Europa League kuendelea leo !

Michuano ya pili kwa hadhi huko barani ulaya uefa Europa inaendelea tena usiku huu ambapo michezo ya marudiano itapigwa kwenye viwanja mbalimbali.

Macho na masikio ya wengi yataelekezwa kwenye viwanja via Hispania na huko England ambako vigogo vya jiji la Manchester vitakuwa na kazi a kubadili matokeo mabaya waliyopata kwenye michezo ya kwanza endapo watataka kuendelea kuipeperusha vyema bender ya England kwenye michuano hiyo .

Huko Etihad stadium man city watawakaribisha sporting club Lisbon toka ureno katika Mchezo ambao city wanahitaji ushindi wa angalau mabao mawili ya wazi huku wakipaswa kuwazuia sporting wasipate bao la ugenini . Nao wapinzani wa jadi wa City mashetani Wekundu Manchester united watakuwa na kibarua kigumu zaidi watakapokuwa wanacheza na athletic club Bilbao Kwenye uwanja wa the cathedral . United waliopoteza Mchezo wa kwanza uliopigwa huko old trafford wanahitaji ushindi wa mabao mawili bila au zaidi ili kusonga mbele.

Taarifa za matumaini kwa mashabiki wa united ni kurejea kwa kiungo wa pembeni Antonio Valencia aliyekuwa nje a uwanja kwa wiki nne Baada ya kuumia kwenye Mchezo wa hatua ya 16 bora dhidi ya Ajax .