BREAKING NEWS: ARSENAL WATUMA OFA YA £10M KWA NEWCASTLE KWA AJILI YA CABAYE

Arsenal wametuma rasmi ofa ya £10m kwa Newcastle kwa ajili ya kiungo Yohan Cabaye, kwa mujibu wa shirika la utangazaji wa Uingereza BBC.
Mpaka sasa Newcastle hawajaikataa rasmi ofa hiyo kwa ajili ya kiungo huyo mwenye miaka 27, lakini inaaminika wataikataa ofa hiyo ikizingatiwa PSG walitoa ofa ya kiasi kinachokaribiana na hicho. 

Arsenal, ambao walifungwa mechi yao ya ufunguzi wa ligi 3-1 na Aston Villa, wameshindwa kukataa wala kukubali kuhusiana na ofa hiyo ya Cabaye. 

Gunners wamekumbwa na mkosi wa majeruhi ya viungo wake tegemeo  Mikel Arteta na Abou Diaby.