa pointi 9 kutoka kwa timu inayoshika nafasi ya 4. Boss huyo wa United atahitaji washambuliaji wake hao wawe katika kiwango kama ilivyokuwa msimu uliopita ili United angalau iweze kupata matokeo katika huo.

Je Rooney na Van Persie wataweza kuimarisha ushirikiano wao? Majibu yatapatikana Jumatano usiku…..

MESSI & TEVEZ Vs MARADONA & ENZO

PICHA MBALI MBALI KWENYE MCHEZO KATI YA AZAM FC NA FERROVIARO DE BEIRA.

Picha zote kwa hisani ya AZAM FC.

FAHAMU SABABU YA ULINGO WA PEMBE NNE KUITWA ‘BOXING RING’

Na Arone Mpanduka,Radio Tumaini

MCHEZO wa ngumi ni sanaa ya ulinzi binafsi baina ya mtu ambaye anatumia mikono yake miwili katika mapigano ambapo kwa lugha ya kigeni wanasema "the manly art of self-defense"

Mchezo huu ulianza katika karne ya 17 na kuanza kufahamika katika karne ya 18 huku chimbuko lake likiwa nchini Ugiriki.

Ngumi ulikuwa ni mmoja kati yak michezo ya mwanzo kuingizwa katika mashindano ya Olimpiki katika miaka ya 688 BC.

Wakati huo mabondia walikuwa wakipigana kiholela bila sheria na kanuni za kueleweka sanjari na vifaa duni vya kupigania.

Wagiriki waliweza kubuni gloves za aina yake ambapo walianza kuvaa ngozi za wanyama kwenye mikono yao zilizokuwa zikifahamika kama cesti.

Lakini kuna mabondia wengine walikwenda mbali zaidi na kuchomeka vitu vyenye asili yak chuma katika ngozi hizo na kuleta madhara makubwa kwa wapinzani wao wakati wa mchezo kwani vyuma hivyo vilikuwa vinajeruhi vibaya na hata kusababisha kifo kwa mpinzani.

Baada ya kugundulika kuwa ni mchezo wa hatari ililazimika kuufungia kwa muda kabla yak kuibukia katika nchi zingine ikiwemo Uingereza pamoja na nchi nyinginezo.

Nchini Uingereza bondia James Figg aliweza kutamba na mkanda wa uzito wa juu kuanzia mwaka 1719 hadi 1730.

Mchezo huo ulizidi kukua na kuenea nchi mbalimbali duniani huku sheria na kanuni zikitengenezwa na kuboreshwa na baadae kuufanya kuwa mchezo wa kisasa.

Hivi sasa ngumi imekuwa na majina mengi kama vile masumbwi, ndonga, ndondi, mkono, vitasa na wengine hudiriki kuita mawe.

AINA ZA MCHEZO HUO

Mchezo wa masumbwi umegawanyika katika aina kuu mbili ambapo ni pamoja na ngumi za ridhaa na zile za kulipwa(Amateur and Professional)

Licha ya kuwepo kwa aina hizo kwa ujumla mchezo huu una wastani wa kuchezwa katika raundi 12 ambapo kila raundi ina muda wa dakika tatu na kila baada ya raundi moja mabondia hupumzika kwa dakika moja.

Pia ipo michanganuo mbalimbali ua uzito ambayo bondia hushindana kulingana na uzito alio nao kama vile Flyweight (50.8 kg); Bantamweight (53.5 kg); Featherweight (57.2 kg); Lightweight (61.2 kg); Welterweight (66.7 kg); Middleweight (72.6 kg); Light Heavyweight (79.4 kg) pamoja na Heavyweight.

ULINGO WA MASUMBWI

Kama ilivyo katika michezo mingine ambayo lazima iwe na uwanja wa kuchezea, katika masumbwi nako uwanja wake upo ambao ni ulingo.

Ulingo huwa na pembe nne zenye kuzungushiwa kamba ngumu pembeni yake na huusisha watu watatu ndani yake yaani mabondia wawili na mwamuzi.

Nje ya ulingo mwamuzi husaidiwa na majaji watatu ambao nao huutazama mchezo na kila mmoja kutoa alama zake.

KWANINI UITWE BOXING RING?

Watu wengi wamekuwa wakitamka neno la Boxing Ring wakimaanisha ulingo wa masumbwi wakati kimuonekano ulingo huo una pembe nne.

Kama inavyofahamika, maana halisi ya ring ni pete ambayo mara zote huwa na umbo la duara.

Ukweli ni kwamba katika karne ya 18 na 19 mabondia wengi walikuwa wakicheza pambano hilo huku wakiwa na vifaa duni ikiwemo ukosefu wa gloves, sare na hata ulingo wa kuigania.

Kilichokuwa kinafanyika ni kwamba mwamuzi wa mchezo anachukua kijiti na kisha anachora duara kubwa ardhini na kisha mabondia huingia ndani yake na kupigana huku watazamaji wakizunguka duara hilo.

Hapo ndipo neno Boxing Ring ilipoibuka kwasababu mabondia walikuwa akipigana kwenye uwanja wa duara.

Mazoea hayo yaliendelea kuchukua nafasi hata ilipofika kipindi ambacho ukagunduliwa ulingo wa pembe nne ambapo bado mashabiki wakaendelea kuuita Boxing Ring.

Ulingo wa kwanza wa pembe nne ulibuniwa na jamii ya watu wa Pugilist mnamo mwaka 1838 ambao ulikuwa na eneo la ukubwa wa mita 7.3 za mraba.

mpanduka@yahoo.com

0786160643