SIMBA YAITANDIKA OLJORO MABAO 2:0

Nyota wa Kimataifa wa Uganda, Emmanuel Okwi


amekihakikishia kikosi chake cha Simba, makazi ya


kudumu, kileleni mwa Ligi Kuu Tanzania Bara, baada


ya kufunga magoli mawili yaliyoipa ushindi wa 2-0,


dhidi ya JKT Oljoro.
Okwi raia wa Uganda, aliyeingia mwanzoni mwa


kipindi cha pili katika dakika ya 46, kuchukua nafasi


ya Kago Gervais.
Alifunga magoli hayo, la kwanza dakika ya 59,


kutokana na krosi ya Uhuru Suleiman, bao la pili,


alilifunga dakika 83 pasi ilitoka tena kwa Uhuru,


aliyepapokea pasi ya Patrick Mafisango.
Kuingia kwa Okwi ambaye hakuwa katika maandalizi ya pamoja na kikosi hicho kwa muda mferu kutokana na kupatwa matatizo nchini mwake ni baada ya


Haruna Moshi 'Boban' kuonyeshwa kadi nyekundu


dakika ya 44 na kuifanya safu ya ushambuliaji kupwaya.
Boban alipewa kadi hiyo ya moja kwa moja na


mwamuzi, Isihaka Shirikisho kutoka Tanga kwa kosa


la kumrudishia rafu beki wa Oljoro, Omary Mtaki


ambaye awali ndiye alianza kwa kumpiga kichwa.
Alifanya hivyo kutokana na kushindwa uvumilivu,


kutokana na rafu za mara kwa mara alizokuwa


akichezewa, awali alipigwa kichwa na Karage


Mgunda kabla ya hiyo ya pili.
Katika mchezo huo, ambao Oljoro inayosifika


kucheza safi, haikuonyesha kiwango cha juu na


kuwafanya Simba, watawale mchezo huo hasa


kipindi cha pili.
Bakari Kigodeko wa Oljoro itabidi ajutie nafasi za


wazi alizopoteza, dakika ya 62 na 70, aliingia ndani


ya 18 langoni mwa Simba, lakini akakosa maamuzi


na mipira yote kunyang'anywa na mabeki wa Simba.
Kocha mkuu wa Simba, Milovan Cirkovic


ameuzungumzia mchezo huo ulikuwa mgumu, lakini


akasifu kiwango cha wachezaji wake.
Kutokana na kadi nyekundu ya Boban, Milovan


alisema; ''Boban hakustahili kadi nyekundu,


mwamuzi angeweza kumpa njano.''
Ally Kidi ambaye ni kocha wa JKT Oljoro aliwasifu


pia, nyota wake walicheza kiwango cha juu


kulingana na mazingira ya Uwanja wa Taifa.
''Wamejitahidi, kucheza katika Uwanja mkubwa


kama huu na mara ya kwanza ni kazi kwa vijana


wangu, kwani ni mara ya kwanza,''alisema Kidi.
Simba itaongoza ligi kwa pointi 34, Yanga ya pili ina 31 na Azam FC ni ya tatu ina 29, timu hizo zimecheza mechi 15 kila moja.




Simba
1 Juma Kaseja
2 Said Nassoro 'Cholo'
3 Amir Maftah
4 Shomari Kapombe
5 Kelvin Yondan
6 Jonas Mkude
7 Uhuru Suleiman / Ramadhan Singano dk 88
8 Mwinyi Kazimoto
9 Kago Gervais / Okwi dk 46
10 Haruna Moshi 'Boban'
11 Patrick Mafisango




JKT Oljoro
1 Said Lubawa
2 Omary Mtaki
3 Ally Omary
4 Omary Mtaki
5 Marcus Ndeheli
6 Ally Mkanga
7Karage Mgunda / Meshack Nyambele dk 65
8 Sunday Paul
9 Bakari Kigodeko
10 Amiry Omary
11Rashid Nassoro