STEPHEN KESHI KUWATEUA OLISEH NA AMOKACHI TIMU YA TAIFA YA NIGERIA

KOCHA MPYA WA TIMU YA TAIFA YA NIGERIA STEPHEN KESHI AMESEMA KUWA TAYARI AMESHAWACHAGUA WATU ATAKAOSAIDIANA NAO KWENYE BENCHI LA UFUNDI.

KESHI AMBAYE WIKI ILIYOPITA ALITEULIWA RASMI KUWA KOCHA WA SUPER EAGLES AMBAYO HAPO AWALI ALIWAHI KUICHEZEA AKIWA NAHODHA WA MUDA MREFU, AMESEMA KUWA WASAIDIZI WAKE NI WATU AMBAO WANA UFAHAMU MKUBWA SANA JUU YA MCHEZO WA SOKA NA PIA NI WATU WENYE UZOEFU NA TIMU YA TAIFA YA NIGERIA.

KWA MUJIBU WA TETESI ZILIZOZAGAA KWENYE MAGAZETI MBALIMBALI YA KILA SIKU NCHINI NIGERIA KESHI ATAWATEUA WACHEZAJI WA ZAMANI SUNDAY OLISEH NA DANIEL AMOKACHI KAMA WASAIDIZI WAKE NA STEPHEN KESHI MWENYEWE AMESEMA WASAIDIZI WAKE HAWATATAJWA MPAKA CHAMA CHA SOKA CHA NIGERIA KITAKAPOAMUA KUFANYA HIVYO .