JUAN MATA KUWASILI LONDON LEO KWA AJILI YA VIPIMO

Juan Mata anatarajiwa kuwasili London leo baadae kwa ajili ya kufanyiwa vipimo vya afya na klabu ya Chelsea.

Chelsea jana usiku walifanikiwa kukubaliana bei ya £26million kumnunua Mata kutoka Valencia.

Mata, ambaye amefunga mabao 36 katika misimu minne akiwa Valencia, anategemewa kusaini mkataba wa miaka 5 wa kuwepo ndani ya jeshi la Andre Villas Boas lenye maskani yake jijini London – Stamford Bridge.

Endapo atafanikiwa kufaulu vipimo, Mata anaweza kuanza kuitumikia Chelsea akiwa na mhispania mwenzie Fernando Torres wakiwa darajani katika mechi dhidi ya Norwich wikiendi hii.

Wakithibitisha dili hilo jana usiku, Valencia walisema kupitia website yao: “Valencia Football Club imefikia makubaliano na Chelsea FC kwa ajili ya uhamisho wa mchezaji Juan Manuel Mata.

“Makubaliano yamekamilika kilichobakia ni vipimo vya afya.”