DSM DERBY COUNTDOWN: PAPIC KOCHA MPYA YANGA - TIMBE KUPIGWA CHINI

Siku chache kabla ya kukutana na mpinzani wake wa jadi Simba SC katika mfufulizo wa michuano ya ligi kuu ya VPL, Taarifa za kuaminika kutoka kwa moja ya viongozi wa klabu bingwa ya Tanzania na Afrika mashariki na kati-Dar Young African ni kwamba kibarua cha kocha mkuu wa sasa Mganda Sam Timbe kitaota nyasi muda wowote kutoka sasa na kocha wa zamani wa timu hiyo Mserbia Kostadin Papic ndio atakayechukua majukumu ya kuifundisha klabu hiyo ya jangwani.

Nilipomuuliza msemaji wa Yanga Louis Sendeu juu ya taarifa alishindwa kunikubalia au kukataa.

Kwa takribani mwezi mmoja sasa kocha Sam Timbe amekuwa katika wakati mgumu ndani ya kikosi cha Yanga ambacho kilianza ligi vibaya na kupelekea baadhi ya watu ndani ya klabu hiyo kutaka atimuliwe.Kama vile haitoshi wakati taarifa za kutaka Timbe atimuliwe jangwani zikiwa zinazagaa, kocha Kostadin Papic aliwasili jijini DSM last week.