MAONI YANGU:HARAKATI ZA KLABU YA YANGA KATIKA KUTAFUTA “WIMBO WA YANGA

Siku niliyosikia Yanga wanaanza mchakato wa kutafuta WIMBO YA YANGA nilifurahi sana nikajua kwa sasa mabadiliko ya kimawazo ya viongozi wetu wa klabu yanaanza kuonekana,kwa hilo naomba niwapongeze kwa hatua hiyo ambayo klabu yetu kongwe kwa miaka mingi ilishindwa kuwa na WIMBO YA YANGA.Pia niwapongeze Clouds Media kwa kujitahidi kutangaza na kutoa msukumo kwa wadau wote katika kuitikia mwito huo wa Klabu katika harakati za kutafuta WIMBO WA YANGA.Hadi sasa nimeweza kusikiliza Nyimbo zisizo pungua 4 kupitia Radio ya Clouds FM,kwa uwezo wangu “Mdogo” wa uchambuzi nimegundua kuwa nyimbo hizo zote zimetengenezwa si kwa madhumuni yaKuwa WIMBO WA YANGA bali wamefanikiwa kutengeneza NYIMBO ZA KUISHANGILIA YANGA.Tuangalie mfano wa WIMBO wa MANCHESTER UNITED,wimbo umepangwa ukapangika,unatoa ujumbe uliokusudiwa,mawazo yalioko ndani yanaeleweka,lugha iliyotumika pia ni lugha rasmi.Kati ya Nyimbo hizo nne(Nilizo sikiliza hadi sasa),huwezi kuyaona mambo tajwa hapo juu,WIMBO WA YANGA,huwezi kutumia lugha ambayo hata mpenzi wa Yanga haielewi,huwezi taja majina ya watu ovyo ovyo(kwa hakika hayahitajiki,wimbo ya Yanga inabidi uwe umepangika kimawazo na kimantiki,mtiririko wake ni lazima uwe unaotoa mawazo/ujumbe makini,wimbo inabidi uwe na mtundo unaoleweka na sio wa kuiga toka nyimbo fulani fulani maarufu za ulaya au Marekani.Wito wangu kwa uongozi wa YANGA,ni kuwa makini sana katika mchakato huu ili kupata nyimbo bora.Kwa watunzi wa Nyimbo,naomba mtambue YANGA inatafuta WIMBO YA YANGA(YANGA ANTHEM) na sio WIMBO YA KUISHANGILIA YANGA.Asante