RONALDO DE LIMA SASA AANZISHIWA KIPINDI MAALUM CHA TV ILI KUPUNGUZA UZITO

Wakati akicheza soka, Ronaldo alikuwa akisumbuliwa sana na uzito kuliko ambavyo alikuwa akisumbuliwa na skendo za ngono, lakini tangu astaafu kutoka kwenye soka mwaka jana, gwiji huyo amekuwa akiachia.

Lakini katika jaribio la kupunguza uzito kama alivyoshauriwa na madaktari, mchezaji huyo bora wa wa dunia kwa mara tatu, ameamua kushiriki kwenye kipindi cha Television cha kushindana kupunguza uzito.

Mbrazili huyo ambaye amekiri kuwa na mahusiano mazuri sana na misosi, tayari ameshaanza kushoot kipindi hicho cha TV ambacho kitaruka kwenye 'Medid Certa' kipande cha kipindi maarufu sana kiitwacho 'Fantastico'.

" Nina furaha kushiriki katika kipindi hiki kwa sababu ni muhimu sana kwangu kupunguza uzito
"Labda sikuwa na presha ya kila mtu kuniangalia nikijaribu kupunguza uzito ndio sikuweza kufanikiwa sana huko nyuma..
"Yote ninayowza kusema ni kwamba nitafanya sana mazoezi kwa juhudi mpaka nitaposhinda hii vita ya kupunguza uzito."

Pia Ronny anasema anataka kufanikiwa kupunguza uzito ili aweze kushiriki kwenye mechi ya hisani pamoja na mchezaji mwenzie wa zamani wa Real Madrid Zinedine Zidane mwezi wa 12 mwaka huu.