JOSE MOURINHO: CHELSEA ITACHEZA 'SEXY FOOTBALL' MSIMU UJAO

JOSE MOURINHO amesema kwamba timu yake ya Chelsea msimu ujao itacheza soka la kuvutia 'sexy football' kama ambavyo anataka bosi wa timu hiyo Roman Abramovich.

The Special One ana sifa ya kucheza mchezo wa kasi na kujaza viungo wengi lakini sasa Roman anataka washinde mataji wakicheza kama Barcelona.
Mourinho, akianza kazi yake ya kuifundisha Chelsea alisema:“Nataka kuwafurahisha mashabiki wa Chelsea - kwa matokeo, kwa aina ya mchezo (sexy football)."

Chelsea wamerudi kutoka kwenye mapumziko na jana walianza mazoezi rasmi kujiandaa na msimu mpya - ingawa wachezaji ambao walihusika kwenye michuano ya kombe la mabara bado watakuwa kwenye mapumziko. 

Winga mpya wa Ujerumani aliyenunuliwa kwa £18million  Andre Schurrle alifika mazoezini kwa pamoja na kiungo mpya £8m Marco van Ginkel. Kikosi cha Chelsea kinaondoka kwenye ziara ya pre season mashariki ya mbali wiki hii
Mourinho amerudi Chelsea kujenga timu mpya katika zama zake mpya darajani.
Lakini anasisitiza kwamba vijana wake wa zamani — Frank Lampard, Ashley Cole na John Terry — bado wana nafasi kubwa ya kucheza.