VICTOR MOSES WA CHELSEA AIPELEKA NIGERIA ROBO FAINALI - SASA KUCHEZA IVORY COAST

[www.online-soccer.ru] Ethiopia 0-2 Nigeria ALL... by all-goals

Nigeria inaelekea imefuzu kwa robo fainali ya michuano ya kuwania kombe la bingwa barani Afrika baada ya kuilaza Ethiopia kwa bao moja kwa bila katika mechi yao ya mwisho ya makundi.

Victor Moses aliifungia Nigeria bao la kwanza kwenye dakika ya 79, kwa njia ya penalti.

Dakika mbili baadaye Nigeria ikapata bao la pili kupitia mkwaju mwingine wa penalti.

Penalti hiyo ilisababishwa na Sasay Bancha ambaye alimfanyia madhambi mshambuliaji wa Nigeria, hatua iliyomfanya refa wa mechi hiyo kuumpa kadi ya pili ya njano na hatimaye kadi nyekundi kwa mujibu wa sheria.

Mbali na kutoa kadi hiyo nyekundu kwa mchezaji wa Ethiopia, Nigeria ilikabithiwa fursa nyingine ya kufunga kupitia mkwaju wa penalti.

Sawa na ilivyokuwa awali Victor Moses ndiye aliyetunukiwa jukumu hilo la kuupiga penalti na bila kukosea, akafunga la pili na kuhakikisha kuwa Nigeria inasonga mbele kwenye robo fainali ya mashindano hayo.

Super Eagles ilitoka sare mechi zake za kwanza mbili na hivyo ilihitaji shari ushindi mechi ya leo ili ifuzu kwa raundi ijayo yab mashindano hayo.

Ikiwa Nigeria wangelitoka sare mechi ya leo, basi Zambia ingelifuzu kwa robo fainali kutokana na rekodi nzuri ya nidhamu.

Nigeria sasa itacheza na Ivory Coast katika robo fainali.