MOURINHO: "NAWEZA KUONDOKA REAL, NITAENDA SEHEMU AMBAYO NAPENDWA - WEBB NI REFA WANGU BORA DUNIANI LAKINI AMENIANGUSHA"

Kocha wa Real Madrid Jose Mourinho ametoa kauli inayoashiria kwamba hatokuwa kocha wa mabingwa wa kihistoria wa ligi ya mabingwa wa ulaya katika msimu ujao.
Akihojiwa na kituo cha ITV cha Uingereza Mourinho amenukiliwa akisema: "Naweza nisiwepo hapa msimu ujao," alipoulizwa ni wapi anaweza kwenda alijibu, "Nitaenda sehemu ambayo watu wananipenda niwepo mahala pale," kisha mwandishi wa ITV akamkatisha na kumjibu kwamba nadhani sehemu yenyewe ni England.
Angalia interview yake na ITV

Katika hatua nyingine Mourinho amesema timu yake imeadhibiwa kwa kucheza vibaya katika mechi ya kwanza na sio hii ya pili - pia kwa mara ya kwanza akamtaja mwamuzi wa Howard Webb kwamba ni  mmoja wa marefa wake bora kabisa katika ulimwengu wa soka, ingawa leo alifanya kosa la kutompa kadi nyekundu Matt Hummels, "Leo nimesikitishwa na mmoja wa marefa wangu bora kabisa - Howard Webb, alipaswa kumpa kadi nyekundu Hummels na rafu aliyoicheza aliiona na kila mtu aliiona, lakini wakati tukio hilo limetokea Webb aliamua kuwa binadamu kwa kuamua kutompa kadi Hummels kwa sababu angekosa mchezo wa fainali." alima Mourinho