CRISTIANO RONALDO ATIMIZA NDOTO YA KIJANA MWENYE KANSA

Mshambuliaji wa Real Madrid Cristiano Ronaldo siku ya jana alitimiza ndoto ya kijana Salvador wa nchi Marekani Los Angeles, ambaye ni mgonjwa kansa kwa kukutana nae na kuongea kisha kupiga nae picha na kumpa jezi ya Real Madrid yenye jina lake mgongoni.

Salvador ni kijana ambaye amekuwa akiugua kansa tangu akiwa mdogo, na moja ya ndoto yake kubwa ilikuwa ni kukutana na Ronaldo kabla hajaenda mbele za haki, na mungu mkubwa wakati Real Madrid wakiwa nchini Marekani akapata nafasi ya kukutana na mtu ambaye ameitimiza ndoto yake.