USHIRIKIANO WA MERTESACKER NA KOSCIENLY WATIMIZA MIAKA MIWILI BILA KUFUNGWA KILA WANAPOCHEZA PAMOJA NDANI YA DAKIKA 90

Beki wa klabu ya Arsenal Per Mertesacker amefunguka na kusema wale watu wote waliokuwa na mashaka juu ya uwezo wake pamoja na beki mwenza wa kati wa Gunners hawakuwa sahihi baada ya ushirikiano wake na Laurent Koscienly kutimiza miaka miwili bila kufungwa katika premier league kila wanapocheza pamoja.

Ushirikiano wa mabeki hao wawili wa kati sasa umetimiza jumla ya mechi 32 za premier league bila kufungwa kila wanapocheza pamoja.

Rekodi zinaonyesha tangu walipofungwa 2-1 na Manchester United katika dimba la Emirates January 22, 2012, wawili hao hawajapoteza mechi yoyote waliyocheza pamoja.

Hata hivyo, takwimu zinaonyesha kwamba rekodi yao ilitiwa doa  katika mchezo dhidi ya Manchester City waliofungwa 6-3 - lakini hawakucheza pamoja kwa dakika zote tisini, Koscielny alitolewa nje kabla ya mapumziko, pia katika mchezo dhidi ya Aston Villa ambao pia walifungwa 3-1, beki wa kifaransa alitolewa nje kwa kadi nyekundu baada ya dakika 25 za mchezo.