SIMBA IMENITELEKEZA NIKIWA BADO NINA MKATABA NAYO - NAJIPANGA KUTAFUTA TIMU MPYA - ASEMA VICTOR COSTA

 
VICTOR Costa 'Nyumba' ameibuka na kusema kuwa anataka kurudi uwanjani msimu ujao wa Ligi Kuu Bara ingawa hajaweka wazi ni timu gani atakuwa nayo.
Beki huyo wa zamani klabu ya Simba na timu ya Taifa ya Tanzania, 'Taifa Stars' alisema jijini Dar es Salaam;
"Nimetulia nyumbani nafanya shughuli zangu binafsi. Lakini nina mpango wakurudi tenauwanjani."
"Bado niko fiti na naamini nitafanya kazi vizuri bila matatizo. Kuna timu za mtaani nafanya nazo mazoezi."
"Ukweli sijajua nitakuwa timu gani kama ni hapa au nje nya nchi." alisema Costa ambaye alikiri kuwa mkataba wake na Simba unamalizika Mei, mwaka huu. Lakini klabu hiyo imemtelekeza na yeye kukaa kimya kudai haki zake za msingi kama mshahara.