CRISTIANO RONALDO APASUKA JICHONI - AENDELEA KUCHEZA NA KUFUNGA BAO DHIDI LEVANTE

Cristiano Ronaldo amekuwa akituhumiwa kwa  kuwa mlaini mara nyingi kwa miaka kadhaa sasa, lakini katika mechi ya Real Madrid dhidi ya Levante, alionyesha kwamba damu iliyokuwa inatoka jichoni kwake haikuweza kumzuia kufunga mabao.

Katika dakika za mwanzo za mechi, Cristiano alipigwa kiwiko cha jicho na mchezaji wa Levante David Nevarro. Kitendo ambacho kilimjeruhi juu ya jicho lake chini ya nyusi na kupelekea kutoka damu nyingi sana, lakini baada ya kusafishwa na kutibiwa kidogo akaendelea kucheza. Na katika dakika ya 21, huku uwanja ukiwa umejaa maji, Ronaldo alitumia jicho lake moja kufunga bao zuri la kuongoza kwa Real Madrid. 

 Ronaldo alitolewa baada ya mapumziko akiwa tayari ana kadi ya njano, lakini kocha wake Jose Mourinho alizungumza kwenye mkutano wa waandishi wa habari kwamba alimtoa Ronaldo kwa sababu alishindwa kuona kabisa kwa macho yake mawili. Lakini baadae alipelekwa Hospitali kwa ajili ya matibabu na vipimo zaidi.

Masaa yasiyopungua nane baada ya kushindwa kuona kabisa na huku akiwa ameshonwa nyuzi kibao jichoni alipopasuka, leo hii Cristiano Ronaldo amepanda ndege kwenda Ureno kuungana na timu yake ya taifa.

(Getty)