BREAKING NEWS: MZEE ATHUMANI KILAMBO AFARIKI DUNIA

Marehemu Athumani Kilambo akiwa na Shaffih Dauda alipoenda kumtembelea kipindi anaumwa

Muda mchache uliopita mtandao huu umepokea kwa masikitiko taarifa za msiba wa kocha wa zamani wa timu ya Pan African ya Dar es Salaam, Mzee Athumani Kilambo aliyekuwa akiugua ugonjwa wa kansa ya koo.

Kwa taarifa kutoka kwa familia yake Athumani Kilambo amefariki leo majira ya saa tatu usiku.

Kama itakumbukwa mtandao huu ndio ulikuwa wa kwanza kutoa taarifa juu ya ugonjwa wa Athumani Kilambo na tulipata nafasi ya kwenda kumtazama akiwa amelazwa hosptali ya Ocean Road ambapo aliwasihi wanamichezo na watanzania kumsaidi kumchangia fedha za matibabu, na takribani wiki zisipungua 6 shaffihdauda.com na timu nzima ya kipindi cha Sports Extra ilimpelekea mchango wa shilingi 500,000 taslimu kwa ajili kumsaidia kwenye matibabu.
Lakini leo hii mwenyezi mungu amefanya kazi na kumchukua mja wake Athumani Kilambo ambaye atakumbukwa kwa kuisadia Pan African kuchukua ubingwa a ligi Tanzania Bara (1982), wakati huo ikifahamika kama ligi daraja la kwanza.

Mwenyezi ametoa, mwenye ametwaa. Mungu aiweke mahala pema peponi roho ya marehemu.