MODRIC AKIONDOKA BALE NAE ANAWEZA KUONDOKA - REDKNAPP

Manager wa klabu ya Tottenham Harry Redknapp anaamini kuwa ikiwa klabu hiyo North London ikimuuza Luka Modric basi milango itakuwa wazi kwa wachezaji wengine nao kuihama timu hiyo.

Modric ambaye akihusishwa na kujiunga na Chelsea lakini Redknapp amekuwa akiweka wazi kuwa klabu hiyo haipo tayari kuona inampoteza kiungo huyo akiamini kuondoka kwa Luka kutapoteza hali na hamu kwa wachezaji wengine kuendelea kubaki White Hart Lane."Kama Spurs tukimuuza Luka then nahisi suala hili litatuma ujumbe kwa wachezaji wengine kama Gareth Bale kuwa nao wakitaka kuhama inawezekana." Harry aliiambia The Sun.

"Nimeshawahi kuona jambo hilo likitokea wakati nikiwa West Ham pale klabu hiyo ilipoamua kumuuza Rio Ferdinand na ghafla ya baada ya uhamisho huo wachezaji wengi wakaanza kutaka kuhama.Hili ni jambo baya kwa klabu.

Tottenham tunahitaji kuendelea kuwa na wachezaji wetu bora na vile vile kuongeza wachezaji bora wengine bora ili kuweza kukipa nguvu kikosi za kupigania ubingwa.Timu nyingine kubwa zinafanya hivi na Spurs tunatakiwa kufanya hivi.

Luka anataka kufanikiwa na kama tukiweza kukiboresha kikosi chetu hivyo anaweza kufanikiwa na sisi.

Ni muhimu kwa klabu hii kuendelea kuwa na Luka, nafikiri tunatakiwa kumuonyesha hamu yetu ya kutaka kufanikiwa, kitu ambacho kitamfurahisha Modric.Kama tukiongeza wachezaji wawili au mmoja ndani ya kikosi chetu naamini tutafanikiwa sana msimu ujao hivyo kutimiza ndoto za Luka Modric."