STAKELENBURG KUJIUNGA NA ROMA LEO

Golikipa wa Ajax Maarten Stakelenburg anatarajiwa kujiunga na AS Roma kwa mkataba wa miaka 4, mara baada ya kufanyiwa vipimo juzi Jumamosi.

“Nina furaha kwamba nitasaini mkataba wa miaka 4 na Roma.Kila kitu kuhusu klabu hii inahusu soka.Sijapata muda wa kutembelea uwanja bado, lakini nimefurahishwa na uwanja wa kufanyia mazoezi.” Alisema Stakelenburg katika mtandao wa Sport-Promotion unaomilikiwa na Wakala wake Rob Jansen.

“Pia nimeongea na kocha mkuu Luis Enriquekuhusu mipango yake na klabu, na yalikuwa ni mazungumzo mazuri sana.Pia ameniambia ana matumaini Ajax na Roma watafikia mwisho na kumalizana juu ya usajili wangu.”

Ajax walitangaza Ijumaa iliyopita kwamba wamekubaliana na Roma kwa kauli kuhusu uhamisho wa kipa huyo mwenye miaka 28.

Klabu hizi mbili zinategemea kumalizana ndani ya masaa 24 ya leo hii, huku Roma wakijipanga kumtambulisha Stakelenburg kwa waandishi leo jUMATATU.

MAARTEN STAKELENBURG TOP 10 SAVES