MICHUANO YA KILI TAIFA CUP JIJINI ARUSHA.

Nusu fainali za michuano ya Kili taifa cup kwa mwaka 2011 imeendelea tena hivi leo kwa mchezo mmoja ambao umepigwa kwenye uwanja wa Kumbukumbu ya Sheikh Amri Abeid jijini Arusha.

Mchezo huo, umezikutanisha timu ya mkoa wa Kikandanda ya Ilala dhidi ya timu ya mkoa wa Mwanza, Mwanza Heroes baada ya timu hizo kufuzu kw ahatua hiyo baada ya kuzitoa waliokuwa mabingwa watetezi Kindai shooting starz ya Singida na wenyeji Mount Meru Warriors ya Arusha.

Pambano hilo limemalizika kwa Mwanza Heroes kufuzu kwa hatua ya fainali baada ya kuinyuka Ilala mabao mawili kwa moja, mabao yakitiwa kimiani na mshambuliaji wa klabu bingwa ya kandanda ya Tanzania bara, Dar es salaam Young Africans Jerryson Tegete.

Ushindi wa Mwanza Heroes unaifanya ifuzu kwa fainali ya michuano ya Kili Taifa cup kwa mwaka 2011, na sasa wanasubiri mshindi wa mchezo wa kesho baina ya timu ya mkoa wa Kagera Rweru Eagles dhidi ya timu ya mkoa wa Mbeya Mapinduzi starz, ambazo zilifuzu kwa kuziondosha timu ya vijana ya Tanzania ya umri wa miaka 23 na timu ya mkoa wa Ruvuma, Ruvuma Warriors.