SOKA LA SPAIN LINAKUFA: LA LIGA INA MIAKA 5 ITAFULIA

Jose Maria Gay de Liebana, professor wa uchumi wa chuo kikuu cha Barcelona na mmoja ya wachumi bora kabisa kwenye soka ametabiri soka la Hispania litajua lenyewe ndani ya kipindi cha miaka 5 ijayo ikiwa matatizo yaliyopo sasa hayatopatiwa ufumbuzi. Anasema mapato yamekuwa madogo na hayakuwi kwa kasi kuweza kuendana na gharama huku mapato ya haki za matangazo ya TV yakiwa hayana mfumo mzuri. Pia anaamini kumewekwa umuhimu mkubwa katika kuwavutia mashabiki wa China na ametoa wazo la luanzishwa kwa ligi ya Iberian na vilabu vikubwa vitatu vya Ureno. Vyovyote tofauti na hivyo, anadhani kuna watu watapoteza ajira zao na kuzidi kuipa ugumu kwenye uchumi taifa la Spain.

Kutoka Soccernet:

"Ikiwa vitu vitaendelea hivi, soka la Hispania litajiua lenyewe. Mwaka mmoja uliopita nilitabiri La Liga ina misimu 10 iliyobaki, sasa naona mitano zaidi itakuwa mingi sana.

Haki za matangazo ya TV ya La Liga  zinauzwa vibaya kwa sababu kuna waendeshaji wawili   wa  matangazo hayo, wakati kwingine kote barani wanafanya mazungumzo kwa upande mmoja tu. Pia kwa maoni yangu nadhani Wachina wanapewa umuhimu usio na ulazima wakati Waamerika na Wajapan ndio wanaofaa kupewa kipaumbele.                                       

         
            Njia sahihi kwa vilabu vya Spain kuongeza mapato yao ni kuunda Iberian league, ambayo itahusisha vilabu vikubwa vitatu vya Ureno. Leo hii kuna katika msimu mzima kuna mechi chache sana zinazoweza kuvutia watazamaji. Kuongeza vilabu vitatu vikubwa vya Ureno kutaongeza msisimko - Porto, Benfica na Sporting Lisbon wataongeza ushindani na mvuto kwenye soka letu." Alimaliza Mchumi huyo.