MASWALI MAGUMU JUU MAKATO 17 YA UWANJANI KATIKA MECHI ZA LIGI KUU - NA JINSI YANAVYOVIUMIZA KIUCHUMI VILABU

MAKATO ya ajabu ajabu, yasiyo na msingi na mengine mengi yanayofanana, ambayo yanabadilishwa-badilishwa majina tu licha ya kubeba maana moja, yameendelea kuzikamua hadi tone la mwisho klabu za ligi kuu katika kampeni "nzito" ya kuhakikisha haziendelei.
Katika mechi ya Ligi Kuu ya Vodacom baina ya Simba na Kagera Sugar iliyochezwa Oktoba 17 kwenye Uwanja wa Taifa jijini Dar es Salaam na kumalizika kwa sare ya mabao 2-2, Sh. milioni 58.5 zilipatikana lakini kila klabu iliambulia mgawo kiduchu wa Sh. milioni 11.1 tu.
Hali hiyo iliendelea pia katika mechi ya Yanga dhidi ya Ruvu Shooting iliyochezwa Jumamosi Oktoba 20 kwenye Uwanja wa Taifa na kumalizika kwa wenyeji kushinda 3-2.
Licha ya mechi hiyo kuingiza Sh. milioni 47.6, Yanga na Shootings kila moja iliambulia mgawo kiduchu wa Sh. milioni 8.4.
Ni makato makubwa yanayozua maswali tele ambayo majibu yake hayajawahi kutolewa.
Kwa kutumia mfano wa mechi ya Simba dhidi ya Kagera Sugar, makato halisi yalikuwa kama ifuatavyo:
1. Maandalizi ya uwanja (pitch preparation) Sh. 400,000
2. Uwanja Sh. 3,671,261.85
3. Usafi na ulinzi wa uwanja Sh. 2,350,000
4. Ulinzi wa mechi Sh. 3,500,000
5. Gharama za mchezo Sh. 3,671,261.85
6. Umeme Sh. 300,000
7. Wachina (stadium technical support) Sh. 2,000,000
8. Tiketi ni Sh. 3,183,890.
9. Posho ya msimamizi wa kituo Sh. 120,000
10. Kamishna wa mechi Sh. 250,000
11. Waamuzi Sh. 440,000
12. Mwamuzi wa akiba Sh. 70,000
13. Mtathimini wa waamuzi Sh. 254,000
14. Kamati ya Ligi Sh. 3,671,261.85
15. Mfuko wa Maendeleo ya Mpira wa Miguu (FDF) Sh. 2,202,757.11
16. Chama cha Mpira wa Miguu Mkoa wa Dar es Salaam (DRFA) Sh. 1,468,504.74.
17. Ongezeko la Thamani (VAT) iliyolipwa ni Sh. 8,924,491.53.

Kwa mchanganuo huo inamaanisha kwamba zaidi ya Sh. milioni 36 zilimezwa katika makato wakati klabu ziliambulia jumla ya Sh. milioni 22.
Vilio vimekuwa vikubwa sasa kwa sababu ni makato mengi mno yanayoua timu zetu changa ambazo zinahitaji sapoti ya serikali, ambayo badala yake imekuwa ikizikamua.
Miongoni mwa makato yanayochefua ni ya "Uwanja", "Maandalizi ya Uwanja", "Usafi wa Uwanja na Ulinzi" na "Ulinzi wa mechi". Ni kwa vipi unaweza kumshawishi mtu kwamba hivyo ni vitu vinne tofauti?

Miongoni mwa maswali magumu ambayo hayajatolewa majibu ni haya:

UWANJA
Makato ya "Uwanja" peke yake, yanathibitisha kwamba uwanja huo unakodishwa, hivyo ili kuutumia ni lazima ulipie. Ndio maana Simba na Kagera Sugar wakatozwa Sh. milioni 3.6. Je, klabu zinaruhusiwa kuukodi kwa kulipa mapema kiasi hicho cha pesa na kisha waone wenyewe kama watahitaji kulipia umeme, kama watahitaji sapoti ya kiufundi kutoka kwa Wachina? 

MAANDALIZI YA UWANJA
Malipo ya "Uwanja" yanatumika kufanya kazi gani ikiwa pia kuna malipo ya "Maandalizi ya Uwanja" na "Gharama za Mchezo"?
Tofauti ya malipo haya iko wapi? Je makato ya 'Usafi wa Uwanja na Ulinzi" siyo "Maandalizi ya Uwanja"? Kwani mtu anaposema maandalizi ya uwanja huwa anamaanisha nini?

USAFI WA UWANJA NA ULINZI
Licha ya kuwapo kwa makato ya "Maandalizi ya Uwanja" pia kuna makato haya ya "Usafi wa Uwanja na Ulinzi". Je, wanapofanya usafi uwanjani hayo siyo maandalizi ya uwanja? Na kama usafi ni maandalizi ya uwanja, kwanini ni makato tofauti? Na "ulinzi' huu ni upi ambao kwa pamoja na usafi unagharimu jumla ya Sh. milioni Sh. 2,350,000 ikiwa vyoo ni vichafu na unaweza ukazimia ukipita nje tu, acha kuingia ndani?

ULINZI WA MECHI
Licha ya kwamba makato ya ulinzi yameshakatwa katika kategori iliyopita ya "Usafi na Ulinzi", pia kuna makato mengine tofauti ya "Ulinzi" pekee ambayo yanagharimu Sh. milioni 3.5. Kama uwanja unalindwa na askari polisi ambao wanalipwa mishahara na serikali iliyowaajiri kwa ajili ya kulinda nchi, fedha hizi Sh. milioni 3.5 zinakwenda wapi?

GHARAMA ZA MCHEZO
Makato ya zilizopewa jina la "gharama za mchezo" katika mechi ya Simba dhidi ya Kagera Sugar zilikuwa Sh. milioni 3.67. Je, gharama za mchezo hazipaswi kujumuisha malipo ya waamuzi, ulinzi wa mechi, usafi na maandalizi ya uwanja? Kwanini haya ni makato tofauti?

UMEME
Kwa mfano umeme hulipiwa Sh. 300,000 katika takriban kila mechi ilhali mechi karibu zote huchezwa mchana? Fedha hizi zinazokatwa pengi mara tatu (Sh. 900,000) katika siku 8 zinaenda kulipia umeme upi? Wa Tanesco au wa jenereta? Ni kweli umeme wa kila saa 2 kwenye uwanja ule ni Sh. 300,000? Au klabu zinakamuliwa ili kulipia umeme wa hata siku ambazo hawautumii?

WACHINA
Wachina hawa wapo kutoa sapoti ya kiufundi. Je, anayepaswa kuwalipa ni mmiliki wa uwanja ama anayeukodi? Hii sapoti ya kiufundi inayogharimu Sh. milioni 2 mara tatu (Sh. milioni 6) ndani ya siku 8 ni ipi? Wanatoa sapoti gani ya kiufundi katika mechi hizi zinazochezwa mchana kweupe? Ikiwa mechi zenyewe hazirushwi na kituo chochote cha TV na hata wakirusha hawatumii chumba (control room) cha uwanja wanatumia magari yao ya 'van', ni sapoti gani wanayotoa Wachina hawa?
Makato ya Wachina yanashangaza, kwani wao ndiyo waliojenga uwanja kwa pesa ya msaada wa nchi yao na pia Serikali ya Tanzania. Sasa cha kujiuliza ni kwamba uwanja ule bado uko mikononi mwao?
Je, walipomaliza kujenga uwanja hawakuukabidhi kwa Watanzania na badala yake wakaingia ubia kuumiliki?
Ina maana Uwanja wa Taifa unamilikiwa na Wachina upande mmoja na Serikali upande mwingine ndiyo maana kila mmoja anakuwa na makato yake?

VAT
Makato ya ongezeko la thamani (VAT) katika mechi hii ya Simba dhidi ya Kagera Sugar yalikuwa Sh.8,924,491.53. Kuna ukiukwaji mkubwa wa sheria za kodi hapa. Ikiwa pia kuna makato ya umeme, ambapo kwenye umeme pia huwa kuna VAT, je, ni sahihi kulipa VAT mara mbili katika 'bidhaa' (mechi) moja?

DRFA
Lakini pia hivi makato ya Chama cha Mpira wa Miguu Mkoa wa Dar es Salaam DRFA ni ya nini na yanakwenda kufanyia kazi gani ikiwa kwa sasa vyama vya soka vya wilaya za Dar es Salaam (KIFA - Kinondoni, TEFA - Temeke na IDFA - Ilala) vyote vimeshapewa hadhi ya mikoa na vinaendesha ligi zao.
Mratibu wa Mtibwa Sugar, Jamal Bayser alisema makato hayo yanawaumiza na kuwakwaza kiuchumi, hivyo akazitaka klabu kuungana ili kulipatia ufumbuzi suala hilo ambalo limekuwa tatizo kubwa kwa maendeleo ya klabu za soka nchini.
Naye meneja wa Azam, Patrick Kahemele anazigeukia klabu kuwa zenyewe ndizo zinapaswa kujilaumu kwa kuipa madaraka makubwa TFF katika kupanga gharama za tiketi, kiingilio na makato mengine ya gharama za mechi husika, hali ambayo mwishowe huwaacha wakiambulia fedha kidogo mno kutokana na mapato ya milangoni.
“Haya yote yanatokea kwa sababu mwanzo wetu haukuwa mzuri. Klabu hazina umoja. Kama tungeungana katika hili, kusingekuwa na malalamiko,” alisema Kahemele na anaongeza
“Vitabu vya tiketi za uwanjani viko TFF na klabu hazioneshwi, kuna gharama za waamuzi, ulinzi, gharama za mchezo, maandalizi ya uwanja, gharama za mchezo, pesa ya Kamati ya Ligi. Katika hali kama hii tunategemea klabu itanufaika na kiingilio cha mechi."
Mmoja wa wamiliki wa klabu ya African Lyon, Rahim Kangezi naye anasema wamekuwa wakisikitishwa na hali ya makato inayofanywa na TFF na serikali dhidi ya klabu za Ligi Kuu.
Afisa Habari wa Simba, Ezekiel Kamwaga anasema klabu yao pia imekuwa ikiathiriwa na makato makubwa.
Katika mkutano wake na waandishi wa habari hivi karibuni, Rais wa TFF, Leodgar Tenga alisema kuwa makato yote katika kila mechi yanafuata sheria na taratibu zilizopo.
Katibu Mkuu wa TFF, Angetile Osiah alisema asilimia 60 ya makato yote inakwenda serikalini na kwamba pia wanalazimika kutoa fedha Sh. 200,000 kwa ajili ya mafuta ya magari ya polisi.
Simba na Yanga ziliwahi kutishia kutocheza tena kwenye Uwanja wa Taifa kuepuka makato makubwa misimu kadhaa iliyopita na Serikali iliwapoza kwa kuahidi kushughulikia suala hilo.
Hata hivyo, inaonekana hakuna juhudi za kulishughulikia suala hilo hivi karibuni, licha ya Katibu Mkuu Wizara ya Habari, Vijana, Utamaduni na Michezo, Sethi Kamuhanda, kuiambia NIPASHE hivi karibuni kwamba wanaweza kukaa chini kuliongelea jambo hilo.
Lakini pamoja na hayo, kinachoonekana hapa bila klabu kuunganisha nguvu na kupinga hili hakuna chochote kitakachofanyika.
Source: Gazeti la Nipashe

KAZI NA DAWA: SUPERMODEL LIONEL MESSI A.K.A BABA THIAGO

SIKU KAMA LEO: MANCHESTER CITY ILIVYOIDHALILISHA MAN UNITED OLD TRAFFORD KWA KUITANDIKA 6-1

Leo tarehe 23 mwezi wa Kumi, Manchester City wanaadhimisha mwaka mmoja tangu walipotoa kipigo cha mbwa mwizi kwa mahasimu wao wakubwa Manchester United katika dimba la Old Trafford.

EPIQ BONGO STAR SEARCH YAZIDI KUTISHA - UPINZANI WAONGEZEKA

Master Jay na Ritha wakimsema Salama kwa kufanya uchaguzi mbaya wa nyimbo kwa washiriki waliopo chini yake

TeamRithaPoulsen

TeamSalama

Madam Ritha akiwafanyia make up washiriki walioko chini yake.

Team Master Jay

AZAM KUIPIKU SIMBA KILELNI KESHO - YANGA DHIDI YA VIBONDE POLISI MOROGORO

Michuano ya Ligi Kuu ya Vodacom kuwania ubingwa wa Tanzania Bara inaendelea kesho (Oktoba 24 mwaka huu) kwa mechi nne za raundi ya tisa huku Azam ikiusaka usukani wa ligi hiyo ikiwa mwenyeji wa Ruvu Shooting.

 

Mechi hiyo namba 60 ambayo kama Azam itashinda itafikisha pointi 20, hivyo kuwa kileleni mwa Ligi Kuu ya Vodacom itachezwa Uwanja wa Chamazi, Dar es Salaam. Viingilio katika mechi hiyo ni sh. 3,000 kwa sh. 10,000.

 

Yanga itawakaribisha Polisi Morogoro ambao ndiyo wa mwisho kwenye msimamo wa Ligi Kuu ya Vodacom hivi sasa katika mchezo utakaofanyika Uwanja wa Taifa, Dar es Salaam kwa kiingilio cha sh. 5,000, sh. 8,000, sh. 15,000 na sh. 20,000.

 

Alex Mahagi kutoka Mwanza ndiye atakayepuliza filimbi kwenye mechi hiyo namba 62. Waamuzi wasaidizi ni Frank Komba na Michael Mkongwa, wote kutoka Iringa wakati mwamuzi msaidizi ni Oden Mbaga anayetambuliwa na Shirikisho la Kimataifa la Mpira wa Miguu (FIFA) wa Dar es Salaam.

 

Uwanja wa Mkwakwani jijini Tanga utakuwa mwenyeji wa mechi kati ya African Lyon ya Dar es Salaam ambao ni wageni wa Coastal Union inayonolewa na Hemed Moroco. Nayo Mtibwa Sugar itaikaribisha Kagera Sugar kwenye Uwanja wa Manungu ulioko kwenye mashamba ya miwa Turiani mkoani Morogoro.

 

MTIBWA SUGAR, JKT RUVU SASA KUCHEZA NOV 7

Mechi namba 79 ya Ligi Kuu ya Vodacom kati ya Mtibwa Sugar na JKT Ruvu iliyopangwa kuchezwa Novemba 3 mwaka huu Uwanja wa Manungu mkoani Morogoro, sasa itafanyika Novemba 7 mwaka huu.

 

Mabadiliko hayo yamefanyika kwa vile Novemba 4 mwaka huu, Mtibwa Sugar itacheza mechi namba 30 dhidi ya Simba kwenye Uwanja wa Jamhuri, mjini Morogoro. Mechi hiyo awali ilikuwa ichezwe Oktoba 3 mwaka huu lakini ikabadilishwa ili kutoa fursa kwa mechi za Super Week zilizooneshwa moja kwa moja na kituo cha televisheni cha Super Sport cha Afrika Kusini.

 

VITAMBULISHO FAINALI ZA AFCON 2013 MWISHO NOV 7

Waandishi wa Habari wanaotaka kuripoti fainali za mataifa ya Afrika (AFCON) zitakazofanyika mwakani nchini Afrika Kusini wanatakiwa kutuma maombi ya kupatiwa vitambulisho (Accreditation) kabla ya Novemba 7 mwaka huu.

 

Maombi hayo yatumwe Shirikisho la Mpira wa Miguu Afrika (CAF) kupitia CAF Medial Channel inayopatikana katika mtandao wa Shirikisho hilo wa www.cafonline.com

 

FDL KUANZA KUTIMUA VUMBI OKT 24

Michuano ya Ligi Daraja la Kwanza (FDL) inaanza kutimua vumbi kesho (Oktoba 24 mwaka huu) kwenye viwanja mbalimbali nchini.

 

Kundi A kutakuwa na mechi tatu ambapo Burkina Faso itacheza na Mbeya City kwenye Uwanja wa Jamhuri mjini Morogoro wakati JKT Mlale itakuwa mwenyeji wa Small Kids kwenye Uwanja wa Majimaji, Songea.

 

Nayo Kurugenzi itaumana na Majimaji katika Uwanja wa Wambi ulioko Mufindi mkoani Iringa. Kundi hilo litamaliza raundi ya kwanza keshokutwa (Oktoba 25 mwaka huu) kwa mchezo kati ya Mkamba Rangers na Polisi Iringa utakaofanyika Uwanja wa Jamhuri, Morogoro.

 

Mechi za kundi B kwa kesho ni Ndanda dhidi ya Transit Camp katika Uwanja wa Nangwanda Sijaona mjini Mtwara na Villa Squad itakipiga na Moro United kwenye Uwanja wa Mabatini mjini Mlandizi. Oktoba 25 mwaka huu ni Green Warriors v Tessema (Mabatini, Mlandizi) na Polisi Dar v Ashanti United (Uwanja wa Chamazi).

 

Kundi C kesho (Oktoba 24 mwaka huu) ni Kanembwa FC v Polisi Dodoma (Uwanja wa Lake Tanganyika, Kigoma), Mwadui v Morani (Kambarage, Shinyanga), Pamba vs Polisi Mara (Kirumba, Mwanza) na Rhino Rangers vs Polisi Tabora (Ali Hassan Mwinyi, Tabora).

HENRIK LARSSON: MESSI NA RONALDO NI BORA - LAKINI XAVI KIBOKO YAO

Mshambuliaji wa zamani Barcelona  Henrik Larsson  amempigia chapuo mchezaji mwenzie wa zamani Xavi kushinda tuzo ya mchezaji bora wa dunia ya mwaka huu baada ya kuonyesha kiwango kizuri kwaenye timu ya taifa na klabu yake ya Barcelona.

Xavi, 32, ambaye alishiriki kikamilifu katika kampeni ya mafanikio ya Spain katika Euro 2012, na Larsson, ambaye aliichezea Barca kuanzia mwaka 2004 mpaka 2006, anahisi Xavi anastahili kupata tuzo hiyo muda huu kutokana na kiwango chake kizuri kwa muda mrefu.

"Lione Mess na Ronaldo ni wachezaji bora duniani, japokuwa Xavi anastahili kushinda zawadi hii kwa sababu amekuwa kiungo mzuri na mwenye mafanikio.

"Ingawa nadhani itakuwa ngumu kwa sababu amefunga mabao machache kulinganisha na Ronaldo na Messi,"alisema Larsson. 

MFUMO WA UZUIAJI UTAWAGHARIMU BARCELONA MSIMU HUU

Hii post inaweza ikawa imechelewa kidogo, lakini ina ukweli mkubwa ndani yake juu ya mfumo wa ufundishaji kwa upande wa uzuiaji wa Tito Vilanova, ambaye aliteuliwa kuwa mrithi wa Pep Guardiola ili aweze kuendeleza filosofia ya soka walilokuwa wakilifundisha kwa pamoja na Pep Guardiola na kupata mafaniko makubwa kwa miaka kadhaa iliyopita.
Wakati ni kweli kwamba mfumo wa Barca haujabadilika sana, lakini ni kweli pia kwamba Vilanova ameutelekeza  mfumo wa mabeki watatu (isipokuwa wakati timu yake inapokuwa nyuma). 
Tuangalie mifano ya picha namna safu ya ulinzi ya Barcelona ilivyokuwa katika mechi dhidi ya Real Madrid  October 7.

• Real Madrid goal #1

Real Madrid walikuwa wanafanikiwa katika kupeleka mpira kutoka upande mmoja mwingine hadi mwingine, kupitia mipira mirefu ya Xabi Alonso. Mpira hapa ulitoka upande wa kulia kwenda kushoto, huku Ozil akiurudisha kati. Huku kukiwa na presha ndogo katika kuzuia, mawinga wa Barcelona wanakuwa hawana uhakika nini cha kufanya wanapokuwa hawana mpira na mara nyingi wanakuwa wanajishahau kuzuia. Katika kesi hii, kuna wachezaji watano wa Madrid katika box dhidi ya wachezaji walio idadi sawa ya mabeki wa Barca. Tazama namna Ronaldo(aliye na kiduara cha blue) ameachwa akiwa sambamba na Dani Alves huku kukiwa na nafasi kubwa ya  kuweza kufanya utundu wake kwenye duara kubwa lenye kivuli.


Na pale Ozil anapompasia Benzema, mmoja wa mabeki wa kati anamfuata Benzema, kama anavyopaswa, na Dani Alves(kwenye kiduara cha Orange) anasitasita kwenda kumkaba Benzema au aendelee kumuangalia Ronaldo. Kwa mara nyingine tena, winga wa Barca wa upande wa kulia haonekani kwenye eneo hili pia Xavi na Fabregas waliocheza viungo wa katika mechi hii hawaonekani kusaidia katika box.

Kusita mara moja tu kwa Dani Alves kunamtosha Ronaldo kumpita mbrazil huyo aliyekwenye kiboksi cha orange na kuweza kufunga bao kwa shuti la mguuu wa kushoto.

• Real Madrid goal #2

Kwa goli la pili Real Madrid, kulikuwa na kuna ishu nyingine katika kujipanga. Barcelona wamekuwa tofauti na siku za nyuma wanapoteza mipira hovyo hasa katika mechi kubwa na ngumu. Hapa kwa mara nyingine Barca walipoteza mpira na timu ikachukua muda mrefu kuweza kurudi shepu ya kuzuia. Eneo la kati (Lenye kivuli) halina ulinzi na beki wa kulia hayupo katikati ya goli na mtu anayemlinda kama anavyopaswa, huku Ozil akiwa katika eneo la kati pekee yake.

Huku mmoja wa mabeki akija kukutana na Ozil, Ronaldo anaingia kwa kasi kwenye eneo la hatari la Barca na kumpita beki wa kulia. Huku akiwa hana presha kutoka viungo wa Barca, Ozil ana;iga pasi safi na mtego wa offside sio kikwazo kwa spidi ya Ronaldo na movement za akili, anaingia ndania anipokea pasi ya Ozil na kuwaliza Barca. 

• HITIMISHO

Pamoja na kuanza vizuri msimu mpaka kufika sasa, kiwango cha Barcelona bado hakijatisha kama siku za nyuma Umiliki wao wa mpira umekuwa sio mkubwa kwa mara kadhaa, lakini muhimu zaidi mfumo wao wa uzuiaji sio sahihi. Uharaka wa kukaba baada ya kupoteza mpira sio kama ule waliokuwa nao kipindi cha nyuma, pamoja na hilo kubadilika mfumo wa mzima wa kuzuia na kujipanga hakujabadilika sana kulingana na kasi yao ya kurudi kukaba wanapokuwa wanashambuliwa, hivyo mwishowe wamekjikuta wanaruhusu sana kuguswa kwa nyavu zao. Mfano mwingine mzuri ni mechi ya juzi dhidi ya Deportivo La Coruna iliyoisha kwa ushndi finyu wa 5-.

ZENGWE: WACHEZAJI WA PAMBA YA MWANZA WAAZIMA VIATU VYA KUCHEZEA KWA WACHEZAJI WA TIMU ZA MITAANI

Hii ndio Pamba ya zamani iliyofanya vizuri kwenye soka wakati huo. Ni vipi historia itajirudia kwa magumashi yanayoendelea kwenye timu hiyo kwa sasa.

Wakati wadau wa soka nchini tukiwa tunapiga kelele juu ya uendeshwaji mbovu wa soka la nchi hii, mambo yamezidi kwenda hovyo katika kanda ya ziwa jijini Mwanza. 

Moja ya timu yenye historia kubwa nchini Tanzania iliyowahi kupata mafanikio makubwa pamoja na kutoa wachezaji wenye majina makubwa waliosadia soka la nchi kufika hapa lililopo - Pamba ya Mwanza ipo katika hali mbaya na kukatisha tamaa kwa maendeleo ya soka.

Ikiwa katika harakati za kutaka kurudi kucheza ligi kuu ya Tanzania bara, Pamba kwa sasa ambayo ipo katika ligi daraja la kwanza inatarajiwa kuanza kampeni ya kutafuta nafasi ya kurudi VPL kwa kuanza kucheza mechi dhidi Polisi Mara ambazo zote zimepangwa katika kundi C lenye timu kama Kanembwa JKT (Kigoma), Morani (Manyara), Mwadui (Shinyanga),  Polisi Dodoma, Polisi Tabora na Rhino Rangers ya Tabora.





Sasa wakati timu ikiwa katika maandalizi ya kucheza mechi dhidi ya Polisi Mara, uongozi wa klabu hiyo umewaagiza wachezaji waende kwenye timu za mitaani wilayani Ilemela wakaazime viatu vya kuchezea kwa sababu uongozi hauna fedha za kununua vifaa hivyo.

"Ni kweli timu yetu sasa imefikiwa katika hali mbaya sana, wakati wa maandalizi ya mechi yetu dhidi ya Polisi Mara, tukaomba viongozi watuletee baadhi ya vifaa vikiwemo viatu, wakatuambia uongozi hauna fedha hivyo tuende mitaani kwa wachezaji wengine tukaazime. Hivi kweli timu ambayo tayari ina mdhamini (Konyagi) inawezaje kukosa vifaa muhimu kama viatu vya kuchezea?? Ukizingatia wachezaji hatulipwi mishahara sasa fedha zote zinaenda wapi. Nakumbuka kuna wakati mkuu wa mkoa aliwahi kutoa kiasi cha millioni 9 kwa ajili ya kuisadia timu yetu iweze kupanda, sasa sielewi viongozi fedha wanapeleka wapi? Pia wakati Pamba ikiwa kwenye hali mbaya hata viongozi wa wilaya ya Ilemela ambao moja ya jukumu lao ni kuhakikisha soka la wilaya yetu linapanda kwa kuziongoza na kuzisaidia timu za wilaya kama Pamba wamekuwa hawana msaada kwetu, mwenyekiti Evarist Hagila yeye ndio hana msaada wowote muda wote yupo Dar es Salaam." alizungumza mmoja wa wachezaji wa Pamba ambaye kwa sasa yupo nje ya uwanja kutokana na majeruhi.

Mku wa mkoa Mwanza akitoa msaada wa fedha taslimu shilingi millioni 9 kwa ajili ya kuisadia Pamba

"Pia sasa soka la Mwanza linazidi kudidimia kwa sababu wachezaji wenye vipaji vya kweli wa hapa Mwanza wameacha kucheza mpira kwa sababu ya siasa za viongozi. Mchezaji ukidai tu haki zako za msingi wanakutimua kwenye timu, wanataka kuabudiwa na kuogopwa, jambo ambalo limewashinda wachezaji wengi hivyo kuamua kuondoka Mwanza kwenda sehemu nyingine au kufanya shughuli nyingine tofauti na soka. Sasa jiulize Mwanza ambayo zamani ilikuwa ikitisha kwenye soka itarudi vipi kwa madudu ya namna hii?"
  

SIMBA WALIPOKAMATWA NA MGAMBO JKT MKWAKWANI TANGA

Straika wa Simba, Felix Mumba Sunzu akivaa soksi baada ya kurudishwa benchini na refa Othman Lazi wa Morogoro ili akavae sawa na wachezaji wenzake kabla ya kuanza kwa mechi yao ya Ligi Kuu ya Vodacom dhidi ya Mgambo JKT kwenye Uwanja wa Mkwakwani Tanga leo. Jambo hilo lilimfanya achelewe kupiga picha na wachezaji wenzake wa kikosi cha kwanza.

Nahodha wa Simba, Juma Kaseja (wa nne kulia) akiwalalamikia waamuzi kuhusu kurudishwa benchini kwa straika Felix Sunzu, huku nahodha mwenzake wa Mgambo JKT, Salum Mlima (14) akisalimiana na waamuzi

Wachezaji wa Simba wakiwa katika picha ya pamoja bila ya Sunzu ambaye alirushishwa kwenda kuvaa sawa na wenzake.

Wachezaji wa Mgambo JKT wakiwa katika picha ya pamoja.

Benchi la Simba

Mashabiki wa Simba wakishangilia baada ya timu yao kuingia uwanjani kabla ya kuanza kwa mechi yao dhidi ya Mgambo JKT kwenye Uwanja wa Mkwakwani, Tanga jana (Picha kwa hisani ya straikamkali.blogspot.com)

OMMY DIMPOZ ATHIBITISHA KUIBIWA VIFAA VYA GARI LAKE NA LORD EYES WA NAKO 2 NAKO

 

MIMI PIA NI MUATHIRIKA WA HUYU JAMAA! LAST TWO WEEKS WALINIIBIA KILA KITU KWENYE GARI LANGU!

RADAMEL FALCAO SAMBAMBA NA AKINA MESSI NA RONALDO - NA YEYE ATUPIA ATLETICO WAKIIFUNGA REAL

[www.online-soccer.ru] Real Sociedad 0-1... by all-goals

LIVE MATCH CENTRE: SIMBA SC VS MGAMBO - FULL TIME

DK 90: Simba 0 - 0 Mgambo

 DK 84: Okwi anapiga shuti kali linalogonga mwamba na kurudi uwanjani.

 DK: 80: Muda unazidi kuyoyoma na Simba wanaendelea kulishambulia lango la Mgambo. Pia wanaongeza nguvu kwenye safu ya ushambuliaji anatoka Ngasa anaingia Edo Christopher.

 DK 70: Cholo anaingia vizuri mpaka kwenye sita ya Mgambo lakini anatoa krosi mbovu inayotoka nje.

 DK 66: Issa Kinduru anapiga shuti kali katika lango la Simba na linatoka pembeni kidogo mwa goli.

 DK 57: Simba wanaamka sasa, Amir Maftah anachezewa rafu nje kidogo ya eneo la hatari na Okwi anapiga faulo inayotoka nje kidogo ya lango la Mgambo.

 DK 51: Simba 0 - 0 Mgambo

Kipindi cha pili kimeanza kati ya Simba na Mgambo JKT uwanja wa Mkwakwani.

 HALF TIME

 DK 43: Jonas Mkude anapewa kadi ya njano baada ya kumchezea vibaya mchezaji wa Mgambo.

 DK 38: Mgambo wanalisakama sana lango la Simba lakini ukosefu wa umakini ndani ya 18 unawagharimu magoli.

DK 35: Milango bado migumu timu zote zinashambulianakwa zamu lakini wanashindwa kutumia vizuri nafasi wanazopata.

 DK 28: Mgambo wanaingia kwenye lango la Simba na kufanya shambulizi kali lakini shuti linalopigwa na mchezaji Issa Kinduru linadakwa na Juma Kaseja.

 DK 25: Kwa muda sasa Mrisho Ngassa amekuwa akiisumbua sana ngome ya Mgambo, anafanya shambulizi kali kwa ku[piga shuti linatoka nje kidogo ya lango la Mgambo.

 DK 20: Simba 0 - 0 Mgambo

DK 15: Timu ya JKT Mgambo inaonekana kucheza vizuri zaidi ya Mnyama, wakijituma kufanya kila wanachoweza kuweza kupata bao la mapema.

DK 5: Simba  0 - 0 Mgambo

Mpira umeanza hapa uwanja wa Mkwakwani Mkoani Tanga.

VIKOSI VINAVYOANZA

 SIMBA
1: Juma Kaseja

2: Said Nassoro Chollo
3: Amir Maftah
4: Hassan Hatibu
5: Pascal Ochieng
6: Jonas Mkude
7: Amri Kiemba
8: Mwinyi Kazimoto
9: Sunzu
10: Okwi
11: Mrisho Ngassa

MGAMBO
1: Gudson Mmasa
2: Yasin Awadhi
3: Salu Mlima
4: Bakary Msama
5: Salum Kipana
6: Ramadhan Malima
7: Chande Magoja
8: Musa Ngunda
9: Issa Kanduru
10: Fuly Maganga
11: Juma Mwinyimvua  

TETESI: NDUGU WA MBUYU TWITTE, KABANGE YUPO DAR KUMALIZANA NA YANGA

Kabange Twitte (aliyevaa kofia) akiwa na Mbuyi Twitte baada ya mchezo dhidi ya Yanga na Ruvu Shooting

Picha zote kwa hisani ya http://pallangyor.blogspot.com/

YANGA WALIPOKABIDHIWA JEZI ZAO ZENYE NEMBO NYEUSI YA VODACOM

 Meneja Mahusiano ya Nje wa kampuni ya Sima za mkononi VODACOM, Salum Mwalimu akionesha jezi walizokabidhi kwa klabu ya Yanga zikiwa na doa jeusi. (Picha na Habri Mseto Blog)

 Kaimu Katibu Mkuu wa Yanga, Laurence Mwalusako (kati) akipokea jezi walizokabidhiwa na Vodacom zikiwa na doa jeusi kutoka kwa Meneja Mahusiano ya Nje wa kampuni ya Sima za mkononi VODACOM, Salum Mwalimu (kushoto). Kulia ni Ofisa Udhamini wa kampuni hiyo, Ibrahim Kaude

YANGA ILIVYOITANDIKA 3-2 RUVU SHOOTING KWENYE PICHA

 Kiungo wa Yanga, Haruna Niyonzima akimtoka mchezaji wa Ruvu Shooting, Said Dulunga  katika mchezo wa Ligi Kuu ya Soka Tanzania Bara uliofanyika leo kwenye Uwanja wa Taifa jijini Dar es Salaam. Yanga imeshinda 3-2

 Golikipa wa Ruvu Shooting, Benjamin Haule akiokoa moja ya hatari zilizoelekezwa langoni mwake

Kiungo wa Yanga Haruna Niyonzima akiwatoka wachezaji wa Ruvu Shooting katika mchezo wa Ligi Kuu ya Soka Tanzania Bara uliofanyika kwenye Uwanja wa Taifa jijini Dar es Salaam leo. Yanga imeshinda 3-2. (Picha na Habari Mseto Blog)

Beki wa Ruvu Shooting, George Otei akichuana na mshambuliaji wa Yanga, Didier Kavumbagu

NDOTO YA MBWANA SAMATA NA ULIMWENGU KUCHEZA FAINALI YA CHAMPIONS LEAGUE YAFUTIKA KWA KICHAPO CHA 1-0 DHIDI YA ESPERANCE

ROONEY AFUNGA BAO LA 200, MAN UNITED WAKIIFUNGA 4-2

М-С footyroom.com by footyroom

ARSENAL HALI TETE - WAPIGWA 1 - 0 NA NORWICH

нар footyroom.com by footyroom

EDEN DZEKO AIPA USHINDI WA LALA SALAMA MAN CITY DHIDI YA WEST BROM

West Bromwich Albion 1-2 Manchester City... by f100000462793569

JUAN MATA MWISHO WA MATATIZO - AIADHIBU SPURS, CHELSEA WAKICHINJA 4-2

Tottenham Hotspur 2-4 Chelsea London... by f100000462793569

HATIMAYE LIVERPOOL WAPATA USHINDI WA KWANZA ANFIELD MSIMU HUU

L1-0R www.fasthighlights.com by fasthighlights-2013

LIONEL MESSI APIGA HAT TRICK IKIWAFUNGA KWA TAABU DEPORTIVO 4 - 5

CRISTIANO RONALDO NA HIGUAIN WAIONGOZA MADRID KUITANDIKA 2-0 CELTA VIGO

Real Madrid 2-0 Celta de Vigo Liga BBVA 20-10-2012 by f769673846

AC MILAN HALI YAZIDI KUWA TETE - WAGONGWA 3-2 NA LAZIO

Lazio 3-2 AC Milan footyroom.com by Futbol2101

NANI WA KUISIMAMISHA JUVENTUS ITALY - WAENDELEA NA REKODI YA KUTOKUFUNGWA TANGU MSIMU ULIOPITA - POGBA NA CARACES WAKIIADHIBU NAPOLI

Juventus 2-0 Napoli footyroom.com by Futbol2101

BAYERN WAWEKA REKODI MPYA - WASHINDA MECHI YA 8 MFULULIZO