MTUKUTU JOEY BATON ATIMULIWA NEWCASTLE

Joey Borton amewekwa rasmi kwenye listi ya wachezaji wanaotakiwa kuondoka Newcastle katika kipindi hiki cha kiangazi.
Bad-boy Barton ameambiwa atafute klabu mpya baada ya kutangaza vita na viongozi wa klabu yake kwenye mtandao wa Twitter.
Kiungo huyo alitumia mtandao huo wa kijamii wiki hii kuwashambulia kwa maneno mabosi wake, ambao walimpiga faini Jose Enrique ambaye nae alifanya kitendo cha kuushambulia uongozi, pia Barton aliusema uongozi kwa kitendo cha kumuuza Kevin Nolan kwa West Ham.
Taarifa kutoka kwa uongozi wa Newcastle kupitia mtandao wa rasmi wa klabu ilisema: “Newcastle United inaweza kuthibitisha kuwa Joey Barton amewekwa katika listi ya wachezaji wanaotakiwa kuondoka.Mchezaji ameambiwa anaweza kuondoka kwa uhamisho wa bure kabisa.”
Barton, 28, alikuwa yupo katika mwaka wa mwisho wa mkataba na The Magpies na hakuwa amepewa ofa ya mkataba mwingine.