SAMI KHEDIRA: MANCHESTER UNITED ILITAKA KUNISAJILI MADRID WAKAKATAA

Kiungo wa Real Madrid Sami Khedira amethibitisha kwamba klabu ya Manchester United ilituma ofa ya £34million kumsaini masaa kadhaa kabla ya dirisha la usajili halijafungwa. 

Kiungo huyo wa kimataifa wa Ujerumani alitakiwa na kocha David Moyes wakati United walipokuwa na presha ya kufanya usajili kabla ya dirisha la usajili kufungwa saa tano usiku kwa saa za Uingereza. 

Madrid walikuwa wanajaribu kuweka sawa vitabu vya hesabu baada ya kuvunja rekodi ya usajili kwa kumnunua Gareth Bale kwa ada ya uhamisho wa  £86million lakini baada ya kumuuza Ozil ikabidi wakatae ofa ya United kumsaini Khedira. 

'Klabu yangu ilikataa ofa kutoka kwa United. 

'Hatukuwa na nafasi ya kufanya mazungumzo. Niliongea na Carlo Ancelotti wiki kadhaa zilizopita na ilikuwa wazi kwamba ningebaki  Real.'