BAADA YA KUVULIWA UNAHODHA, TERRY SASA KUTEMWA NA WADHAMINI WAKE.

John Terry ameendelea kupata mikosi kutokana na kesi yake ya maneno ya ubaguzi dhidi ya Anton Ferdinand.

Nahodha huyo wa Chelsea alivuliwa unahodha wa England pamoja na suala hilo kupingwa na Fabio Capello baada ya kufunguliwa mashtaka ya kumtolea maneno ya kibaguzi mlinzi wa QPR Anton Ferdinand wakati wa mechi kati ya Chelsea na QPR @Loftus Road.

Sasa mlinzi huyo mwenye miaka 31 baada ya kuvuliwa unahodha wa England, balaa jingine limemuangukia baada ya wadhamini wa viatu anavyovaa Umbro kuamua kujitoa kumdhamni. Umbro wamekuwa na Terry tangu akiwa na miaka 18.

Tangu Desemba mwaka jana zilitoka taarifa kuwa UMBRO walikuwa wamemuondoa Terry katika matangazo yao na kwamba Terry alikuwa tayari ameanza kutafuta sponsor mpya kwa kuwa mkataba wake na kampuni ya Umbro ulikuwa ukielekea mwishoni na hakukuwa na dalili za kupata dili mpya.