DARREN FLETCHER AZIDI KULIPA MACHUNGU BENCHI LA MAN UNITED

Darren Fletcher atachukua likizo ya muda mrefu nje ya uwanja baada ya kiungo huyo wa Manchester United kukumbwa na matatizo ya kiafya.

Nahodha huyo wa Scotland amekuwa akisumbuliwa na ugonjwa wa “Ulcerative colitis” hivyo ameshauriwa kupumzika na kukaa nje ya uwanja kwa takribani kipindi kisichopungua miezi zaidi ya 6 ili aweze kutibiwa na kupona kabisa.

Kutokana na likizo hiyo ya fletcher anategemewa kukaa nje ya uwanja mpaka mwishoni mwa msimu huu, hali itakayopelekea United kuzidi kupungukiwa na wachezaji wake wa kutegemewa baada ya hivi juzi Nemanja Vidic nae kuumia goti litalomuweka nje hadi msimu ujao.