FAINALI YA UEFA CHAMPIONS LEAGUE 2013-14 KUPIGWA HAPA.

Dimba la Estadio da Luz (Stadium of Light) mjini Lisbon, Ureno ndio utatumika kwa fainali ya Ligi ya Mabingwa Ulaya msimu wa 2013-2014, Kamati ya Utendaji ya Shirikisho la Soka Ulaya (UEFA) imesema jana.

Mechi hiyo itarejea katika jiji hilo la Ureno kwa mara ya kwanza tangu ilipochezwa fainali ya Kombe la Ulaya mwaka 1967, wakati Celtic ilipoifunga Inter Milan 2-1, UEFA ilisema katika taarifa yake iliyoifikia bongostaz.
Jiji la Turin, nyumbani kwa Juventus litakuwa mwenyeji wa fainali ya Europa League msimu huo katika Uwanja mpya wa Juventus, ambao ulifunguliwa mwanzoni mwa msimu huu.
Michuano ya Kombe la Mataifa ya Ulaya mwaka 2015 kwa vijana chini ya umri wa miaka 21 itafanyika Jamhuri ya Czech.