Klabu ya Villa Squad ya jijini Dar es salaam, iliyopanda daraja la ligi kuu kwa ajili ya msimu ujao, inataraji kufanya uchaguzi wake mnamo Juni ya kumi na mbili ya mwaka huu, kupata viongozi wa klabu hiyo watakaokaa madarakani kwa kipindi cha miaka minne kwa mujibu wa katiba.
Hapo awali, Villa Squad kama ilivyo kwa klabu nyingine ya Coastal Union ya jijini Tanga, ambayo nayo imepanda daraja la ligi kuu kwa ajili ya msimu ujao, ilikuwa ifanye uchaguzi wake mnamo mwezi huu kabla ya kuahirishwa.
Kwa mujibu wa mwenyekiti wa kamati ya usajili ya klabu hiyo Alhaj Khamis Mataka, amesema kwamba baada ya usaili hapo jana, hapo kesho wale waliopitishwa watatangazwa kwa ajili uchaguzi huo.
Mataka amewataka wanachama wa klabu ya Villa kutumia nafasi yao hivi sasa kuelekea uchaguzi huo, kuchagua viongozi bora, ambao wataiongoza timu hiyo kwa mafanikio makubwa, ili yasije yakatokea yale ya kurejea kule walipotoka, kwa maana ya kushuka daraja.
No comments:
Post a Comment