WACHINA WASUSIA MECHI YA MAN UNITED NA TIMU YA AKINA DROGBA - KISA SOMA HAPA

Mashabiki wa Shanghai Shenhua walisusia mechi ya kirafiki dhidi ya Manchester United kupinga suala la mechi hiyo kuchezwa katikati mwa ligi kuu ya China.

Kampeni ya mashabiki wa Shnehua ilianza kupitia kwenye mitandao tofauti ikiwahimiza mashabiki wengine wa klabu hiyo kususia mechi hiyo.

Post moja iliyosomeka kwenye mtandao mmoja wa kichina Weibos ilisema: "Kama wewe ni mshabiki wa kweli wa Shenhua, achana na mipango yoyote ya kuhudhuria mechi dhidi ya Manchester United.

" Waache wadhamini waone huu mchezo , wenye mlengo wa kibiashara na fedha walipaswa kutokupangwa kufanyika katikati ya msimu wa ligi yetu.

" Sidhani kama Man United wangekubali kucheza na Shenhua katikati ya msimu wa English Premier League, basi hata sisi tusikubali," shabiki wa Shenhua aliiambia AFP. "Nafikiri huu mchezo umekaa kibiashara zaidi. Na hili suala linakera."

La kustajaabisha, baadhi ya mashabiki wa United nao wamekuwa wakiwashawishi wenzao kugomea kuingia Old Trafford kuangalia mechi  ili kupinga umiliki wa timu wa Glazers, lakini kila week wanajaa uwanjani huku wakiisapoti timu yao, ndivyo hata ilivyotokea China kwa mashabiki Shanghai Shenhua.