ROONEY, GAZZA, WILSHARE, SMITH, NA WACHEZAJI WENGINE WATOA MAONI YAO NANI ANAFAA KUWA MRITHI WA CAPELLO

Masaa machache baada ya Fabio Capello kujiuzulu ukocha wa Engkand, mshambuliaji tegemeo wa timu hiyo Wayne Rooney amesema mtu sahihi kupewa kazi hiyo na kuziba nafasi ya Capello ni kocha wa Tottenham Hotspur Harry Redknapp.

Capello alijiuzulu jana usiku baada ya kukutana na FA at Wembley.

Na Rooney aliutumia ukurasa wake wa mtandao wa kijamii wa Twitter kuongeza mwangi wa watu wanaomtaja Redknapp kama mtu sahihi wa kuchukua jukumu la ukocha wa England.

Harry Redknapp mtu anayepigiwa chapuo na wachezaji wengi kuchukua jukumu la ukocha wa England

Rooney aliandika: “Capello amejiuzulu. Mtu mzuri na kocha wa kiwango cha juu. Anayepaswa kumbadili inabidi awe muingereza. Kwangu mimi ningependa Harry Redknapp.”

Lakini mchezaji wa zamani wa United Roy Keane amesema haikuwa sahihi kwa Rooney kusema yeye anamtaka nani. “Wayne inabidi ajiondoe katika hili. Hakufanya la maana wakati Capello akiwa kocha. Pia nimeshangazwa sana na uamuzi wa Capello sikuwa nikitegemea hili kutokea haraka hivi. Harry Redknapp atakuwa akipewa nafasi kubwa sana ya kuchukua jukumu hili, na nina uhakika yeye ndio chaguo la washabiki.

Jack Wilshare nae hakukosa la kusema juu ya uamuzi wa Capello: “Nimeshutushwana habari za Fabio Capello …….. ana ujasiri sana niwe mkweli, alinipa nafasi ya kucheza na akaniamini. Asante Mr. Capello! #Kocha Mkubwa.”

Legend wa England pia nae alitoa maoni yake juu ya nani anafaa kuchukua jukumu la ukocha wa timu ya taifa. “Harry Redknapp anafaa kuwa kocha wa England, ni kocha wa aina ya a day-to-day manager, anapenda kufanya kazi kila siku. Nimeshaongea nae kwa mara kadhaa na nimegundua ni mtu mzuri sana, kocha mzuri na kila anachofanya ni kizuri.

“Nafikiri mtu ambaye anastahili zaidi kwa sasa ni Harry, ni chaguo la kila mtu, lakini sidhani kama Spurs watakubali kumuachia. Huyu ni kiunganishi cha wachezaji. Anapendwa sana na wachezaji, na hilo linaleta umoja katika timu na amethibitisha yote haya katika klabu aliyokuwa. Yupo kama Terry Venables na anasema kama FA watamkosa Harry, Venables anastahili nafasi nyingine.”

Rio Ferdinand yeye amesema: “ So Capello amejiuzulu………..nini sasa…..”

Alan Smith alisema: “Tulifahamu hakuwa na furaha juu ya suala la John Terry na alitoa sababu zake, lakini sikutegemea angejiuzulu.