LIVERPOOL NA KUPOROMOKA KIUCHUMI

WAINGEREZA WANA MSEMO WAO USEMAO ‘ BE CAREFUL FOR WHAT YOU WISH FOR’ ,,, YAANI KUWA MAKINI NA UNACHOTAKA KWANI WAWEZA KUKIPATA HALAFU KIKAWA MATATIZO KWAKO .

HUU NI MSEMO AMBAO UNAWEZA KUWA SAHIHI KWA HALISI INAYOENDELEA KWENYE KLABU YA LIVERPOOL .

KWA WASIOFAHAMU LIVERPOOL NI MOJA YA KLABU KUBWA NCHINI ENGLAND . UMAARUFU WA LIVERPOOL HAUPO NDANI YA VISIWA VYA MALKIA TU BALI HATA BARANI ULAYA AMBAKO WEKUNDU HAWA NI MABINGWA WA KIHISTORIA WA MICHUANO MBALIMBALI BARANI HUMO IKIWEMO MICHUANO YA UEFA CHAMPIONS LEAGUE AMBAYO LIVERPOOL NI MABINGWA MARA TANO.

KABLA YA MANCHESTER UNITED KUTWAA UBINGWA WAKE WA 19 WA LIGI KUU NCHINI ENGLAND MSIMU ULIOPITA LIVERPOOL WALIKUWA MKONO KWA MGUU KWENYE KILELE CHA MATAJI YA LIGI HIYO TIMU ZOTE ZIKIWA ZIMETWAA UBINGWA MARA 18 NA KAMA SI KUFANYA VIBAYA KATIKA KIPINDI CHA MIAKA 20 BASI LIVERPOOL WANGEWEZA KUWA JUU YA UNITED KWANI MARA YA MWISHO KWAO KUTWAA HILO TAJI LA 18 ILIKUWA MWAKA 90 WAKATI WA LIGI YA ZAMANI .

LIVERPOOL PIA ILIKUWA TIMU YA KWANZA KWA ENGLAND KUWA NA MKATABA WA UDHAMINI WA JEZI , WAKIFANYA HIVYO MWAKA 1979 AMBAPO KAMPUNI YA VIFAA VYA UMEME YA HITACHI ILIINGIA MKATABA NA KLABU HII BAADA YA KUONA NAFASI YA KIBIASHARA KWENYE MCHEZO WA SOKA.

MASHABIKI WENGI WA LIVERPOOL WANALALAMA KUWA TIMU YAO IMEFANYA VIBAYA KATIKA KIPINDI CHA BAADA YA MWAKA 90 KWA KUWA MFUMO WA LIGI MPYA ULIWANYIMA NAFASI YA KUFANYA VIZURI . WASICHOTAMBUA MASHABIKI HAWA NI KWAMBA LIVERPOOL NDIO HASA TIMU ILIYOCHORA RAMANI YA MFUMO MPYA WA LIGI KUPITIA KWA ALIYEKUWA MWENYEKITI WAKE WAKATI HUO NOEL WHITE . WHITE ALIENDELEA KUWA KIONGOZI WA LIVERPOOL KWENYE NAFASI YA UKURUGENZI HADI MWAKA 2007 .

KIKUBWA AMBACHO MASHABIKI NA WAPENZI WA LIVERPOOL WANASHINDWA KUELEWA NI UKWELI KUWA TIMU YAO IMESHINDWA KWENDA NA NYAKATI MPYA ZA SOKA KWANI KIUKWELI KWA MUDA MREFU TIMU YAO PAMOJA NA KUWA MOJA YA WAJENZI WA LIGI KUU MPYA BADO IMENASA KWENYE SOKA LA ENZI ZILE.

KIONGOZI WA LIVERPOOL WAKATI LIGI MPYA INAANZA DAVID MOORES ALIJARIBU KUIJENGA UPYA LIVERPOOL LAKINI MAWAZO YAKE YALISHINDWA . MOORES ALIWALETA WAMILIKI WAPYA WA KLABU HIYO WAMAREKANI TOM HICKS NA GEORGE GILLET , WATU AMBAO ALMANUSRA WAITIE SHIMONI TIMU HII.

HIVI KARIBUNI MMOJA WA VIONGOZI WA KAMPUNI INAYOIMILIKI KLABU HII YA KIHISTORIA KAMPUNI YA FENWAY SPORTS GROUP AMETOA WAZO LA VILABU VYA LIGI KUU KUFANYA MAKUBALIANI BINAFSI KWENYE MIKATABA YA TELEVISHENI , KINYUME NA MFUMO WA SASA AMBAPO TIMU ZA LIGI KUU ZINAFANYA MAKUBALIANO YA HAKI ZA MATANGAZO YA TELEVISHENI KWA PAMOJA HUKU ZIKIGAWANA MAPATO KUTOKANA NA HESABU ZA MASOKO AMBAPO TIMU YENYE SOKO KUBWA NDIO HUPATA MGAO MKUBWA .

HILI NI WAZO ZURI AMBALO LINAWEZA KUZIKOMBOA BAADHI YA KLABU AMBAZO HAZINA SOKO KUBWA KIUSHABIKI LAKINI ZINA TIMU YA WATU WA MASOKO WENYE MIPANGO THABITI.

KWA LIVERPOOL AMBAO WAZO HILI LIMETOKA KUNAWEZA KUWA NA MADHARA MAKUBWA . LIVERPOOL PAMOJA NA UKUBWA WAKE KAMA KLABU BADI HAINA UWANJA KAMA WA ARSENAL AMBAO UNAIFANYA IWE NA UHAKIKA WA KUWA KWENYE HALI NZURI YA KIUCHUMI KWA MIAKA MINGI IJAYO . ENEO AMBALO LIVERPOOL IPO LEO HII NI ENEO AMBALO HALIVUTII KIUTALII NA ANGUKO LA KIUCHUMI LIMELIATHIRI JIJI HILI KULIKO MAHALI KOKOTE ULAYA .

HALI HII INAIFANYA LIVERPOOL KUWA MOJA YA KLABU AMBAZO HAZIFANYI VIZURI KIBIASHARA . UKIONGEZA UKWELI KUWA TIMU HII HAIJATWAA UBINGWA WA LIGI YA ENGLAND KWA MIAKA 20 NA NA KWA HALI YA LIGI KUU YA ENGLAND KWA SASA BADO HAINA UHAKIKA WA KUCHEZA LIGI YA MABINGWA AMBAYO THE REDS HAWAJACHEZA KWA MISIMU MIWLI SASA .

HAYA YOTE YANAIFANYA LIVERPOOL IPOTEZE MVUTO ILIYOKUWA NAYO WAKATI ULE ILIPOKUWA TIMU KUBWA NA HAPA NDIO LINAPOKUJA SWALI KUWA JE SOKO LA TELEVISHENI LITATOSHA KWA LIVERPOOL ENDAPO KILA TIMU ITAFANYA MAKUBALIANO YAKE YENYEWE , LIVERPOOL HAWANA BUDI KUWA WAANGALIFU KWA WANCHOTAKA KWANI KINAWEZA KUWA LAANA BADALA YA MBARAKA KWAO ?