GOLI LA SIKU: RONALDO DE LIMA AUFUNGUA UPYA UWANJA WA TAIFA WA BRAZIL KWA GOLI LA STYLE YA AINA YAKE

Uwanja wa Estadio do Maracana uliopo jijini Rio de Janeiro umekaribia kumalizika baada ya miaka miwili ya marekebisho kwa ajili ya michuano ya kombe la dunia mwakani, hivyo katika kuuzindua upya uwanja huo ilichezwa mechi maalum katika uwanja huo wa taifa wa Brazil. Timu mbili zikiwa zinaongozwa na magwiji wa soka la nchi hiyo Ronaldo De Lima na Bebeto zikapambana.
  Bila kuwaangusha maelfu ya washabiki waliojazana uwanjani Ronaldo alifungua uwanja huo kwa staili ya aina yake - huku timu yake ikiwa inaiongoza timu ya Bebeto kwa mabao 6-4, De Lima akapokea mpira akiwa ndani ya box la penati kama ilivyokuwa enzi zake akampiga vyenga vya baiskeli beki na kupiga shuti dogo lilompita kipa. Baada ya kufunga akajaribu kushangilia kwa kumrukia mshabiki aliyekuja kushangilia nae lakini kwa uzito alionao akaonekana kuhangaika kutimiza azma yake.