KIPA WA SIMBA AIBUKA GOLIKIPA WA MASHINDANO YA INSEL UJERUMANI

Golikipa wa klabu ya Simba B ya nchini Tanzania Omary Abubakary ameteuliwa kuwa golikipa bora wa michuano ya Insel Cup iliyofanyika Ujerumani.

Katika michuano hiyo Omary aliichezea klabu ya TSC Mwanza na kuonyesha kiwango kikubwa miongoni mwa makipa wote wa timu zilizoshiriki kwenye michuano hiyo iliyoshirikisha vikosi vya pili vya vilabu vikubwa barani ulaya.

Kwa kiwango alichoonyesha Omary na umri wake alionao wa miaka 18, amewavutia mawakala wa vilabu vingi vya hapa Ujerumani na kuna uwezekano anaweza akapata nafasi ya kucheza nje kama mambo yakienda kama yakipangwa.