MIAKA 50 YA UHURU : KOMBE LA GOSSAGE

BAADA ya vita vikuu ya pili vya Dunia (W.W.II) hadi Tanganyika ilipopata uhuru mwaka 1961, mafanikio pekee ya Tanganyika katika michezo kwa ujumla na hasa mpira wa miguu ilikua ni katika michuano ya Kombe la Gossage iliyokua ikishindaniwa na makoloni ya Uingereza ya Afrika Mashariki.

Mwanzo wa miaka ya 1950 (1952-53) Tanganyika ilifanikiwa kutwaa ubingwa wa michuano hiyo mara mbili kwa msaada wa mshambuliaji wake mahiri, William Nashon. Nahodha wa Kenya Joe Kadenge akipokea Kombe la Gossage kwenye miaka ya 60
Baada ya hapo, Kombe la Gossage lilikuwa likitwaliwa na Uganda na Kenya kwa miaka mingi. Uganda ilikuwa na wachezaji hatari sana, hasa Kalibala na kipa wao Aggard. Lakini Kenya pia ilikuwa na nyota kadhaa wakiwemo Peter Orange, Elijah Lidonde, Shem Chimoto, Ali Kajo, Joe Kandege aliwahi kumvunja kipa mkono katika mechi iliyochezwa kwenye mvua na mipira ya kizamani ilikuwa inanyonya maji, hivyo shuti lake lilimvunja kipa mkono. Kandege alikua anaogopwa na makipa wengi.

Tanganyika pamoja na kuwa na wachezaji wenye vipaji kama Mwemba, Washokera na kipa bora Afrika Mashariki wakati huo Miraji, haikuweza kuhimili vishindo vya Wakenya na Waganda. Kutambiana kati ya Kenya na Uganda bado kunaendelea hadi leo.

Zanzibar mbali na kuwa ndiyo timu iliyokuwa ikiisumbua sana Uganda, ilibaki kuwa timu ya kupatia mabao na kuwafurahisha watazamaji kwa pasi zao za chini chini na kuvutia.

Hali hii iliendelea mpaka Tanganyika ilipopata uhuru mwaka 1961. Baada ya uhuru, kocha kutoka Yugoslavia aitwaye Celebic alipewa jukumu la kuifundisha Tanganyika. Haikuchukua muda kwa Celebic kugundua kuwa, Tanganyika ilikuwa inazidiwa na Kenya na Uganda.

Kuzidiwa huko kwa Tanganyika hakukuwa kwa vipaji au akili pekee, bali hata nguvu ya mwili. Baada tu ya michuano ya Kombe la Taifa iliyokusanya mikoa yote katika Uwanja wa Ilala (Karume), Celebic alichagua wachezaji wengi wapya baadhi yao kutoka mikoa ambayo haikuwahi kutoa wachezaji wa timu ya taifa wakiwemo Kama Chuma na Dini kutoka Mtwara.

Baada ya kuwasuka vizuri, kazi ikaanza. Matokeo yake Tanganyika ilichukua Ubingwa wa Afrika Mahariki mara tatu mfululizo hadi Celebic alipoondoka. Hadi leo hajatokea kocha kama yeye hapa nchini.

NINI MAANA YA MCHEZAJI KUHAMA KWA MKOPO ?

Wakati dirisha dogo la usajili wa bongo likiwa linafungwa usiku wa leo,nimeona si vibaya kuandika juu ya utaratibu wa mchezaji kuhamishwa kwa mkopo kutoka klabu moja kwenda nyingine unavyofanyika.
Nimeamua kufanya hivi baada ya kugundua utaratibu wa kuhamisha wachezaji kwa mkopo hapa bongo unafanyika kiholela sana.
Kwenye soka mchezaji kuondoka kwa mkopo maana yake ni kwenda kuichezea timu nyingine ambayo hana mkataba nayo kwa muda maalum. Mikataba ya mikopo huwa inakuwa ya muda husika kama vile wiki kadhaa hadi wakati mwingine msimu mzima.
Wachezaji wanaweza kupelekwa timu nyingine kwa mkopo kwa sababu kadhaa na mara nyingi wachezaji wachanga hupelekwa sehemu nyingine kwa mkopo ili wapate uzoefu na hatimaye watumike baadaye kwenye timu zao .
Katika mfano huu timu ya mchezaji inaweza kuendelea kulipa mshahara wa mchezaji au vinginevyo kuendana na makubaliano yaliyopo baina ya pande tatu husika na baadhi ya timu huweka mazingira maalumu baina yake na baadhi ya vilabu ambapo timu ndogo hutumika kama timu ya kulea wachezaji kwa mkopo yaani feeder club , mfano Man United wana makubaliano na Royal Antwerp ya Ubelgiji na Arsenal wana makubaliano na Beveren.


Mkopo pia unaweza kutumiwa katika mazingira ya kusubiri muda wa dirisha la usajili kufunguka ambapo makubaliano maalum yanaweza kuwekwa ili kuipa timu fursa ya kumsajili mchezaji husika kwa muda mrefu.
Klabu inaweza kumchukua mchezaji kwa mkopo kama haina fedha ya kutosha kufanya usajili lakini wanaweza kulipa mishahara kwa muda na pia wachezaji huchukuliwa kwa mkopo kama mbadala wa wachezaji wanaoumia au kufungiwa kwa muda mrefu.
Klabu ya kwanza ya mchezaji husika inaweza kuhitaji fedha kutumika kama ada ya uhamisho wa mkopo au inaweza kuwapa wanaohitaji mchezaji wake masharti ya kuwalipa wachezaji walioko kwa mkopo huku pia wachezaji hutolewa kwa mkopo endapo kuna wachezaji waliokuwa wameumia wamerejea au kama timu haina fedha za kutosha na inataka kupunguza gharama.
Kuna baadhi ya wachezaji wengine hutolewa kwa mkopo kwa kuwa hawana furaha kwenye klabu walizopo au wameingia kwenye mazingira ya ugomvi na viongozi wao na hakuna klabu inayowahitaji kwa muda mrefu na hapa kuna mifano ya akina Henri Camara akiwa Wolves na Craig Bellamy akiwa na Man City na kabla ya hapo Newcastle United.
Kwenye Ligi kuu ya England wachezaji wanaocheza kwa mkopo hawaruhusiwi kucheza dhidi ya timu zao za msingi au timu zenye usajili wao(hii ni kwa mujibu wa sehemu ya 7.2 ya sheria ya m.6) ambapo hii inamaanisha kuwa klabu kubwa yaweza kumtoa mchezaji wake kijana kwenye timu ndogo huku ikifurahia kushuhudia anachofanya dhidi ya timu nyingine kubwa ambazo ni wapinzani wake huku wakiwa hawaruhusiwi kuidhuru timu ya msingi .
Hata hivyo wachezaji walioko kwa mkopo wanaweza kucheza dhidi ya timu zao kwenye michezo ya vikombe .

HAPPY BIRTHDAY GIGGS

BARCELONA WATIMIZA MIAKA 112 TANGU KUANZISHWA

***WENGI WANAAMINI NDIO KLABU BORA KABISA KWA SASA-ILIANZISHWA MWAKA 1899, HIVYO LEO HII INATIMIZA MIAKA 112 TANGU KUANZISHWA KWAKE.**************

************************BEJI YAO YA KWANZA KUITUMIA **************************

***HII NDIO JEZI YA KWANZA KUANZA KUTUMIKA KWA KLABU HII**************

***KOMBE LA KWANZA KUSHINDA KLABU YA BARCELONA MWAKA 1902**
***HUU NDIO UWANJA WA KWANZA KUANZA KUTUMIKA KAMA UWAJA WA NYUMBANI WA BARCA***********

KILIMANJARO STARS YAITANDIKA DJIBOUTI MABAO 3:0

HATIMAE KILIMANJARO STARS IMEFANIKIWA KUPATA USHINDI WA KWANZA KWENYE MASHINDANO YA CECAFA TUSKER CHALLENGE CUP 2011 BAADA YA KUIFUNGA DJIBOUTI MABAO 3-0.
MABAO HAYO YAMEFUNGWA NA THOMAS ULIMWENGU,MWINYI KAZIMOTO NA YUSUF RASHID.
WAKATI HUO HUO RWANDA IMEIFUNGA ZIMBABWE MABAO 2-0 KWENYE MCHEZO ULIANZA MAPEMA.

Azam msimlazimishe Chombo kwenda Moro Utd..

Nimeamka asubuhi ya leo kama ilivyo kawaida yangu kabla ya hata kunywa chai huwa naingia kwenye mitandao mbali mbali pamoja na kusoma magazeti kuona yaliyojili kwenye ulimwengu wa michezo, kwenye mtandao wa BBC nikakutana na habari ya AC Milan kusisitiza kumsajili kwa mkopo mshambuliaji Carlos Tevez toka klabu ya Manchester City.
Wakati napitia kwenye magazeti ya michezo nikakutana na habari ya Azam kumpeleka kwa mkopo kunako klabu ya moro utd kiungo wao mchezeshaji Ramadhani Chombo ‘Redondo’.
Sports Management and Administration ni maeneo yenye mapungufu makubwa kwenye soka la bongo! leo nimeshangazwa sana na taarifa eti Azam wamempeleka kwa mkopo Ramadhan Chombo ' Redondo ' kwa Moro Utd.
ninachokijua ni kwamba hakuna uhamisho wa mchezaji unaofanyika pasipo pande husika kukubaliana au kuridhiana! kwa maana ya mchezaji na klabu kukaa chini na kukubaliana kabla ya maamuzi ya kuuzwa au kuhamishwa kutolewa kwenda kucheza sehemu husika.
haiwezekani na haijawahi tokea mchezaji kuuzwa ama kuhamishwa pasipo kupewa taarifa na yeye mwenyewe kuwa na ridhaa na timu atakayoenda kuchezea...kwa mujibu wa Redondo mwenyewe hajapewa taarifa hizo na hayupo tayari kwenda Moro Utd,haya mambo ya kienyeji yamekua yakifanyika sana hapa bongo na inanisikitisha sana hasa klabu kama AZAM inapofanya maamuzi kama haya...

Redondo kwa Azam ni kama David Silva kwa Man City, Mario Goetze pale Dortmund, Xavi pale Barcelona na wengine wengi tu. Redondo ni super star wa Azam kwasasa,kama Azam waliona hana msaada kwao basi wangemwambia mapema kabla ya hata dirisha dogo kufunguliwa ili atafute timu na si kumlazimisha kujiunga na timu wanayotaka wao..hili jambo la kuwauza wachezaji kama kuku au mbuzi naona limezidi sasa na linatakiwa kukemewa kwa nguvu zote na kupigwa vita..hii terminology ya 'by mutual consent' kwa maana ya makubaliano ya pande zote husika,imekua ikitumika sana pindi mkataba unapotaka kuvunjwa au vinginevyo...kuna mchezaji mtovu wa nidhamu kwasasa kama Carlos Tevez ? tusubiri tuone january kama City watamlazimisha Tevez kwenda Wolves kwa mkopo.. ninachokiamini pamoja na City kutomuhitaji tena Tevez pale Etihad Stadium lakini hawawezi kumlazimisha kwenda klabu wanayoitaka wao na ndio maana hata hivi tunavyozungumza Tevez yuko kwao Argentina lakini City wameheshimu mkataba walioingia naye na analipwa mshahara wake kama kawaida hadi usuluhishi wa suala lake utakapopatikana.
Kwahiyo basi nawaomba viongozi wa Azam wakae chini na Redondo hatimae yatoke maamuzi yatakayozinufaisha pande zote mbili huku wakitambua fika dirisha linafungwa ndani ya masaa 24 yajayo.

DROGBA AKATAA KUSAINI MKATABA MPYA NA CHELSEA - KUONDOKA MWISHONI MWA MSIMU

Didier Drogba yupo tayari kuondoka Chelsea baada ya kukataa kusaini mkataba mpya.

mshambuliaji huyo mwenye umri wa miaka 33, yupo katika siku za mwisho mwisho za mkataba wake unaomuingizia £120,000 kwa wiki na amekataa nyongeza ya miezi 12 katika mkataba wake.

Sasa anajiandaa kuondoka Stamford Bridge akiwa huru kipindi kijacho cha kiangazi kuelekea Russia au Qatar.

Agent wa Drogba Thierno Seydi, alisema jana usiku: “Didier alipewa ofa ya mkataba wa mwaka mmoja na Chelsea. Lakini ameona haumfai.

“Tunajua nini tunataka, wapi tunataka kwenda na kwa ofa ya namna gani. AC Milan walikuja na dili la mkopo kwa Didier wakiwa na option ya kumnunua pia, lakini niliwaambia haiwezekani. Ofa yao haikutuvutia.

“Kwa umri huu wa Didier, hana kipya cha ku-prove kama mchezaji. Ataenda mahala ambapo watatoa mkwanja mrefu zaidi. Inaweza kuwa Marekani , Russia, Qatar au popote in Asia.

“Unapokuwa tayari katika umri wa miaka ya 30 unatakiwa uende katika timu ambayo una uhakika utapata pesa ya kuweza kukuwezesha kuishi vizuri. LA Galaxy ni moja ya timu ambazo Drogba anaweza kujiunga nazo. Pia Anzhi, wanalipa vizuri lakini sio mimi wala Didier tumepokea ofa kutoka kwa timu hizo.”

Drogba alisajiliwa na Jose Mourinho kutoka Marseille kwa ada ya £24million in 2004 na amefunga magoli 146 katika kipindi cha miaka 7 aliyokaa Chelsea.

Habari za Drogba kutaka kuondoka zimekuja siku chache baada ya mchezaji wa zamani wa klabu hiyo Marcel Desailly kusema kwamba klabu hiyo sasa imegawanyika chini ya Andre Villas Boas, timu haina umoja.

CRISTIANO RONALDO AVUNJA REKODI YAKE MWENYEWE

Real Madrid wapo on top of the league wakishinda mechi 11 kati ya 13, na wameshinda mechi zao zote za makundi in Champions league. Cristiano Ronaldo ndio mtu aliyechangia kwa kiasi kikubwa katika mafanikio haya. Ndiye anayeongoza kwa ufungaji in La Liga akiwa na magoli 16 na jumla akiwa amefunga magoli 20 msimu huu. So far ndani ya mwaka huu , mreno huyu ameshafunga mabao 48, akiivunja rekodi yake mwenyewe ya magoli 45 aliyotia kambani in 2010.

CRISTIANO RONALDO'S GOALS
YEAR	CLUB	LEAGUE	UCL	CUP	OTHER	TOTAL
2011	Real Madrid	39	5	3	1	48
2010	Real Madrid	36	5	4	-	45
2009	Real Madrid /Manchester United	17	10	1	1	29
2008	Manchester United	26	3	3	2	34
2007	Manchester United	18	8	3	-	29
2006	Manchester United	18	-	-	-	18
2005	Manchester United	7	1	4	-	12
2004	Manchester United	4	-	-	-	4
2003	Manchester United/Sporting Portugal	1	-	-	-	1
2002	Sporting Portugal	3	-	-	-	3
TOTAL		169	32	18	4	223

JOHN TERRY AFANYIWA MAHOJIANO NA POLISI DHIDI YA KESI YA KUMTUSI FERDINAND

Polisi wanaochunguza madai dhidi ya John Terry kutoa mananeo ya kibaguzi dhidi ya Anton Ferdinand walimuita na kumfanyia mahojiano nahodha wa England na Chelsea.

Wapelelezi kutoka Hammersmith na Fulham walimfanyia mahojiano nyumbani kwa Terry Ijumaa iliyopita.

Terry anatuhumiwa kumtolea maneno ya kibaguzi Ferdinand wakati Chelsea walipofungwa na Queens Park Rangers mwezi uliopita.

Polisi wanaendelea kuuchunguza mkanda wa video wa mchezo uliofanyika katika uwanja wa Loftus Road.

Terry, ambaye pia anashatakiwa na FA, amekataa kwamba alimtukana mlinzi wa QPR lakini amekiri alitumia maneno ya kuudhi.

Alisisitiza alitoa maneno aliyoyatoa Ferdinand ameyatafsiri vibaya lakini hakuwa amemaanisha kumbagua. John Terry anaamini kamati ya FA itakayochunguza kesi yake ndio itakuwa nafasi pekee kwake kusafisha jina lake.

NGORONGORO HEROES KWENDA BOTSWANA KESHO

Kikosi cha wachezaji 20 wa timu ya Taifa kwa vijana chini ya miaka 20 (Ngorongoro Heroes) na viongozi watano kinatarajia kuondoka kesho (novemba 30 mwaka huu) kwa ndege ya PrecisionAir kwenda Gaborone, Botswana.

Ngorongoro Heroes itaondoka saa 20.20 usiku kupitia Johannesburg, Afrika Kusini kwenda huko kushiriki michuano ya umri huo ya Baraza la Vyama vya Mpira wa Miguu Kusini mwa Afrika (COSAFA). Michuano hiyo itafanyika kuanzia Desemba 1-10 mwaka huu ikishirikisha timu za mataifa 11 wanachama wa COSAFA na Tanzania inayoshiriki kama mwalikwa.

Wachezaji watakaoondoka ni Saleh Malande (Simba), Jackson Wandwi (Azam), Hassan Kessy (Mtibwa Sugar), Khamis Mroki (Mtibwa Suagr), Issa Rashid (Mtibwa Sugar), Said Samir (Kagera Sugar), Samuel Mkomola (Azam), Frank Domayo (JKT Ruvu Stars) na Omega Seme (Yanga).

Wengine ni Atupele Green (Yanga), Jerome Reuben (Moro United), Simon Happygod (Azam), Ramadhan Singano (Simba), Abdallah Hussein (AFC), Rajab Mohamed (Moro United), Amani Kyata (TSA), Edward Shija (Simba), Emily Josiah (TSC Mwanza), Frank Sekule (Simba) na Hassan Dilunga (Ruvu Shooting Stars). Ngorongoro Heroes iko kundi C pamoja na Zambia, Afrika Kusini na Mauritius na itacheza mechi yake ya kwanza Desemba 2 mwaka huu dhidi ya Zambia.

Mechi ya pili itakuwa Desemba 4 mwaka huu dhidi ya Afrika Kusini wakati ya mwisho katika hatua hiyo ya makundi ni dhidi ya Mauritius itakayochezwa Desemba 6 mwaka huu. Msafara wa timu hiyo unaongozwa na mjumbe wa Kamati ya Utendaji ya Shirikisho la Mpira wa Miguu Tanzania (TFF), Muhsin Balhabou. Wengine katika msafara huo ni Kocha Mkuu Kim Poulsen, Kocha Msaidizi Mohamed Rishard, Daktari wa timu Dk. Joakim Mshanga na kocha wa makipa Peter Manyika.

MILOVAN ASAINI MKATABA WA MIEZI SITA KUIFUNDISHA SIMBA..

KOCHA MPYA WA SIMBA MILOVAN CIRKOVIC AKISAINI MKATABA KWENYE HOTEL YA MOVEN PICK JIJINI DAR ES SALAAM.

HAPA AKIWA NA MWENYEKITI WA SIMBA ALHAJ ISMAIL ADEN RAGE.

MWENYEKITI WA KAMATI YA UFUNDI IBRAHIM MASOUD 'MAESTRO ' ALIKUA SHUHUDA WA TUKIO HILO.

Ibrahimovic Afikisha mabao 100 nchini Italia.

HILI NI MOJA YA KATI YA MABAO MAZURI NILIYOWAHI KUYAONA, IBRAHIMOVIC ALIFUNGA BAO HILI WAKATI HUO AKIWA AJAX AMSTERDAM YA NCHINI UHOLANZI.

Juventus
(2004-2006)
Michezo 69

Mabao 23
Inter Milan
(2006-2009)

Michezo 88

Mabao 57

AC Milan
(2010-present)

Michezo 38

Mabao 21

JUMLA

MICHEZO 196

MABAO 101

LIGI KUU YA ENGLAND KWENYE NAMBA -JOHN TERRY MLINZI ALIYEFUNGA MAGOLI MENGI KWENYE EPL.

2: Swansea City wameruhusu magoli mawili tu katika uwanja wao wa nyumbani msimu huu, idadi ndogo zaidi katika Barclays premier league.

4: John Terry amefunga magoli manne msimu huu, magoli mawili zaidi ya walinzi wote katika epl.

5: Wolves sasa wamepoteza mfululizo mechi tano za ugenini, baada ya kufungwa na 3-0 na Chelsea.

5: Liverpool wanabakia kuwa unbeaten katika uwanja wa Anfield lakini sasa wamedroo mechi tano baada ya kutoka sare na City.

6: Golikipa wa Swansea City Michel Vorm sasa amefanikiwa kupata clean sheets 6, zaidi ya kipa yeyote kwenye epl msimu huu.

11: Sergio Aguero amekuwa akifanyiwa substitution katika mechi 11 za EPL ambazo alianza msimu huu. Idadi kubwa kuliko mchezaji yoyote msimu huu.

19: Japokuwa walipata sare ya 1-1 @Old Trafford, Newcastle hawajaifunga Manchester United katika majaribio 19.

26: Fulham hawajawahi kuifunga Arsenal kwao. Droo waliyopata ya 1-1 at Emirates Stadium ndio ilikuwa mechi yao ya kwanza kupata japo pointi kotoka kwa Gunners katika mechi 26.

28: Ushindi wa Tottenham wa 3-1 dhidi ya West Bromwich Albion uliwafanya kuifikisha pointi 28 kutoka 30 walizotakiwa kupata tangu walipopoteza mechizao mbili za ufunguzi.

535: Kabla ya kifo chake, Gary Speed alicheza katika mechi 535 za ligi kuu, mchezaji wa tatu nyuma ya Ryan Giggs na David James.

EXCLUSIVE: KOCHA MPYA WA SIMBA MILOVAN CIRKOVIC ALIPOWASILI BONGO JANA

Baada ya kuwasili nchini, kocha Mserbia Milovan Cirkovic akilakiwa na katibu mkuu wa klabu ya Simba Evodius Mtawala kulia, na mwenyekiti wa kamati ya Ufundi ya klabu hiyo Ibrahim Masoud "Maestro" na wa mwisho kushoto ni Jerry Yambi mjumbe wa kamati ya mashindano ya klabu hiyo.

Kocha Mserbia Milovan Cirkovic aliyewasili nchini jana usiku kwa mazungumzo ya kuinoa timu yake ya zamani Simba sports club mara baada ya kuwasili uwanja wa ndege wa Dar es salaam, ambapo alipokewa na mwenyekiti wa kamati ya ufundi ya klabu hiyo Ibrahim Masoud "Maestro" kulia, wengine ni daktari msaidizi Shindika na Kit Manager Kessy.

Milovan baada ya kuwasili nchini akijiandaa kuondoka uwanjani hapo sambamba na mwenyekiti wa kamati ya ufundi Maestro na daktari msaidizi wa timu hiyo Shindika, kulia ni kit manager Kessy

"Karibu tena Simba" Milovan na mwenyekiti wa kamati ya ufundi ya klabu ya Simba Maestro.

Gary Speed last interview on Football Focus 26th November 2011

SPURS HAWAKAMATIKI KWENYE EPL

Manchester United v Newcastle United by livermoore2

MAN UNITED YASHIKWA NA NEWCASTLE KWA PENATI YA UTATA

Manchester United v Newcastle United by livermoore2

BARCELONA WACHAPWA KWA MARA YA KWANZA IN LA LIGA

Getafe - Barcelona footyroom.com by footyroom

REAL MADRID SASA WAIPITA BARCA KWA POINTI 6

Real Madrid v Atletico Madrid by seputer22

ARSENAL NUSRA WATANDIKWE NA FULHAM

A-F footyroom.com by footyroom

STR8 INTER-COLLEGE BASH YAFUNIKA DAR