LIVE MATCH CENTRE: TANZANIA 0 - 1 UGANDA (CHAN 2013) FULL TIME

Dk 90+5 FULL TIME! Taifa Stars 0-1 Uganda

Dk 90 mpira umeongezwa dakika 5. Taifa Stars 0-1 Uganda

Dk 87 Kiungo wa Uganda Kalanda anaumia na wakati huohuo Uganda inapata kona.

Dk 84 Iguma Dennis anamchezea faulo Mrisho Ngassa. Aggrey Morris anapiga faulo juu ya lango la Uganda. Taifa Stars 0-1 Uganda

Dk 81 YELLOW CARD! Majegwa Brian wa Uganda anaonyeshwa kadi ya njano baada ya kubishana na mwamuzi akipinga filimbi ya kumchezea faulo Bocco.

Dakika 79: Amri Kiemba anapoteza nafasi ya wazi ya kusawazisha akiwa amebaki yeye na mlinda lango 

Dk 79 Kelvin Yondani wa Taifa Stars anaokoa mpira wa hatari uliokuwa unaelekea katika lango la timu yale na mpira unakuwa kona ambayo inapigwa kisha inaokolewa na mabeki wa Taifa Stars.

Dk 76 Mchezo unaendelea na tayari wachezaji wawili wa Taifa Stars ambao ni Athuman Idd Chuji na Khamis Mcha wanapasha misuli moto.

Dk 75 Kabugo Savio wa Uganda anagalagala chini baada ya kuumia na mwamuzi  anasimamisha mchezo ili Kabugo atibiwe.

Dk 74. SUB; Uganda inafanya mabadiliko anatoka Edema Patrick anaingia Ntege Ivan

Dk 71 Ngassa anaisumbua ngome ya Uganda lakini David Luhende anashindwa kuuwahi mpira anaopigiwa na Ngassa.

Dk 63 SUB; Taifa Stars inafanya mabadiliko ametoka Mwinyi Kazimoto ameingia Haruna Chanongo.

Dk 56 Mpira unapasuka baada ya Bocco kupiga mpira na beki wa Uganda akataka kuuzuia.

Dk 54 timu zinashambuliana kwa zamu. Kiungo cha Taifa Stars kinazidi kupwaya.

Dk 46 GOOOOOO....! Iguma Dennis anaipatia Uganda bao la kwanza! Taifa Stars 0-1 Uganda

Dk 45 KIPINDI CHA PILI KIMEANZA

Dk 45 + 2 HALF TIME! Taifa Stars 0-0 Uganda.

Dk 43 Uganda wanakosa bao la wazi baada ya kuichambua ngome ya Taifa Stars lakini kipa Juma Kaseja anaudaka mpira uliopigwa na Kalanda.

Dk 41 Aggrey Morris anamchezea rafu Kalanda Frank.

Dk 38 Taifa Stars inapata kona. Kona inapigwa na inaokolewa na mabeki wa Uganda lakini kipa wa Uganda Muwonge Hamza anaumia na mpira unasimama kwa muda.

Dk 37 Mpande Joseph wa Uganda anakosa bao la wazi akishindwa kuunga pasi ya Kalanda Frank.

Dk 36 Uganda inapata kona! Inapigwa lakini Taifa Stars wanaokoa.

Dk 33 Aggrey Morris anapiga faulo safi inayotoka nje kidogo ya lango la Uganda.

Dk 32 Said Kyeyune wa Uganda amemchezea rafu Mwinyi Kazimoto.

Dk 31 YELLOW CARD! Wadada Nico wa Uganda anaonyeshwa kadi ya njano baada ya kumchezea rafu Ngassa.

Dk 27 Bocco anachezewa faulo na Kabugo Savio.

Dk 24 Kiungo wa Taifa Stars Amri Kiemba anaonekana amechoka sana na anashindwa kucheza katika kiwango chake cha siku zote.Swaumu inaweza ikawa sababu.

Dk 22 Mrisho Ngassa anaiwahi pasi nzuri ya Mwinyi Kazimoto na kupiga shuti kali langoni kwa Uganda lakini mpira unatoka nje.

Dk 20 Bocco anakosa mabao mawili ya wazi katika lango la Uganda baada ya kukosa umakini. Taifa Stars 0-0 Uganda

Dk 19 Aggrey Morris wa Taifa Stars anafanyiwa madhambi na Edema Patrick

.Dk 16 SUB: Uganda wanafanya mabadiliko ametoka Odur Tonny ameingia Kalanda Frank.

Dk 15 Viungo wa Taifa Stars wanakosa umakini mbele ya wenzao wa Uganda huku wakipoteza pasi nyingi.

Dk 13 Uganda wanatawala mpira hasa katika kiungo.

Dk 11: Odur Tonny wa Uganda ameumia na mpira unasimama kwa muda ili atibiwe. Odur ameumia nyonga na anaomba kutoka nje.

DK 5: Timu bado zinaendelea kushambuliana zamu kwa zamu. 

 DK 1: Mpira umeanza hapa uwanja wa taifa na timu zikicheza mchezo wa kusomana taratibu kiasi.

VIKOSI VINAVYOANZA LEO

Taifa Stars; Juma Kaseja, Erasto Nyoni, Shomari Kapombe, Aggrey Morris, Kelvin Yondani, Frank Domayo, Mwinyi Kazimoto, Salum Aboubakari 'Sure Boy', John Bocco, Mrisho Ngassa na Amri Kiemba.

Uganda; Muwonge Hamza, Waswa Hassan, Wadada Nico, Majegwa Brian, Kabugo Savio, Kasaga Richard, Iguma Dennis, Said Kyeyune, Mpande Joseph, Edema Patrick na Odur Tonny

TANZANIA VS UGANDA: JE TAIFA STARS ITAWEZA KUFUTA UTEJA NA KULIPA KISASI KWA UGANDA KWENYE MICHUANO YA CHAN???

Leo Jumamosi tarehe 13, July: Tanzania itapambana na Uganda kwenye uwanja wa taifa katika mchezo wa kugombea nafasi ya kushiriki kwenye michuano ya mataifa huru ya Afrika kwa wachezaji wanaocheza kwenye ligi za ndani. 

TAARIFA ZA TIMU YA UGANDA:

Uganda Cranes ilitua Bongo wakitokea kwao siku ya alhamisi. Kikosi cha wachezaji 18 na kufikia kwenye hotel ya Sapphire iliyopo katikati ya jiji la Dar es salaam wakionekana kuwa kwenye hali nzuri kuelekea kwenye mchezo wa leo katika dimba la uwanja wa taifa unaoweza kubeba mashabiki zaidi ya 55,000. 

Uganda wanatarajiwa kuchezesha wachezaji wengi wapya kwenye hatua hii ya kimataifa. Ukimuacha mlinzi Dennis Iguma na kiungo Wasswa Mawanda, ambao walicheza dakika zote 90 kwenye mchezo wa kugombea kwenda Brazil 2014 dhidi ya Liberia na Angola, wachezaji wote waliobakia bado hawajaonja utamu wa soka la kimatiafa. 

Hakuna beki wa kushoto asilia kwenye kikosi hiki cha Micho, ukizingatia mchezaji aliyeitwa kuja kucheza kwenye nafasi hiyo  Habib Kavuma, aliondolewa kikosini baada ya kugundulika kwamba alipewa kadi nyekundu kwenye mchezo wa 2011 CHAN dhidi ya Gabon. Hili linamuacha Micho Akibakiwa na mbadala Yusuf Mukisa, beki wa kulia ambaye hujaribu kucheza nafasi hiyo pia.

Wachezaji wengine ambao wana uzoefu kidogo na michuano ya CHAN ni Ayubu Kisaliita, Patrick Edema, Tonny Odur Hamuza Muwonge, ambao walicheza kwenye michuano ya CHAN iliyofanyika Khartoum, Sudan.

Kutokana kuwa ugenini - Micho anategemewa kuipanga timu yake huku akicheza mchezo wa kuzuia sana na kushambulia kwa kushtukiza. Uganda wanaweza kuanza kwa mfumo wa 4-2-1-3, baadae wakibadilika kuja 4-3-3 na 4-4-2 kadri muda unavyozidi kusogea.

MCHEZAJI WA KUCHUNGWA: Dennis Iguma

Dennis Iguma ameimarika sana kwenye kiwango chake, kujiamini kwake na namna anavyojua kucheza kitimu. Mchezaji huyu ambaye alitumia utoto wake kupata mafundisho ya soka kupita chuo cha soka cha Entebbe, anaweza kucheza popote uwanjani kwa kiwango kile kile anachocheza kwenye nafasi yake ya kawaida. 

Iguma, kwa sasa anaichezea klabu ya Sports Club Victoria University anategemewa kuwa mwiba mchungu kwa mabeki wa Stars wakiongozwa na Canavaro na Yondani.

TANZANIA:

Kocha wa Taifa Stars, Kim Poulsen amemrudisha kikosini beki wa kulia wa Yanga, David Luhende akitoa picha kwamba Shomary Kapombe beki halisi wa kulia atahamia upande wa kushoto. Hii inakuja baada kumpa mapumziko Nyoni ambaye alicheza ovyo kwenye mechi za kufuzu kombe la dunia dhidi ya Morocco na Ivory Coast.

Huku Uganda ikiwa ndio timu iliyo juu kisoka kwenye ukanda wa Afrika Mashariki, kocha wa Tanzania alizungumza na kusema yafuatayo."Utakuwa mchezo mgumu sana kwetu kwa sababu Uganda ni timu nzuri; tumekuwa hatuchezi vizuri sana dhidi yao katika mechi za hivi karibuni." 

Wakiwaondoa washambuliaji Mbwana Samata na Thomas Ulimwengu, ambao wanacheza TP Mazembe ya DR Congo, Taifa Stars itakuwa na wachezaji saba ambao walicheza kwenye mechi za kufuzu kombe la dunia 2014. 

MCHEZAJI WA KUCHUNGWA: Amri Kiemba

Kiungo huyo wa kimataifa wa Simba amekuwa na kiwango kizuri sana kuanzia msimu uliopita kwa Timu yake ya klabu na sasa kwenye timu ya taifa. Ana akili ya mpira, anatuliza mashambulizi na kupeleka mashambulizi kwa adui pamoja kuwatengenezea nafasi wenzie. Ikiwa atacheza kwenye kiwango chake cha juu basi Uganda watapata taabu sana kumchunga Kiemba asiweze kuwadhuru.

TIMU ZINAZOWEZA KUANZA

CRANES  XI (4-2-1-3):

                            Hamuza Muwonge (GK)

Nicolas Wadada - Savio Kabugo - Richard Kasagga - Yusuf Mukisa

                           Hassan Wasswa (Captain) -Dennis Iguma

                                    Joseph Mpande

               Tonny Odur -Patrick Edema - Ronald Muganga

TANZANIA XI (4-3-3)

                             Juma Kaseja (GK)- Captain

Shomari Kapombe - Yondan - Nadir 'Canavaro' Haroub - David Luhende

                           Sure Boy - Frank Domayo

                                   Mwinyi Kazimoto

               Mrisho Ngassa-John Bocco - Amri Kiemba

JE WAJUA ?

- Mpaka kufikia 12th July 2013, Uganda inashika nafasi ya 80 katika listi ya timu bora duniani ya FIFA - wakati Tanzania ikishika nafasi ya 121 na pointi 271.

- Uganda Cranes ilifuzu kucheza 2011 CHAN Championships jijini Khartoum, Sudan kufuatia kuifunga Tanzania nyumbani na ugenini.

- Uganda ilifunga goli moja katika CHAN iliyopita iliyofanyika Sudan. Ibrahim Saddam Juma alifunga goli dakika ya 77 dhidi ya Gabon.

- Kocha wa Uganda, atakuwa anaiongoza UG kwa mara ya nne tangu amrithi Bobby,  ameshacheza dhidi ya Libya katika mechi ya kirafiki na kufungwa 3-0, akaja kushinda 1-0 na 2-1 dhidi ya Liberia na Angola katika mechi za kufuzu kombe la dunia 2014.

Tanzania iliwahi kushirikia michuano hii wakati tu ilipoanzishwa na kufanyika nchini Ivory Coast.

UTABIRI WETU

Tanzania 2-1 Uganda

Wewe una utabiri gani?

BREAKING NEWS: SIMBA YAIPIGA BAO YANGA - YAMSAJILI MFUNGAJI BORA WA KAGAME HAMIS TAMBWE KWA MIAKA 2

Klabu ya Simba ya Dar es Salaam imefanikiwa kumsajili mfungaji bora wa michuano ya Kagame Cup 2013 Hamis Tambwe kutokea Vital O ya Burundi.

Tambwe ambaye pia alikuwa akiwania na mabingwa wa Tanzania bara Yanga, amesaini mkataba wa miaka miwili wa kuitumikia Simba.

Tambwe amesaini mkataba huo mbele ya mwenyekiti wa kamati ya usajili ya Simba. 

REAL MADRID WAMSAJILI RASMI MRITHI WA XABI ALONSO KWA ADA YA UHAMISHO WA £33.6m - ANGALIA VIDEO YAKE

Real Madrid wamekamilisha usajili wa kiungo wa Real Sociedad Asier Illarramendi kwa ada ya uhamisho wa £33.6m - Illarramendi ni kiungo wa timu ya taifa ya Spain chini ya umri wa miaka 21 na anatajwa kuwa ndio mrithi wa  Xabi Alonso.

Mhispania huyo amehamia Bernabeu kufuatia kucheza kwa kiwango kikubwa sana kwenye michuano ya Euro Under 21 mwezi uliopita. 

ANGALIA NAMNA ANAVYOFANANA KIUCHEZAJI NA ALONSO Real Madrid tayari imeshamsajili Daniel Carvajal, Isco na Casemiro kabla ya ujio wa kocha Carlo Ancelotti kutoka PSG, hivyo usajili wa Illarramendi unakuwa wa kwanza kufanyika chini ya kocha huyo muitaliano.

Illarramendi ana sifa za uchezaji kama ilivyo kwa kwa kiungo wa zamani wa Liverpool Xabi Alonso na anatajwa kuwa ndio mtu anayeandaliwa kumrithi Alonso kwenye timu ya taifa na sasa Real Madrid.

'SASA MMEIVA VIZURI KABISA - TUPENI RAHA WATANZANIA' - TENGA AWAAMBIA TAIFA STARS

Rais wa Shirikisho la Mpira wa Miguu Tanzania (TFF), Leodegar Tenga amesema kikosi cha Taifa Stars sasa kina uwezo wa kushindana katika mashindano yoyote, kwani tayari kimeiva.

Akizungumza na wachezaji wa timu hiyo kambini kwao hoteli ya Tansoma, Dar es Salaam, Rais Tenga aliwaambia kuwa kiwango walichoonesha kwenye mechi zilizopita za mchujo za Kombe la Dunia dhidi ya Morocco na Ivory Coast kimethibitisha hilo.

“Kiwango mlichoonyesha katika mechi hizo kila Mtanzania anayewafuatilia amekiona, hivyo hatuna shaka kuwa mtatuwakilisha vizuri kwenye mechi ya kesho dhidi ya Uganda,” amesema Rais Tenga na kuwataka kupigana kwa ajili ya Tanzania.

Taifa Stars inayodhaminiwa na Kilimanjaro Premium Lager kesho (Julai 13 mwaka huu) saa 9 kamili alasiri Uwanja wa Taifa, Dar es Salaam itacheza na Uganda (The Cranes) katika mechi ya kwanza ya raundi ya mwisho kuwania tiketi ya kucheza Fainali za CHAN zitakazofanyika mwakani nchini Afrika Kusini.

Rais Tenga amesema TFF, mdhamini Kilimanjaro Premium Lager, Kamati ya Ushindi na Watanzania kwa ujumla wanawaunga mkono kwani wamekuwa wakiboresha kiwango chao kila wanavyozidi kucheza mechi tangu wake chini ya Kocha Kim Poulsen, Mei mwaka jana.

Wakati huo huo, Rais Tenga ameahidi kumpatia tiketi ya kwenda Uganda kwenye mechi ya marudiano mshabiki Wiseman Mwakyusa Luvanda anayetembea kwa miguu kutoka Mbeya kuja Dar es Salaam kushuhudia mechi ya kesho.

“Kama ni kweli anakuja kwa kutembea, huyu ameonyesha kiwango kikubwa cha uzalendo kwa timu ya Taifa, nitampatia tiketi ya kwenda Kampala kuishangilia Taifa Stars kwenye mechi ya marudiano,” amesema Rais Tenga.

…POULSEN, MICHO WATABIRI MECHI KALI

Makocha wa timu hizo Kim Poulsen wa Taifa Stars na Sredojvic Micho wa The Cranes wamesema mechi ya kesho itakuwa ngumu kwa vile kila mmoja amejiandaa kuhakikisha anafanya vizuri.

Wakizungumza na Waandishi wa Habari leo, makocha wote waliezea ubora wa wapinzani wao, lakini wakasisitiza kuwa wanaingia uwanjani kuhakikisha wanashinda ili kujiweka katika mazingira mazuri kwa ajili ya mechi ya marudiano itakayochezwa Kampala wiki mbili zijazo.

Kim alisema Uganda ndiyo inayoongoza kwa ubora wa viwango vya FIFA katika ukanda huu wa Afrika Mashariki na Kati, hivyo ni changamoto kwao ingawa wachezaji wake tayari wamejipanga vizuri kwa ajili ya mechi hiyo.

Naye Micho aliyefuatana na nahodha wake Hassan Wasswa alisema Taifa Stars imekuwa ikifanya vizuri tangu iwe chini ya Kim, na itakuwa na wachezaji tisa wa kikosi cha kwanza kinachocheza mechi za mchujo za Kombe la Dunia wakati kwa upande wake atakuwa na wachezaji wawili tu.

BAADA YA KUSHUKA DARAJA - AFRICAN LYON YATANGAZA KUPATA HASARA YA MILLIONI 180.3

TIMU ya soka ya African Lyon ya jijini Dar es Salaam imetangaza hasara ya sh. milioni 180.3 kutokana na ushiriki wake katika msimu uliopita wa Ligi Kuu Tanzania Bara.

Lyon ni miongoni mwa timu tatu zilizoshuka daraja kutoka katuika ligi hiyo kubwa ya soka nchini, nyingine ni Toto African na Polisi Moro.

Akizungumza na waandishi wa habari Dar es Salaam, Meneja wa Fedha wa Lyon, Ibrahim Salim, alisema timu yao imetumia zaidi ya sh. 388,614,500 kwa ajili ya maandalizi hadi michezo yake.

Salim alisema katika makusanya na matumizi yao, walilazimika kutumia kiasi cha sh. milioni 268.09 katika mzunguko wa kwanza, kabla ya kutumia sh. 123.6.

"Katika matumizi yote haya, fedha ambayo tumeiingiza kama klabu kupitia viingilio na vyanzo vingine ni sh. milioni 207.6, na hapo ndipo unapopata tofauti ya sh. milioni 180.3, ambayo ni hasara," alisema Salim.

Kwa upande wake, Mkurugenzi Mkuu wa Lyon, Rahim Kangezi, alisema soka ya Tanzania inaendeshwa kwa hasara huku wenye dhamana ya kusaidia wakiwa hawatendi haki kwa baadhi ya vipengele.

Kangezi alisema timu yake imeingia katika hasara ya sh. milioni 180.3 kutokana na uendeshaji, lakini bado wameshuka daraja, huku akisisitiza kuwa hakuna anayeshutumiwa kwa kushuka kwa timu hiyo.

"Unaweza kuona changamoto ambayo tunakumbana nayo katika uendeshaji wa taasisi kamam a hizi, tunapopiga kelele kwa wadhamini kutuwahishia fedha tunamaanisha.

"Angalieni mfano mdogo kwa fedha za wadhamini (Vodacom), ambazo awamu ya mwisho zimetufikia Mei mwaka huu, tukiwa tumebakiza mechi moja ya Ligi Kuu, sasa zingetusaidia katika nini? Alihoji mmiliki huyo.

Akizungumzia kuhusu uendeshwaji wa Ligi Kuu na changamoto walizokutana nazo, Kangezi alisema bado hakujakuwa na usimamizi mzuri katika kuhakikisha kuwa ligi hiyo inakuwa bora.

Katika hatua nyingine, Kangezi alisema timu yake inajivunia mafanikio waliyochangia kusogeza maendeleo ya soka nchini kutokana na kutoa nafasi kwa Mrisho Ngassa kwenda kujaribu soka ya kulipwa na kucheza katika kikosi cha Seattke Soundowns dhidi ya Manchester United.

"Tulifanikiwa pia kuileta timu kubwa ya Ligi Kuu ya Brazil (Atletico Parenese) kwa ziara ya kimichezo nchini, tulitoa wachezaji watano kwa ajili ya kujaribu soka ya kulipwa sambamba na kufanya semina mbili juu ya uongozi wa michezo," aliongeza.

PAMOJA NA KUFUNGWA 6 - 1 NA MAREKANI - WACHEZAJI WA TIMU YA TAIFA YA BELIZE WASEMA WALIKATAA RUSHWA YA $13000 YA KUPANGA MATOKEO

Kufuatia kipigo cha cha 6-1 kutoka kwa United States katika mechi yao ya kwanza ya makundi kwenye michuano ya Gold Cup,  wachezaji wengi wa kikosi kilichoanza cha timu ya taifa ya  Belize wamesema kwamba walifuatwa kwa ajili ya kupewa rushwa ili kupanga matokeo ya mchezo huo. Belize, ambao wapo katika mpango wa kukusanya kiasi cha $25,000 zinazotakiwa kwa ajili ya kuhudumia safari zao ndani ya USA wakati wa michuano hiyo, walifunga bao lao la kwanza kwenye dakika ya 40 ya mchezo baada ya Chris Wondolowski kuwafungia wenyeji mabao mawili ya kuongoza katika dakika ya 12 na 37.
Wondolowski baadae akaongeza bao la 3 kabla ya mapumziko na wachezaji wenzie wakaongeza mengine matatu katika kipindi cha pili, bao moja likifungwa na Landon Donovan kwa penati katika dakika ya 76.

Wachezaji wa Belize wamesema kwamba walikataa hongo ya kiasi cha €10,000($13,074) kwa kila mchezaji — wakitaka kulinda heshima ya nchi yao.

"(Mtoa rushwa) alianza kutuambia kwamba hatuna nafasi ya kuwafunga Marekani hivyo alitaka atupe kiasi cha pesa ili tubadilishe maisha yetu huko nyumbani Belize lakini tufanye atakavyo yeye kwenye mchezo dhidi ya Marekani," Mlinzi wa Belize Ian Gaynair aliiambia 7 News Belize.

Wachezaji hao wanasema walifuatwa kwa mara ya kwanza wakati wakiwa kwenye uwanja wa ndege wa Guatemala kabla ya kukutana tena na mtu huyo kwenye shopping mall ya Portland.

"Nilimuelewesha kwamba hatukuhitaji fedha zake kutoka kwake, na tulikuwa US kwa ajili ya kulinda heshima ya nchi yetu na sio vinginevyo," alisema golikipa wa Belize Woodrow West.

MESSI: NINA DENI KWA RONALDINHO - AMECHANGIA SANA KUNIFANYA KUWA MCHEZAJI BORA - NA BARCA KLABU BORA.

Lionel Messi amefunguka na kusema ana deni kubwa la shukrani kwa Ronaldinho kwa namna alivyoweza kumsaidia wakati anaingia kwenye kikosi cha kwanza cha Barcelona.

Mshindi huyo wa mara wa tuzo ya Ballon d'Or aliingia kwa mara ya kwanza kikosi cha kwanza cha Barca mwaka 2004, mwaka mmoja baada ya Dinho kuwasili Nou Camp akitokea Paris Saint-Germain.

Huu ni wakati Messi anasema hatokuja kuusahau kwenye maisha na anakiri ukarimu wa Ronaldinho pamoja na kuwa staa mkubwa kumliko ulimfanya azoee kwa haraka maisha ya kikosi cha wakubwa cha Barca. 

"Siku zote nimekuwa nikisema, siku tu nilipoingia chumba cha kubadilishia nguo Ronaldinho na wenzie Deco, Sylvinho na [Thiago] Motta walikaniribisha na kunipa baadhi ya vifaa, lakini zaidi ni Ronaldinho ambaye pia alinifundisha vitu vingi uwanjani na nje ya dimba," Messi aliiambia Barca TV. "Ulikuwa ni msaada mkubwa. Ni vigumu kuenda kwenye timu ya mastaa kama Ronaldinho na kupata ukarimu kama wake. Alifanya kila kitu kikawa rahisi kwangu. Nilikuwa na bahati kuwa karibu nae na kushea vitu vingi.

"Ninaweza kusema Ron ni mtu mzuri sana na hicho ndio kitu muhimu."
Ronaldinho aliiwezesha Barca kubeba makombe mawili ya Liga na Champions League wakati wa miaka yake mitano aliyoitumikia klabu hiyo ya Camp Nou na Messi anaamini kiungo huyo mwenye miaka 33 ana mchango mkubwa kwa mafanikio aliyonayo sasa.

"Ronaldinho ndio mtu aliyeleta mabadiliko makubwa kwenye klabu hii," anasema. "Klabu ilikuwa inapitia wakati mmoja m'baya sana lakini hali hiyo ilibadilika mara tu alipowasili. Msimu wake wa kwanza hatukushinda chochote lakini watu walimpenda sana. Baadae yakaja mataji na akawapa furaha watu wengi sana. 

"Sio mimi tu naamini Barcelona pia kama klabu haipaswi kuja kusahau mchango wake kwa vitu alivyoifanyia klabu hii."

MFANO WA KUIGWA: DROGBA KUJENGA HOSPTALI TANO NDANI YA IVORY COAST KWA AJILI YA WATOTO NA WANAWAKE

Kupitia taasisi yake ya kutoa misaada, nahodha wa Ivory Coast na gwiji wa Chelsea Didier Drogba atasaidia ujenzi wa kliniki tano za watoto na wanawake katika nchi yake. Tangazo hilo lilitolewa na katibu mkuu wa Didier Drogba Foundation Guy Roland Tanoh, ambaye alisema kwamba ujenzi wa kliniki hizo utafadhiliwa na Taasisi ya London galas pamoja na fedha Drogba mwenyewe.

Kutoka SuperSport:

Tanoh amesema kiasi cha 2.5 billion CFA francs ($5 million) kitatumika kuwekeza katika ujenzi wa kliniki hizo, huku zikijengwa katika miji mitano mikubwa ya nchi hiyo Abidjan, Yamoussoukro, Man, Korhogo na San Pedro.

“Drogba aliendesha mchango huko London na zikapatikana kiasi cha $ 2 billion CFA francs ($4 million),” Tanoh alisema. “Kiasi kilichobakia cha million francs ($1 million) hakitakuwa tatizo kuona ndoto ya mwenyewe Drogba ya kuona afya za wananchi wa Ivory Coast zinapewa kipaumbele.”

Drogba mara ya kwanza alitangaza mpango wake wa kujenga hospitali kubwa katika jiji la Abidjan mwaka 2009 akitumia fedha zote - kiasi cha £3 million ($4.5 million) alicholipwa na Pepsi. Lakini badala ya kujenga hosptali hiyo moja kubwa akaamua ambayo ingekuwa mjini tu, akaamua kujenga vituo vitano vya afya katika mikoa mingine ili kuweza kusambaza vizuri huduma za afya.

OFFICIAL: WANYAMA ASAINI RASMI SOUTHMPTON - AWA MKENYA WA KWANZA KUCHEZA EPL

Kiungo wa kimataifa wa Kenya amesajiliwa rasmi na klabu ya Southmpton ya England akitokea klabu ya Celtic ya Scotland.

Wanyama ambaye alikuwa akiwindwa na vilabu kadhaa ikiwemo Arsenal na Liverpool, amesaini mkataba wa miaka minne kuichezea Saint iliyonusurika kushuka daraja msimu uliopita.

Ada ya uhamisho wa Wanyama ambaye anakuwa mchezaji wa kwanza kutoka Kenya kucheza kwenye EPL, haijatajwa.

Baada ya kuthibitishwa kwa dili hilo la uhamisho Wanyama alitumia ukurasa wake rasmi wa Twitter na kuandika

KALI YA LEO: MTANDAO WA KUUZA BIDHAA ZA CHELSEA WATANGAZA KIMAKOSA BIDHAA ZA ARSENAL NDANI YA MTANDAO WAO

Kulikuwa na sura zisizo na furaha leo pale  Stamford Bridge asubuhi ya leo baada ya mtandao rasmi wa mauzo ya bidhaa za Chelsea huko USA kuweka tangazo la bidhaa za Arsenal kwenye mtandao huo. 

Mtandao huo ambao ni kama duka la online upo maalum kwa ajili ya mashabiki wa kimarekani wa Chelsea - leo mapema asubuhi uliweka tangazo la kuuza nguo za watoto zenye nembo kubwa ya Arsenal kwa bei ya $16.99, huku kukiwa na maelezo yafuatayo:

'The have won 13 First Division and Premier League titles and 10 FA Cups. They are your Gunners. Show your support in this cool, unique tee. 100% cotton tee with a tagless design for added comfort.'

Lakini baada ya muda kidogo tangazo hilo lilitolewa na inaaminika lilikuwa ni kosa la kampuni ya Sports Endevours, ambayo ndio inaendesha maduka ya online ya vilabu vya Arsenal na Chelsea huko USA, ingawa pia kumekuwepo na taarifa kwamba kulikuwepo na mchezo wa 'hacking' uliofanywa na wahuni wa internet. Lakini unaweza kuliona tangazo kama hilo kwenye  mtandao huu Arsenal USA store.

KURUDI KWA LUKAKU - JE CHELSEA INAMUHITAJI BENTEKE? KUONDOA UTEGEMEZI KWA BALE - SPURS LAZIMA ISAMJILI BENTEKE

Baada ya kuwa na msimu mzuri wa kwanza katika  Premier League, hatma ya Christian Benteke ndani ya Aston Villa haieleweki baada ya kuomba kuuzwa rasmi huku akiwa na matumaini ya kwenda klabu kubwa zaidi. Sio kusema kwamba Aston Villa sio klabu kubwa lakini ukubwa unaotazamwa siku hizi ni ule wa pochi la kulipa mishahara mikubwa na kusajili mastaa wenye majina makubwa. Lakini je Benteke ni mchezaji wa daraja la kiasi hicho?

Akisajiliwa kwa kiasi cha £7m wakati wa dirisha kubwa la usajili msimu uliopita, wengi walidhani Aston Villa wamelipa fedha nyingi  kwa mshambuliaji huyo wa Kibelgiji, lakini Banteke amethibitisha thamani yake baada ya kufunga mabao 19 katika premier league - 14 kati ya hayo ameyafunga ndani ya miezi 5 ya mwaka 2013, mengi kuliko mchezaji yoyte wa premier league.

Aston Villa tayari wameshesema kwamba Benteke ataondoka kwenye klabu hiyo ikiwa tu watapata fedha inayostahili, ambayo inatajwa kuwa ni zaidi ya £20m. Umuhimu wa Benteke kwa Villa sio kitu cha kushangaza kwa kuwa mchezaji huyo alifunga asilimia 40 ya mabao yote ya Villa msimu uliopita na kuwasaidia wasishuke daraja. 

Timu zinazoripotiwa kuvutiwa na kumsajili Benteke ni Chelsea na Tottenham, ambao wote wanataka kuboresha safu zao za ushambuliaji kabla ya msimu mpya.

Hatma ya Torres na Demba Ba ndani ya Chelsea haijaeleweka huku tetesi zikisema wanaweza wakaondoka kwenye klabu hiyo baada ya kuhangaika kucheza kwenye kiwango kwa muda mrefu, lakini huku Lukaku akirejea darajani akitokea West Brom alipokuwa kwa mkopo - ni kweli Benteke anahitajika ndani ya Stamford Bridge?

Wabelgiji hawa wawili kila siku wamekuwa wakifananishwa wakiwa wanagombea nafasi ya kucheza kama mashambuliaji kwenye timu y taifa, lakini ni vigumu sana kuamua yupi bora zaidi ya mwenzake.

Ukijaji kwa kupitia msimu uliopita, Benteke alimfunika Lukaku kwenye ligi kwa mabao 19 dhidi ya 17 na alikuwa mshambuliaji namba moja kwenye timu ya taifa wakati wote wa michuano ya kugombea kufuzu kucheza kombe la dunia. Lukaku ingawa alianza michezo kadhaa.

TAKWIMU ZINASEMAJE KUHUSU WACHEZAJI HAWA WAWILI

Lukaku aliweza kufunga goli kila baada ya dakika 118 ukilinganisha na Benteke ambaye aliweza kufunga goli kila baada ya dakika 149. Lukaku pia aliweza kupiga mashuti mengi golini - yaliyolenga lango na yaliyotoka nje (47 and 34), huku mashuti yaliyolenga lango akipiga moja kila baada ya dakika 43 wakati mashabiki wa Villa iliwalazimu kusubiri dakika 66 kuona shuti la Benteke likilenga lango - nii kwa kiasi inaonyesha namna watu hawa wawili wanavyotofautiana.

Lukaku anaweza kwenda pembeni wakati wa mashambulizi jambo ambalo litaipa uhuru nafasi ya kiungo - labda kumpa uhuru mtu kama Lampard kuingia ndani ya box - na hili linaweza kuonekana wakati akiwa na West Brom ambapo aliweza kupiga krosi 58. Benteke pia anaweza kufanya hivi, lakini siokwa kiasi kikubwa kama Lukaku - msimu uliopita aliweza kupiga krosi 11 tu kuingia ndani ya box.

Tottenham wanakuja kuanza kumtaka Benteke baada ya kumkosa mshambuliaji  David Villa wakiwa wanamtafuta mfungaji halisi na sio kumtegemea Gareth Bale peke yake - wakiwa na washambuliaji wawili tu halisi ndani ya kikosi. 
 

Jermaine Defoe alianza vizuri msimu uliopita lakini alifunga bao 1 tu ndani ya miezi 5 ya mwaka 2013, wakati Adebayor ni kivuli cha mchezaji aliyekuwa Spurs kwa mkopo kabla ya kusajiliwa moja kwa moja. Mtogo huyo alifunga mabao 17 na kutoa assists 11 katika msimu wa 2011/12, wakati kwenye msimu uliopita alifunga mabao 5 na kutoa assist 1.

Kukosekana kwa mabao kutoka kwa washambuliaji msimu uliopita kulipelekea Tottenham kukosa nafasi kwenye Champions League, kitu ambacho Benteke angeweza kuwasaidia. Mchezaji huyo wa Villa alikuwa na wastani wa  26% kutumia nafasi za kufunga nyingi kuliko Adebayor aliyekuwa na wastani wa asilimia 17.

Wakati Christian Benteke akiwa amewavutia watu wengi kwenye Premier League mpaka sasa, mashaka juu yake yataendelea kuwepo mpaka pale atakapoendeleza mauaji yake ndani ya msimu ujao na kuthibitisha hakubahatisha msimu uliopita. 

Huku Lukaku akirejea na wakiwa fedha za kutumia, Chelsea wataongeza mshambuliaji mwingine kwenye kipindi hiki cha kiangazi. Tottenham nao wanaweza wakawa chaguo sahihi kabisa kwa Benteke ambaye atakuwa akicheza katikati ya mawinga Bale na Lennon ambao kwa hakika watamsaidia sana kung'ara kuliko alivyokuwa Villa lakini hilo litatokea ikiwa tu watalipa fedha ambayo Villa wanaitaka.

MAN UNITED NJIANI KUMPOTEZA THIAGO ALCANTARA: PEP GUARDIOLA ATHIBITISHA KUMTAKA

MANCHESTER UNITED wapo njiani kupoteza nafasi ya kumsaini mchezaji wa Barcelona Thiago Alcantara baada ya kocha wa Bayern Munich Pep Guardiola kusema kwamba: “Namtaka Thiago hapa Bayern Munich.”

Kiungo huyo mwenye miaka 22 amekuwa kwenye tetesi za kuhusishwa kujiunga na United kwa muda mrefu sasa.
Lakini sasa anaweza akabadili mawazo na kwenda kujiunga na kocha ambaye alimtambulisha kwenye soka la kimataifa wakati akiwa na Barca.
Guardiola alisema: “Namataka Thiago Alcantara. Nimewaambia Bayern wafanye kila kitu kumsajili lakini sijui nini kitatokea.
“Thiago ni mchezaji pekee ninayemhitaji, hilo ndilo nililowaambia.
“Nimsajili yeye au nisisajili kabisa. Tuna wachezaji wengi lakini tunahitaji ubora wa ziada ambao Thiago Alcantara atauleta.
“Namfahamu Thiago vizuri sana. Nimeongea na mwenyekiti Rummenigge na mkurugenzi wa ufundi Sammer kuhusu kumsajili, sasa tusubiri tuone nini kitatokea.
“Sidhani kuongeza kiungo mwingine kutaleta tatizo kwetu. Nimeongea na klabu kuhusu mpango/wazo wangu na sababu za kumhitaji Thiago.
“Nimewapa mawazo yangu, ;alini naisikiliza bodi itasemaje. Wakikataa pia ni sawa.”

MKUTANO MKUU WA TFF KWA MAREKEBISHO YA KATIBA: WAJUMBE WAANZA KUWASILI DAR TAYARI KWA MKUTANO JUMAMOSI

Wajumbe wa Mkutano Mkuu Maalumu wa Shirikisho la Mpira wa Miguu Tanzania (TFF) utakaofanyika Jumamosi (Julai 13 mwaka huu) wanawasili jijini Dar es Salaam kesho (Julai 12 mwaka huu).

Mkutano huo wa marekebisho ya Katiba utakuwa chini ya uenyekiti wa Rais wa TFF, Leodegar Tenga na utafanyika ukumbi wa NSSF Waterfront kuanzia saa 3 kamili asubuhi. Wajumbe wote wa mkutano huo watafikia hoteli ya Travertine.

Pia mkutano huo utahudhuriwa na wageni mbalimbali waalikwa wakiwemo kutoka Shirikisho la Kimataifa la Mpira wa Miguu (FIFA) na Chama cha Mpira wa Miguu Zanzibar (ZFA).

UGANDA CRANES YAWASILI KUIKABILI STARS

Timu ya Taifa ya Uganda (The Cranes) imewasili Dar es Salaam leo tayari kwa mechi ya kwanza ya mchujo kusaka tiketi ya Fainali za Afrika kwa Wachezaji wa Ligi ya Ndani (CHAN) kati yake na Tanzania (Taifa Stars) itakayochezwa Jumamosi Uwanja wa Taifa, Dar es Salaam.

The Cranes inayofundishwa na Mserbia Sredojvic Micho imetua Uwanja wa Ndege wa Kimataifa wa Julius Nyerere (JNIA) saa 5.30 asubuhi kwa ndege ya Air Uganda, na imefikia hoteli ya Sapphire.

Timu hiyo leo (Julai 11 mwaka huu) itafanya mazoezi saa 9 alasiri kwenye Uwanja wa Karume, wakati kesho saa 9 alasiri itafanya mazoezi Uwanja wa Taifa, kabla ya kuipisha Taifa Stars itakayoanza mazoezi saa 10 kamili jioni.

Taifa Stars inayofundishwa na Mdenmark Kim Poulsen, na kudhaminiwa na Kilimanjaro Premium Lager, leo kwa mujibu wa program yake haitakuwa na mazoezi.

Wachezaji wanaounda The Cranes ni makipa Ismail Watenga, Kimera Ali na Muwonge Hamza. Mabeki ni Guma Dennis, Kasaaga Richard, Kawooya Fahad, Kisalita Ayub, Magombe Hakim, Malinga Richard, Mukisa Yusuf, Savio Kabugo na Wadada Nicholas.

Viungo ni Ali Feni, Birungi Michael, Frank Kalanda, Hassan Wasswa, Kyeyune Said, Majwega Brian, Mpande Joseph, Muganga Ronald, Ntege Ivan, Owen Kasule, wakati washambuliaji ni Edema Patrick, Herman Wasswa na Tonny Odur.

MFANYA BIASHARA NDOGONDOGO ATANGAZWA MSHINDI WA DROO YA TATU YA WINDA NA USHINDE YA BIA YA SERENGETI

Meneja wa bia ya Serengeti Allan Chonjo(katikati) akiongea na wana habari wakati wa kumtangaza mshindi wa droo ya tatu ya Winda na Ushinde ambaye ni Bi Blanca Mariki, katika ofisi za Kampuni ya Bia ya Serengeti jana jijini Dar es Salaam, akiwa pamoja na wadau wengine wa droo hiyo Meneja mauzo  wa Push Mobile Rugambo Rodney(kulia) na Afisa mwandamizi kutoka PWC Daniel Nnko (kushoto).

Meneja wa bia ya Serengeti Allan Chonjo akiongea na mshindi wa droo ya tatu ya Winda na Ushinde kwa njia ya simu, huku akishuhudiwa na Afisa Mkaguzi kutoka Bodi ya Michezo ya Bahatinasibu Tanzania Emmanuel Ndaki(wa kwanza kushoto), Afisa mwandamizi kutoka PWC Daniel Nnko(wa pili kushoto) na Meneja mauzo  wa Push Mobile Rugambo Rodney(kulia), katika mkutano na waandishi wa habari uliofanyika jana katika ofisi za Kampuni ya Bia ya Serengeti jijini Dar es Salaam.

Allan Chonjo ambaye ni Meneja wa bia ya Serengeti akiongea na Blanca Mariki(mshindi wa droo ya tatu ya Winda na Ushinde) kwa njia ya simu katika ofisi za Kampuni ya Bia ya Serengeti jana jijini Dar es Salaam. 

Akitoa maelezo kwa wana habari kuhusiana na droo ya tatu ya Winda na Ushinde Meneja wa bia ya Serengeti Allan Chonjo akiwa na wadau wengine walioshiriki katika droo hiyo jana katika ofisi za Kampuni ya Bia ya Serengeti jijini Dar es Salaam

MESUT OZIL: MBINU ZA ZIDANE KWENYE VIDEO ZAKE ZA 'YOUTUBE' ZIMENIJENGA KISOKA

Kiungo wa Real Madrid Mesut Ozil amezungumza na kusema alikuwa akitumia masaa mengi kujifunza mbinu za soka kiungo wa zamani wa timu hiyo Zinedine Zidane kupitia mtandao wa YouTube

Mchezaji huyo wa kijerumani ambaye mbinu zake na ufundi uwanjani umekuwa ukifananishwa na Zidane kwa kiasi fulani amesema kwamba mbinu zake nyingi za soka amejifunza kupitia kiungo huyo wa zamani wa Ufaransa.

"Nilimuona mara ya kwanza Zizou [Zidane] katika World Cup nchini France, mwaka '98," anaelezea kiungo huyo mwenye miaka 24 katika mahojiano yake na Sport. "Kutokea wakati ule niliendelea kumfuatilia kupitia video zake akiichezea Madrid au Ufaransa.
"Mara nilipoona akifanya jambo jipya nilikuwa naenda uwanjani na kuiga, mara zote nilikuwa nafungua youtube kisha natafuta video zake mpya kujifunza zaidi."

Ozil atapata nafasi ya kufanya kazi kwa ukaribu kabisa na shujaa wake Zidane msimu ujao, baada ya mkurugenzi huyo wa soka wa Madrid kuthibitishwa kuwa kocha msaidizi wa Carlo Ancelotti.