Ivo Mapunda awavutia Wakenya

LICHA ya kufungwa penalti 4-1 katika mchezo maalumu wa ufunguzi wa msimu wa Ligi Kuu Kenya, mashabiki na benchi la ufundi la Gor Mahia wamemkubali kipa Mtanzania, Ivo Mapunda.


Gor Mahia ambayo imewekeza fedha nyingi kwenye kikosi cha msimu huu, ilitoka suluhu katika muda wa kawaida katika mchezo huo dhidi ya Tusker juzi Jumapili na walipokwenda kwenye matuta, Ivo akafungwa 4-1.
Kwa ushindi wao, Tusker, wamechukua ubingwa wa Kombe la Dstv.


Kocha wa Gor Mahia, Anaba Awono, alisema baada ya mechi kuwa Mapunda ndiye chaguo lake la kwanza na amekuwa na juhudi kubwa ya mazoezi na uwanjani.
Hiyo ina maana kwamba kipa Jerim Onyango inabidi asugue benchi.
Ivo anadaka vizuri, kuanzia mazoezini na ana nafasi kubwa ya kuanza katika mechi zijazo, lakini anatakiwa kuendeleza kiwango maana nina makipa watatu, ni wazi atakayefanya vizuri ndiye atakuwa anaanza kwenye mechi zote muhimu, alisema.

     Ivo Mapunda alivyokua anatambulishwa kwa mashabiki..

    hapa Ivo Mapunda akiwa na golikipa mwenzake Jerry Onyango pamoja na watoto mashabiki wa Gor Mahia.