MH MOHAMED DEWJI AMTAKA MKWASA KUWAPA RAHA WATANZANIA

MBUNGE WA JIMBO LA SINGIDA MJINI MH. MOHAMMED DEWJI AMETOA PONGEZI ZA DHATI KWA KOCHA WA SIKU NYINGI HAPA NCHINI CHARLES BONIFACE MKWASA KWA KUCHAGULIWA KUWA KOCHA MKUU WA TIMU YA SOKA YA TAIFA ‘TAIFA STARS’.

MH.MBUNGE HUYO ALMAARUFU KAMA ‘ MO’ AMBAYE ANASIFIKA KWA KUHAMASISHA MICHEZO PIA AMELISIFU SHIRIKISHIO LA MPIRA WA SOKA TANZANIA (TFF) KWA KUONYESHA UZALENDO KWA KUMCHAGUA KOCHA WA HAPA NYUMBANI KUFUNDISHA TIMU YA TAIFA.

PONGEZI HIZO AMEZITOA KUFUATIA TAARIFA ILIYOTOLEWA NA KATIBU MKUU WA TFF BW. ANGETILE HOSIAH ALIYOITOA SIKU YA JUMAMOSI KWA VYOMBO VYA HABARI KUWA MKWASA ALIYEKUWA AKIIFUNDISHA TIMU YA TAIFA YA SOKA YA WANAWAKE YA TANZANIA ‘TWIGA STARS’ AMECHAGULIWA KUWA KOCHA WA TIMU YA TAIFA YA TANZANIA BARA.

KATIKA UTEUZI HUO KOCHA MACHACHARI ANAYEFUNDISHA TIMU YA COASTAL UNION YA TANGA JAMHURI KIHWELO ‘JULIO’ AMETEULIWA KUWA KOCHA MSAIDIZI WA TIMU YA TAIFA NA MCHEZAJI WA ZAMANI WA KLABU YA SIMBA KHALID ABEID AMECHAKUGULIWA KUWA MENEJA MPYA WA TIMU HIYO WAKATI WA MICHUANO YA CECAFA ITAKAYOFANYIKA KATIKA MIJI YA DAR ES SALAAM NA MWANZA KUANZIA NOVEMBA 25 HADI DISEMBA 10 MWAKA HUU.

KATIKA PONGEZI HIZO MH. ‘MO’ AMESEMA KWA HAKIKA TFF IMEONYESHA UZALENDO NA KUMTAKIA MKWASA MAFANIKIO PINDI ATAKAPOANZA JUKUMU LA KUONGOZA JAHAZI LA TIMU YA TAIFA.

AIDHA MH. ‘MO’ AMEITAKIA MAFANIKIO MEMA TIMU YA TAIFA IKIWA CHINI YA KOCHA MKWASA HUKU AKISEMA ‘ MUNGU IBARIKI TANZANIA, MUNGU IBARIKI TAIFA STARS, MUNGU MBARIKI MKWASA NA KAMATI NZIMA YA UFUNDI YA TIMU HIYO.