SAKATA LA OKWI LAMPELEKA MFANYAKAZI WA TFF KWENYE KAMATI YA MAADILI KWA UDANGANYIFU,

WATANO WALALAMIKIWA KAMATI YA MAADILI

Shirikisho la Mpira wa Miguu Tanzania (TFF) limewalalamikia wana familia watano wa mpira wa miguu kwa Kamati ya Maadili kuhusiana na udanganyifu katika mtihani wa utimamu wa mwili wa waamuzi na usajili wa mchezaji Emmanuel Okwi.

Riziki Majala na Army Sentimea ambao ni wakufunzi wa waamuzi, na Oden Mbaga na Samwel Mpenzu ambao ni waamuzi wanadaiwa kughushi nyaraka kuhalalisha mtihani huo kinyume cha taratibu.

Naye Sabri Mtulla analalamikiwa na TFF kwa madai ya kuidanganya Kamati ya Sheria na Hadhi za Wachezaji kuwa hakukuwa na pingamizi lolote juu ya usajili wa mchezaji Emmanuel Okwi huku akijua wazi kuwa jambo hilo si kweli.

Kwa mujibu wa kanuni, malalamiko hayo yamefikishwa kwenye Kamati ya Maadili ambayo itachunguza ili kujiridhisha kama yana msingi au la. Ikibaini kuna kesi ndipo walalamikiwa watafika mbele ya kamati hiyo.

TWIGA STARS, ZAMBIA KUCHEZA MACHI 2

Mechi ya pili ya raundi ya kwanza kuwania Kombe la Afrika kwa Wanawake (AWC) kati ya Tanzania (Twiga Stars) na Zambia (Shepolopolo) itachezwa Machi 2 mwaka huu Uwanja wa Azam Complex uliopo Chamazi, Dar es Salaam.

Twiga Stars tayari imeingia kambini kujiandaa kwa mechi hiyo itakayochezwa kuanzia saa 10 kamili jioni. Twiga Stars chini ya Kocha Rogasian Kaijage inafanya mazoezi yake kwenye Uwanja wa Karume ambao ni wa nyasi za bandia kama ulivyo ule wa Azam Complex.

Shepolopolo iliibuka na ushindi wa mabao 2-1 katika mechi ya kwanza iliyochezwa Februari 14 mwaka huu kwenye Uwanja wa Nkoloma jijini Lusaka.

Iwapo Twiga Stars itafanikiwa kuiondoa Shepolopolo itacheza na mshindi wa mechi kati ya Botswana na Zimbabwe. Zimbabwe ilishinda mechi ya kwanza ugenini.

Wachezaji wa Twiga Stars waliopo kambini ni Amina Ali, Anastazia Katunzi, Asha Rashid, Donisia Minja, Esther Chabruma, Etoe Mlenzi, Everine Sekikubo, Fatuma Issa, Fatuma Makusanya, Fatuma Mustafa, Fatuma Mwisendi, Fatuma Omari, Flora Kayanda, Happiness Mwaipaja, Maimuna Mkane, Mwajuma Abdallah, Mwapewa Mtumwa, Pulkeria Charaji, Sherida Boniface, Sophia Mwasikili, Therese Yona, Vumilia Maarifa na Zena Said.

STAND UNITED YAIKATIA RUFANI KANEMBWA JKT

Stand United ya Shinyanga imekata rufani Shirikisho la Mpira wa Miguu Tanzania (TFF) ikipinga Kanembwa JKT ya Kigoma kuchezesha wachezaji waliosajiliwa katika dirisha dogo kwenye mechi ya kiporo iliyozikutanisha timu hizo.

Mechi hiyo namba 22 ya Ligi Daraja la Kwanza (FDL) ilichezwa juzi (Februari 16 mwaka huu) kwenye Uwanja wa Ali Hassan Mwinyi mjini Tabora ambapo Kanembwa JKT iliibuka na ushindi wa bao 1-0.

Katika rufani yake, Stand United inadai kwenye mechi hiyo Kanembwa JKT ilichezesha wachezaji wanane waliosajiliwa katika dirisha kidogo kinyume na maelekezo kutoka TFF kwa timu hizo kuwa wachezaji waliosajiliwa katika dirisha dogo hawawezi kucheza mechi hiyo.

Wachezaji wanaodaiwa kusajiliwa dirisha dogo na kucheza mechi hiyo ni Hamidu Juma, Ibrahim Shaban Issa, Joseph Mlary, Lucas Charles Karanga, Raji Ismail, Salvatory Kulia Raphael, Seif Ibrahim Zaid na Yonathan David Sabugowiga.

Dirisha dogo lilifunguliwa Novemba 15 na kufungwa Desemba 15 mwaka jana, hivyo Stand United katika rufani yake inaombwa ipewe pointi tatu na mabao matatu kwa Kanembwa JKT kuchezesha wachezaji wasiostahili.

Awali mechi hiyo ilichezwa Novemba 2 mwaka jana Uwanja wa Kambarage mjini Shinyanga, na kuvunjwa na mwamuzi dakika ya 87 baada ya Kanembwa JKT kugomea pigo la penalti dhidi yao.

RAIS MALINZI AENDA KUJITAMBUSHA CAF

Rais wa Shirikisho la Mpira wa Miguu Tanzania (TFF), Jamal Malinzi ameondoka leo (Februari 17 mwaka huu) kwenye Cairo, Misri kujitambulisha kwa uongozi wa juu wa Shirikisho la Mpira wa Miguu Afrika (CAF).

Akiwa Cairo, Rais Malinzi ambaye alichaguliwa Oktoba 28 mwaka jana atakutana na Rais wa CAF, Issa Hayatou pamoja na Katibu Mkuu wa shirikisho hilo Hicham El Amrani.

WATATU WAOMBEWA UHAMISHO WA KIMATAIFA

Wachezaji watatu wanaocheza mpira wa miguu nchini Tanzania wameombewa Hati ya Uhamisho wa Kimataifa (ITC) ili wakacheze katika nchi za Thailand na Ujerumani.

Mchezaji Khamis Mroki Jamal aliyekuwa na timu ya Daraja la Kwanza ya Polisi Dar es Salaam ameombewa ITC na Chama cha Mpira wa Miguu Thailand (FAT) ili akajiunge na Kabinburi ya nchini humo.

Said Ali Nassor aliyekuwa akichezea FC Turkey ya Zanzibar na Samuel Chuonyo wameombewa na ITC na Chama cha Mpira wa Miguu Ujerumani (DFB) kwa ajili ya kujiunga na klabu ya VfB Eichstatt.

Shirikisho la Mpira wa Miguu Tanzania (TFF) linafanyia kazi maombi hayo na mara taratibu zote zitakapokamilika ikiwemo ridhaa ya klabu zao za hapa Tanzania itatoa ITC hizo.

Boniface Wambura Mgoyo

Ofisa Habari na Mawasiliano

Shirikisho la Mpira wa Miguu Tanzania (TFF)

BAYERN WAPO VIZURI KULIKO BARCELONA YA GUARDIOLA - WATAWEZA KUUVUNJA MWIKO WA MIAKA 22 WA BINGWA KUTETEA KOMBE LA MABINGWA WA ULAYA

Miaka 22 tangu kubadilishwa kwa jina na mfumo - hakuna timu ambayo imeweza kutetea taji la ligi ya mabingwa wa ulaya. Baadhi ya washindi walikaribia kufanya hivyo - timu nne zikipoteza kwenye fainali na sita katika nusu fainali - lakini kikosi cha Arrigo Sacchi cha AC Milan kinabakia kuwa ndio timu pekee kuwahi kutetea ubingwa wa ulaya miaka 24 iliyopita.

Mwiko huu umekuwa ukipata umaarufu kila mwaka kwa sababu mabingwa watetezi wamekuwa wakishindwa kutetea kombe lao.

Olympique de Marseille walishindwa kutetea ubingwa wao wa mwaka 1993 kufuatia skendo ya rushwa ya Valenciennes, Porto iliuza wachezaji wao muhimu waliochukua ubingwa wa 2004, wakati Borussia Dortmund '97, AC Milan 2007, Inter 2010 na Chelsea 2012 walishindwa kutokana na kuwa vikosi vilivyokuwa na wachezaji wenye umri mkubwa na vilihitaji kujengwa upya.

Timu ambazo zilikuwa na nafasi nzuri ya kutetea ubingwa wa Champions League zilikuwa Ajax ya Luis van Gaal ya mwaka 1996, kikosi cha Marcello Lippi cha Juventus mwaka mmoja uliofuatia, Vicente Del Bosque na Real Madrid mwaka 2003, miaka iliyofuatia Milan chini ya Carlo Ancelotti na Pep Guardiola na Barcelona mwaka 2010. Kikosi cha Fabio Capello cha Milan cha 1995 na Sir Alex Ferguson na Manchester United ya 2009 - timu hizi zingeweza kutetea ubingwa wao lakini walishindwa kuvunja mwiko wa kutetea ubingwa wa Champions League.

Hata hivyo, ukiangalia vigezo na uwezo - hakuna timu katika vilabu vyote vilivyotajwa hapo juu ambayo ilikuwa nafasi nzuri ya kutetea ubingwa kama ambavyo ilivyo kwa Bayern Munich msimu huu.

	NAMBA Bayern in 2013-14
99	Namba ya mabao Bayern wamefunga msimu huu katika jumla ya mechi 35.
30	Namba ya mechi za ushindi - wameshindwa kushinda katika mechi 5, moja kati hizo mechi walishinda kwenye mikwaju ya penati.
21	Clean sheets ambazo magolikipa  Manuel Neuer na Tom Starke msimu huu.
16	Namba ya pointi ambazo Bayern imeizid timu inayoshika nafsi ya pili Bundesiliga.
13	Mechi ambazo Beyern wameshinda mfululizo msimu huu.
0	Namba ya mechi ambazo wamepoteza msimu huu kwenye Bundesliga

Tangu mwanzoni mwa 2013, Bayern wamecheza jumla ya mechi 62. Wameshinda 55, wakitoa sare 4 na kupoteza mara 3 tu - mechi mbili kati ya 3 walizofungwa zilikuwa za Champions league lakini waliweza kufuzu na kuendelea mbele. Wamefunga mabao 179 na kuwa na clean sheets 36. Bayern wapo kwenye mfululizo wa kushinda 13 za Bundesiliga - hawajafungwa katika ligi katika kwa miezi 16 sasa na wamebeba makombe matano kutoka msimu uliopita.

Takwimu ni za kuvutia mno, kwa mchezaji mmoja mmoja, timu nzima, kiufundi, kimbinu, kiakili, kimwili - Bayern ni timu iliyokamilika. Kuna ubora mkubwa kwenye kila eneo - golikipa Manuel Neuer, walinzi David Alaba na Dante, viungo Philipp Lahm, Bastian Schweinsteiger na Thiago, washambuliaji Franck Ribery, Arjen Robben na Thomas Muller – listi inaendelea. Na bila kumsahau kocha Pep Guardiola, ambaye ana rekdoi nzuri mno kwenye michuano hii - makombe mawili na nusu fainali mbili katika miaka minne aliyokaa Barcelona. 

Bayern inaweza isiwe timu bora kabisa katika zama hizi za Champions League, lakini haijawahi kutokea kwa timu nyingine kuwa na ubora mkubwa tofauti na wapinzani wake kama ilivyo sasa. Huko nyuma miaka ya tisini katikati Ajax walikuwa na upinzani kutoka kwa Juve iliyokuwa vizuri mno - ambao walienda kucheza fainali mara 3. Waitaliano hao pia walikumbana na upinzani kutoka kwenye vikosi bora vya Dortmund iliyokuwa na magwiji wa kijerumani na  Manchester United ya 99.

Magalatico wa Real Madrid -  Zinedine Zidane, Luis Figo, Raul na Ronaldo De Lima walikuwa na bahari mbaya ya kushiriki katika msimu mgumu kabisa wa Champions League msimu wa 2002-03. Waliocheza fainali waitaliano Juve vs AC milan walikuwa bora zaidi, wakati Inter na Valencia pia walikuwa sawa. Wakati kikosi cha Ancelotti kiliposhindwa kutetea ubingwa msimu uliofuatia - vilikuwepo vikosi vikali kama Arsenal 'wasiofungika' na watoto wa Mourinho chini ya umiliki mpya Roman Abramovich.

Kikosi cha Guardiola cha mwaka  2010 – wakiwa na staili yao nzuri ya tiki-taka na mastaa kama Lionel Messi, Andres Iniesta na Xavi - walionekana wangeweza kuuvunja mwiko huo, lakini ilisahaulika namna Inter Milan walivyo na rekodi nzuri kwenye hatua ya nusu fainali ya michuano hii. Kikosi cha Jose Mourinho kilichochukua makombe matatu kilikuwa na safu nzuri ya ulinzi kuliko zote barani ulaya, iliyokuwa ikiongozwa na Lucio na Walter Samuel. 

Vikosi vinavyoshindana na Bayern msimu huu kwenye karatasi wanaonekana hawana viwango ambavyo wapinzani wa mabingwa wa zamani walivyokuwa navyo. Barcelona wanaonekana wapo kwenye anguko, Atletico hawana uzoefu mzuri, Manchester United ndio wabovu kabisa, Arsenal wanaonekana kuchoka na wanahitaji miujiza kuweza kuvuka kwenda robo fainali. wakati huo huo Manchester City wana utegemezi mkubwa kwa wachezaji wao muhimu wachache. Real Madrid, PSG na Chelsea wanaokuja vizuri huwezi kuwatoa kwenye kinyang'anyiro, lakini Bayern wapo kwenye sayari nyingine.

Ubora wa kikosi chao cha kwanza mpaka cha pilini hatari. Pamoja na kuwa wanamkosa Bastian Schweinsteiger, Javi Martinez, Arjen Robben, Franck Ribery na Holger Badtsuber lakini Bayern wameweza kuwa katika kiwango bora msimu huu wakivunja rekodi kadhaa. Guardiola ana kikosi kizuri kiasi kwamba ameweza hata kuwatupa nje ya kikosi Toni Kroos na Mario Mandzukic. Ukikitoa kikosic ha Milan chini ya Capello - hakuna kikosi cha timu inayoshiriki Champions league kilichokuwa na utajiri wa wachezaji kiasi cha kuweza kumudu hali ya kuondokewa na wachezaji na wachezaji muhimu zaidi ya 7 ndani ya msimu mmoja.

Na huku wakiwa na pointi 16 zaidi kileleni mwa Bundesliga, Guardiola anaweza kuendelea kukizungusha kikosi chake na kuhakikisha wanakuwa na nguvu ya ziada kwa ajili ya kumalizia biashara ya Champions League. Mpaka kufikia mwishoni mwa mwezi ujao Bayern wanaweza kuwa tayari wameshatetea ubingwa wao. Mbio za ubingwa wa premier league na La Liga zinazidi kuwa ngumu, timu kadhaa zikigombea ubingwa huo. Kuanzia March, Aprill na May - watakuwa na nguvu mpya kwa sababu kuna mapumziko ya kipindi cha baridi katika ligi ya Ujerumani. Ni mabingwa wachache waliopita wa UCL waliowahi kuwa na faida hii.

Pamoja na ubora walionao lakini vilevile Bayern wana njaa ya kufanikiwa tena. Huku wakiwa na kocha mpya Guardiola, mfumo mpya, hakuna ambaye ana uhakika wa namba katika kikosi cha mhispania huyo, hivyo hakuna nafasi ya mchezaji kutokujituma na kufanya ujinga. Hii haijawahi kutokea huko nyuma - kikosi cha Ancelotti kiliongoza kwa mabao 4-1 katika mechi ya kwanza cha mchezo wa nusu fainali dhidi ya Deportivo lakini wakata mguu wao kwenye gia ya mafuta, matokeo wakatandikwa 4-0 katika mchezo wa pili na kuaga mashindano.

"Mabadiliko ya kocha ndani ya timu yamewafanya kutoacha kujituma zaidi, pia uwepo wa michuano ya kombe la dunia. Kila mtu anacheza kwa kujituma kwa asilimia 10 katika kila mechi. Wachezaji wana njaa mbaya. Wanataka kufanya kitu ambacho hakuna mwingine amewahi kufanya hivyo. Hiki kitu kinawasukuma kucheza vizuri zaidi," alisema nahodha wa zamani wa timu hiyo Stefan Effenberg.

Ama kwa hakika kikosi hiki cha Bayern kinaweza kutengeneza historia mpya. Ikiwa watashindwa, basi itabidi tukubaliane kwamba mwiko wa kutetea ubingwa wa Champions league utabaki milele.

KALI YA LEO: ANGALIA VIDEO YA DUA YA MASHABIKI WA MANCHESTER UNITED WAKIIOMBEA TIMU YAO

BAADA YA KUKIRI KUISALITI NDOA YAKE USIKU MMOJA KABLA YA MECHI, ARSENE WENGER ASEMA GIROUD ATAPEWA ADHABU

Meneja wa klabu ya Arsenal, Arsene Wenger amethibitisha kwamba hatua za kinidhamu zitachukuliwa dhidi ya Olivier Giroud baada ya mshambuliaji huyo kukiri na kuomba msamaha kwa kumuingiza mwanamke kwenye chumba cha hoteli waliyokuwa wameweka kambi kabla ya mchezo wa Crystal Palace.

Giroud ambaye ni mume wa mtu mwanzoni alikataa kabisa kumuingiza mwanamke Celia Kay katika chumba cha hoteli cha Four Seasons Hotel huko Canary Wharf usiku wa kuamkia kwenye mechi ya ushindi wa 2-0 dhidi ya Crystal Palace February 2 mwaka huu. Lakini jana usiku Giroud aliomba msamaha kwa mkewe na kocha wa Arsenal baada ya gazeti la Sunday Sun kuchapisha picha za Giroud akiwa ndani ya nguo ya ndani na mwanamke.

Wenger alisema: ‘Ni suala la ndani na nisingependa kuliongelea sana kwa sababu ni suala linalohusu maisha yake binafsi."

Picha mabyo imesambaa ilipigwa na mwanamitindo ambaye alilala na Giroud kwenye chumba cha hoteli waliyofikia Arsenal.

Giroud alitumia mtandao wa Twitter na kuomba msamaha kwa mkewe Jennifer - ambaye ametoka kumzalia mtoto wa kiume mshambuliaji huyo miezi sita iliyopita, pia aliomba msamaha kwa klabu yake. 

   

‘Naomba radhi kwa mke wangu, familia na marafiki zangu, pia kocha na wachezaji wenzangu pamoja na mashabiki wa Arsenal," alisema.

‘Sasa nina jukumu la kupigania familia na timu yangu ili niweze kupata msamaha wao. Hakuna kingine chenye umuhimu zaidi hili hivi sasa.' 

Mwanamitindo Kay

Mwanamitindo Kay, ambaye hufanya kazi na majarida ya kimataifa kama Maxim na FHM, alipigwa picha akiwasili katika hotel ya Four Seasons huko Canary Wharf saa 12.50am na kuondoka saa 3.04am usiku huo huo.

Hata hivyo Kay amesisitiza hakufanya mapenzi na mshambuliaji huyo, ambaye alikwepa faini kutoka kwa klabu yake baada ya kumwambia Wenger kwamba hakukutana na mwanamke huyo usiku huo.

‘Olivier anajua ukweli na suala la kuongopa kuhusu suala letu ni upumbavu,' Kay aliliambia gazeti la Sun on Sunday.

‘Anajichimbia shimo kubwa mwenyewe. Kama aliweza kutenda kosa basi akiri makosa na atumikie adhabu zake.' 

Inaaminika Arsenal watampiga faini ya £230,000. 

VIDEO: BILA CRISTIANO RONALDO - MADRID YAWANYOOSHA GETAFE NYUMBANI KWAO

Getafe 0-3 Real Madrid (All Goals) 16... by ourmatch

MJADALA: TAZAMA VIDEO NA PICHA ZA MNATO KISHA TOA MAONI YAKO NI KWELI LIVERPOOL WALINYIMWA PENATI NA HOWARD WEBB DHIDI YA ARSENAL?

Kocha wa Liverpol Brendan Rogers amelalamika kwamba mwamuzi Howard Webb aliinyima penati timu yake na kusababisha timu yake kutolewa katika Kombe la FA. Angalia ushihidi huu wa picha na video kisha toa maoni yako. Je hii ilikuwa penati kweli?

Arsenal 2-1 Liverpool (All Goals) 16... by ourmatch

NI MUHIMU YANGA KUYAFAHAMU HAYA KABLA YA KUMCHEZESHA OKWI.

Stori iliyoongoza kwa vichwa vya habari za michezo mwishoni mwa juma lililopita ilikuwa inamuhusu mshambuliaji Emmanuel Okwi.
Kilichopelea gumzo la mchezaji huyo ilikuwa ni baada ya FIFA kuiandikia barua TFF na kuitaarifu ya kwamba mchakato wa uhamisho wa Okwi toka SC Villa kwenda Yanga ulikuwa hauna tatizo. Lakini pamoja na kutoa taarifa hiyo FIFA bado ilisema yenyewe haina mamlaka ya kumruhusu mchezaji kuichezea klabu yake hiyo mpya zaidi ya kuiagiza TFF kufuatilia wenyewe taratibu za uhamisho wa mchezaji huyo kama zipo sahihi.

Sasa hapo kwenye kufuatilia taratibu za uhamisho wa mchezaji huyo ndipo kulileta utata,kutokana na angalizo hilo la FIFA iliulazimu mtandao huu kufuatilia kwa kina kuweza kujiridhisha na mahusiano yaliyopo hivi sasa kati ya Okwi na klabu ya Etoile Du Sahel iliyomnunua toka klabu ya Simba.

Baada ya kufanya mahojiano ya Raisi wa Etoile ndugu Ridha Charfeddine aliuhakikishia mtandao huu ya kwamba bado wana mkataba na mchezaji huyo ambao unakwisha mwezi june mwaka 2016.

Ni vizuri Yanga wakajiridhisha na haya kabla ya kumchezesha mchezaji husika.

                       Barua ya Etoile du Sahel waliyomwandikia Okwi wakimsihi arejee klabuni...

USAJILI

 FIFA inasisitiza mchezaji kusajiliwa na timu moja tu ya soka kwa wakati mmoja, pia FIFA inasema wachezaji wanaruhusiwa kusajiliwa na klabu zisizozidi tatu kwa msimu mmoja. Kwa kipindi hicho mchezaji ataruhusiwa kuchezea timu zisizozidi mbili tu katika mechi rasmi. Kuna mwiko mmoja tu ambao unaruhusiwa kuvunjwa katika sheria hii, na huu ni pale ambapo mchezaji atakua amehama kati ya vilabu viwili ambavyo vinashiriki katika ligi zenye misimu inayofuatana.

Kwa mfano kama mchezaji kahama toka kwenye timu inayoshiriki ligi inayoisha katika mwezi wa tisa kwenda katika timu inayoshiriki ligi inayoanza mwezi wa kwanza, huyu ataruhusiwa kuchezea timu nyingine ya pili katika ligi mpya aliyohamia ili mradi awe ametimiza masharti ya mkataba wake na timu zake zote alizotoka na amezingatia sheria za usajili za chama cha soka cha nchi yake ikiwa ni pamoja na FIFA.

Maswali ya kujiuliza

1.     Timu ipi kati ya Etoile na Yanga inammiliki mchezaji huyu wakati timu zote zimemsajili mpaka sasa wakati FIFA wanasisitiza mchezaji kusajiliwa na klabu moja tu kwa wakati mmoja,

2.       kama FIFA wanasema mchezaji ataruhusiwa kuchezea timu nyingine ya pili katika ligi mpya aliyohamia ili mradi awe ametimiza masharti ya mkataba wake na timu zake zote alizotoka. Je Okwi ametimiza masharti na Etoile moja ya timu alizotoka ?

      Kuvunja mkataba

Mkataba baina ya mchezaji wa kulipwa na klabu utaisha pale tu ambapo muda wa mkataba utafikia mwisho wake au mkataba kuvunjwa kwa makuballiano ya pande zote mbili lakini pia mkataba unaweza kuvunjwa na pande yoyote ile bila ya kuwa na vipingamizi ama adhabu pale tu ambapo kutakua na sababu ya muhimu inayotambulika kisheria.

Madhara ya kuvunja mkataba bila sababu maalum.

1. Mara zote upande unaovunja mkataba ndio unatakiwa kulipa gharama za uvunjaji mkataba.Gharama zinazohusika kulipwa ni zile zinazohusu mafunzo na kiwango huwa kinahesabiwa kutokana sheria za nchi,klabu na chama cha nchi husika.Gharama nyingine husika ni pamoja na madeni ya ada za uhamisho,mshahara wa mchezaji na marupurupu mengineyo.

2. Jukumu la ulipaji lazima libebwe na mchezaji ama akishirikiana na timu anayohamia.

3. Ushindwaji wa kulipa gharama hizi utasababishwa kutolewa kwa adhabu ya kufungiwa kucheza miezi minne ama miezi sita kutokana na uzito wa kosa. Adhabu hizi zitaanza kutumikiwa mara baada ya mchezaji husika kupewa taarifa rasmi. Adhabu hizi pia zitasimamishwa kuanzia mwisho wa msimu hadi mwanzo wa msimu mwingine ndipo zitakapoanza tena. Ingawa adhabu hizi huruhusiwa kuendelea kama mchezaji husika ni mmojawapo wa wachezaji katika timu ya taifa inayoshiriki fainali za mashindano yanayotambulika na FIFA.

4. Kwa ziada ya kulipa fidia  baada ya kuvunja mkataba,adhabu za ziada zitatolewa kwa klabu ambayo itapatikana na hatia ya kutumia mbinu zisizo halali za kuchochea uvunjaji wa mkataba kabla ya kipindi kinachoruhusiwa. Klabu hiyo itafungiwa kusajili mchezaji yoyote kwa kipindi kisichopungua madirisha mawili ya usajili.

VIPENGELE MAALUM KUHUSU MIKATABA YA WACHEZAJI NA VILABU

Klabu nyingine yoyote yenye nia ya kuvunja mkataba wa mchezaji na klabu yake ya wakati huo italazimika kuifahamisha klabu ya mchezaji huyo kwa maandishi kabla ya kuanza mazungumzo na mchezaji. Mchezaji wa kulipwa ataruhusiwa tu kuanza mazungumzo na klabu nyingine ikiwa mkataba wake umeisha ama unatarajiwa kuisha ndani ya miezi sita.

  Hii ni sehemu ya barua ya FIFA waliyoiandikia TFF... Interview ya Rais wa Etoile

''TUMESHAMLIPA OKWI MSHAHARA WAKE''-ETOILE,OKWI ASISITIZA KUTOLIPWA,YANGA WASEMA WATAMCHEZESHA TU!

PICHA YA SIKU: HUYU NDIYE SHABIKI WA KWELI WA MBEYA CITY

AZAM FC YATOLEWA KOMBE LA SHIRIKISHO,YAFUNGWA MABAO 2-0 NA FERROVIARIO.

Wawakilishi wa Tanzania kwenye kombe la shirikisho AZAM FC leo wametolewa kwenye mashindano hayo baada ya kufungwa mabao 2-0 na timu ya Ferroviario de Beira.
Azam imetolewa kwa jumla ya mabao 2-1 baada ya kushinda bao 1-0 kwenye mchezo wa kwanza uliopigwa juma lililopita kwenye uwanja wa Chamazi.

KUELEKEA BRAZIL: KUNDI B; NI MARUDIO YA FAINALI YA WOZA 2010

  HISPANIA vs HOLLAND

 Na Baraka Mbolembole

 Wiki iliyopita tulitazama kwa ufupi kuhusu historia za timu ambazo zinaunda kundi la kwanza kati ya makundi nane ya michuano ijayo ya kombe la dunia inayotarajiwa kuanza juni 12, nchini Brazil. Kwa kujikumbusha tu ni kwamba kundi A, linajumuhisha timu za Brazil, Mexico, Cameroon na Croatia. Leo, tunatazama kundi B, ambalo linajumuhisha timu nne ambazo zote zilikuwepo katika fainali zilizopita, WOZA 2010. Mabingwa watetezi Hispania, makamu bingwa Uholanzi, Chile na Australia

Hispania itaanza kutetea ubingwa wake Juni 13 kwa kucheza na Uholanzi katika mpambano ambao utakuwa ni sawa na marudio ya mchezo wa fainali zilizopita katika uwanja wa Soccer City, Afrika ya Kusini, mchezo ambao ulishuhudia bao la ushindi lililochelewa zaidi katika mchezo wa fainali, kiungo Andres Iniesta alifunga bao hilo katika dakika ya 117, na kuipatia nchini yake taji la kwanza la dunia. UHolanzi tayari wamepoteza michezo miwili ya fainali na timu hiyo ya kocha Luis Van Gaal, inatajwa kama moja ya timu bora kwa sasa dunia.

Hispania ilishinda michezo yake sita kati ya nane katika hatua ya kufuzu, katika kundi ambalo lilijumuhisha pia mataifa ya Ufaransa, Finland, Georgia, na Belarus, La Roja walikusanya pointi 20, huku wakimaliza na wastani wa mabao 11 ya kufunga. Uholanzi kwa upande wao walikuwa vinara wa mabao katika timu za Ulaya, imefuzu fainali za Brazil kwa asilimia 99.9  ya ushindi, ikiwa imeshinda michezo tisa kati ya kumi  ya kundi ambalo lilikuwa na timu za Romania, Hungary, Uturuki, EStonia na Andorra. ILikusanya pointi 28 kati ya 30 walizotakiwa kupata, huku wakiwa na wastani wa mabao 28 ya kufunga.

Wakati, nchini za Chile na Australia zitakuwa pia uwanjani siku hiyo, zinaweza kutumia mwanya wa vigogo hao kupambana katika mchezo wa kwanza na kuzima jaribio la wawakilishi hao wa ulaya kuvuka kundi hilo kama inavyotabiriwa na wadadisi wengi wa soka dunia. Siwezi kuzungumzia vikosi kwa sasa kwa kuwa muda bado upo na kunaweza kutokea mabadiliko katika muda uliobaki. Hila kwa sasa, Hispania inaonekana kuwa na tatizo katika safu yaa mashambulizi, mfungaji wao bora David Villa bado anapigana kujiweka sawa katika kikosi cha Atletico Madrid, Roberto Soldado ambaye alipewa nafasi kubwa katika michuano ya mabingwa wa mabara, juni mwaka uliopita ameonekana kukosa makali katika kikosi cha Tottenham, Fernando Torres si yule tena aliyekuwa mfungaji wa kutisha ulaya, amekosa makali kwa sasa.

Ni Alvaro Negredo na muhamiaji Diego Costa ambao kwa sasa wanaonekana kwenda sawa na msimu huu katika vilabu vyao, Negredo kwa upande waManchester  City amekuwa mchezaji mwenye mchango mkubwa katika ufungaji na kusaidia wenzake kufunga. Kwa mtindo wa uchezaji wa Hispania, kocha Vicente Del Bosque anaweza kumtumia huyo zaidi kwa kuwa aliwahi kumpa nafasi akiwa timu ya Sevilla. Costa anaweza kuingia hapo kutokana na shabaha yake ya kufunga, ila bado timu hiyo inaweza kucheza bila mshambuliaji asilia, na kuwategemea Cecs Fabregas au Pedro Rodriguez. Kiwango cha viungo wengine wa Jesus Navas na David Silva bila shaka kunaweza kumpasua kichwa kocha Van Gaal ambaye ataondoka katika kikosi cha Orange mara baada ya fainali hizo na kumpisha Guus Hiddink.

Hispania wamewahi kumaliza katika nafasi ya nne katika fainali za mwaka 1950 ambazo zilichezwa nchini humo ndiyo timu pekee kutoka barani ulaya kutwaa ubingwa huo nje ya bara lao. Australia , Socceroos, walifika hatua ya mtoano mwaka 2006 katika fainali za Ujerumani na kutolewa na Italia, walifanya vibaya katika fainali za Afrika Kusini na kushindwa kuvuka kundi ambalo lilikuwa na timu za Ujerumani, Ghana, na Serbia. Timu hiyo kwa sasa inaundwa na wachezaji wengi vijana huku wakitaraji kumtumia kiungo mshambuliaji Tim Cahill kama muhimili wa timu yao. Chile yenyewe uiliishia hatua ya mtoano baada ya kuvuka kundi ambalo pia liliwajumuisha Hispania.

 Hispania imecheza michezo 56 ya fainali za kombe katika mara 14 walizocheza miaka ya nyuma, wameshinda mara 28, wametoa sare mara 12 na wamepoteza michezo 18. Wamefunga mabao 88 na kuruhusu mengine 59 katika nyavu zao.

Jorge Sampaoli kocha wa timu ya Taifa ya Chile , kiungo wa zamani wa Argentina ataiongoza Chile katika fainali zake za tisa mwaka huu. Chile imecheza michezo 29, wakishinda mara tisa, sare wakipata mara sita, wameppoteza michezo 14. Wamebahatika kufunga mabao 34 huku wakiruhusu mabao 45, Uholanzi wenyewe wamefuzu kwa fainali zao za tisa mwaka huu na hawajawahi kutwaa ubingwa huo .

Ili kukwepa kukutana na wenyeji Brazil katika hatua ya pili, Hispania inatakiwa kupiga  hesabu za kumaliza juu ya kundi ili kuikwepa timu hiyo ambayo iliwafunga mabao 3-0 katika fainali ya mabara, katikati ya mwaka uliopita. Orange kwa upande wao wanataraji kuwatumia wachezaji wao waliocheza mchezo wa fainali, haitakuwa na Mark Van Bommel, ila wachezaji wao kama Arjen Robben, Rafaer Van De Vart, Wesley Sneijer, Robbin Van Persie wanatarajiwa kuibeba timu hiyo ambayo ilitolewa katika hatua ya makundi katika fainali za Ulaya mwaka 2012.

Makipa, Tim Krul, 25, Cillessen, 24, na mzoefu Martin Stekelenburg wanatarajiwa kuongoza jahazi la Orange, kocha Va Gaal, anakabiliwa na changamoto ya safu ya ulinzi ambayo kwa sasa inaoneka kuwa na wachezaji wenye wastani wa umri wa chini, Blind, 23, De Vrij, 21, Janmaat, 24, Van Aanholt, 23, Van der Wiel, 25, Veltman, 22 ukitazama umri wa walinzi hawa bila shaka Van Gaal atakuwa na wakati mgumu kuwakabili wachezaji wazoefu wa Hispania, na hata Chile ambao wanao wachezaji wakali kama Alexs Sanchez, Artulo Vidal, Marcel Isra, Medel, J.  Fernandez na wengineo wengineo wengi. Ndugu msomaji ni timu gani ambazo unafikiri zitafuzu kwa hatua ya mtoano kutoka katika kundi hili? Wiki ijayo tutalitazama kundi la tatu la michuano hii

NYEPESI NYEPESI

Ujerumani ilitumia wachezaji 22 kati ya wachezaji 23 waliokwenda katika fainali za kombe la dunia, 2010. Ni idadi kubwa zaidi ya wachezaji kwa timu. New Zealand na Korea Kaskazini zenyewe zilitumia wachezaji 15 tu katika michuano hiyo, idadi ndogo kuliko timu nyingine zote.

Miloslav Klose, anahitaji bao moja tu ili kuifikia rekodi ya ufungaji wa muda wote ya michuano hiyo ambayo kwa sasa inashikiliwa na gwiji wa zamani wa Brazil, Ronaldo De Lima, mwenye mabao 15. Klose hadi sasa amefunga mabao 14.

Cafu, beki huyu wa zamani wa Brazil anashikilia rekodi ya kucheza michezo mingi ya fainali za kombe la dunia. Alicheza michezo yote saba wakati Brazil ikicheza fainali mwaka 1994, 1998 na 2002, pia alicheza michezo mitano katika fainali za Ujerumani.

YAFICHUKA: SIMU YA DROGBA KWA GERVINHO ILIYOPELEKEA ABRAMOVICH KUMWAMBIA HAZARD ATAMPA MSHAHARA MARA 3 YA ALIOKUWA AKIPATA LILLE ILI AJE DARAJANI

Roman Abramovich mwenyewe binafsi aliongea na mchezaji wa zamani wa Lille Eden Hazar kumhaidi kumlipa mara 3 ya mshahara aliokuwa akilipwa na klabu ya Ufaransa kama angekubali kujiunga na Chelsea mnamo mwaka 2011, imefahamika.

Mmiliki huyo wa Chelsea alizungumza na Hazard kwa njia ya simu wakati akiwa kwenye viwanja vya mazoezi vya klabu ya Ufaransa - mbele ya wachezaji wenzake wa timu hiyo.

Boss wa Lille Rudi Garcia - ambaye alimfundisha Hazard wakati huo - alishuhudia kiteno hicho na ametoa siri hiyo kwenye kitabu chake kipya. 

Garcia anaelezea namna Didier Drogba alivyompigia simu Gervinho na kumuuliza kama Hazard - ambaye sasa amehamia Chelsea - yupo nae karibu. Gervinho akajibu: "Ndio, nipo nae hapa."

Hazard akachukua simu na Garcia anasema kwamba Drogba akampa simu Abramovich ambaye akamwambia Hazard: 'Sifahamu unalipwa kiasi gani hapo Lille, lakini nitakulipa mara 3 ya unavyolipwa ukihamia kwenye timu yangu."

Mshambuliaji huyo wa Ubelgiji, ambaye alihamia Stamford Bridge kwa ada ya uhamisho wa £32million mnamo mwaka 2012, amekuwa kwenye fomu nzuri akiisadia Chelsea kushinda mechi muhimu na kuiweka timu hiyo ya Jose Mourinho katika kilele cha mbio za kugombea ubingwa. 

VIDEO: HATIMAYE MOURINHO NAE ACHUKUA KIPIGO ETIHAD KUTOKA KWA MANCHESTER CITY

VIDEO: BARCELONA YAICHINJA RAYO VALCANO 6 - 0