FERGUSON AMKATIA TAMAA NASRI, NA CHELSEA WATUMA OFA MPYA KWA MODRIC.

Kocha wa Manchester United amesema anaamini kuwa Samir NASRI ATAONDOKA Arsenal lakini hatojiunga na United.

Akiongea na vyombo vya habari mara baada ya kuwasili in US kwa ajili ya kuanza kwa mechi za kujiandaa na msimu mpya

Huku akiwa Paul Scholes akiwa amestaafu, Ferguson sasa yupo mawindoni kutafuta mrithi huku Nasri, Wesley Sneijder na Luka Modric wote wakihusishwa na uhamisho wa kuhamia Old Trafford.

Nasri ambaye pia amekuwa akihusishwa na Manchester City ambao kwa pamoja na United wanaaminika kutuma ofa ya £20million kwa ajili mfaransa huyo, lakini leo SAF amesema kuwa kama mchezaji huyo ataondoka Emirates muda huu, basi itakuwa ni kujiunga na upande mwingine wa jiji la Manchester.

“Sidhani kama atakuja United” alisema.

“Hilo ndilo ninaloweza kuwaambia.Nafikiri amekubali kwenda sehemu nyingine.”

Wakati huo huo kiungo mwingine anayetajwa kuwindwa na United Luka Modric anayeichezea klabu ya Tottenham ametolewa ofa mpya na matajiri wa London Chelsea.

Modric ambaye juzi alikutana na Mwenyekiti wa Spurs Daniel Levy na kuambiwa hauzwi kwa pesa yoyote na kama atatumia nguvu kutaka kuondoka atasoteshwa benchi, wiki chache zilizopita alikaririwa akisema kuwa kama akihama Spurs angependa kuendelea kubaki London akimaanisha kuchezea moja ya klabu za London ikiwemo Chelsea ambao siku chache baadae walituma ofa iliyokataliwa na Tottenham ya £22million.