Chelsea na Real Madrid Zaingia Robo Fainali ya UEFA CHAMPIONS LEAGUE kwa kishindo !

.Michuano ya ligi ya mabingwa barani playa hapo Jana ilikamilisha hatua ya kwanza ya mtoano ambayo ni hatua ya 16 bora. Huko Stamford Bridge wawakilishi pekee wa visiwa via malkia Chelsea the blues walifanya maajabu yasiyotarajiwa na wengi Baada ya kugeuza matokeo ya kipigo cha mabao Matatu kwa Moja na kuwafunga wapinzani wao Napoli ya Italia kwa mabao manne kwa Moja katika Mchezo ulioamuliwa kwa dakika 30 za nyongeza . Mabao ya Chelsea hiyo Jana yaliwekwa wavuni na Didier Drogba , John Terry , Frank lampard na Branislav Ivanovic Aliyefunga kwenye dakika za nyongeza na kuipa Chelsea ushindi wa jumla wa mabao matano kwa manne.

Mchezo Mwingine uliopigwa Jana uliwashuhudia mabingwa wa kihistoria kwenye michuano hii Real Madrid ya uhispania wakiwafunga CSKA Moscow toka Urusi kwa mabao manne kwa Moja . Real walipata mabao Yao kupitia kwa Cristiano Ronaldo Aliyefunga mabao mawili , Gonzalo Higuain na Karim Benzema ,Real wamesonga mbele kwa matokeo ya jumla ya mabao matano kwa mawili .Michuano hiyo sasa inaingia kwenye hatua ya robo ambapo ratiba ya hatua hiyo itapangwa siku ya ijumaa huko Munich itakakofanyika fainali ya michuano hiyo.