JE VAN PERSIE ATAFUATA NYAYO ZA NASRI NA FABREGAS.

Robin Van Persie kwa mara nyingine tena ameiweka katika wakati mgumu klabu ya Arsenal baada ya kukataa kufanya mazungumzo kwa ajili ya kusaini mkataba mpya.

Manager Arsene Wenger yupo katika harakati za kumshawishi nahodha wake kusaini mkataba mpya baada ya kuwauza Cesc Fabregas, Samir Nasri na Gael Clichy katika dirisha la usajili lililopita.

Van Persie amebakiza miaka miwili ya mwisho katika mkataba wake, na Arsenal wanahofia wanaweza kulazimika kumuuza mwishoni mwa msimu huu.Kama hatokubali mkataba mpya by then kuna hatari ya kumpoteza bila kupata chochote mwaka 2013, huku Manchester City wakiongoza mbio za timu kubwa kutaka huduma za mholanzi huyo.

Van Persie hataki kuanzisha mazungumzo ya kurefusha maisha yake @ Emirates Stadium mpaka msimu huu utakapoisha, Robin alisema: “Bado nina miaka miwili, hivyo kwa muda nadhani miaka miwili inatosha.Nina furaha na mkataba wangu.Siwezi kuangalia mbele.Sioni nafasi ya kukaa kuzungumzia juu ya mkataba mpya kwasababu nipo busy sana-nina mechi za kukaa kufikiria na kucheza kila baada ya siku 3 or 4.Labda nafikiri tuliache suala hili mpaka mwisho mwa msimu, lakini kwa sasa kitu muhimu kwangu ni timu kucheza vizuri na kupata matokeo.”

Van Persie, 28, alielezea maoni yake kuhusu kuondoka kwa Nasri na Fabregas na ametaka kuhakikishia kuhusu uimara wa kikosi cha ushindani kabla hajaamua kusaini.

Wenger pia anataka Andrey Arshavin asaini mkataba mpya ili kuondoa hofu na kuimarisha ubora wa kikosi.

“Kama ungekuwa kwenye nafasi ya Robin na ukaona Nasri na Fabregas wakiondoka ni lazima ungepatwa na wasiwasi,” alisema Wenger.

Gazeti la Dailymail linaripoti kuwa Manchester City wanamtaka sana Van Persie lakini hawatofikiria kumpandia dau mpaka mwisho mwa msimu huu wakiwa tayari kulipa kiasi cha £30 millioni kwa ajili.

TAKWIMU ZA MAGOLI YA VAN PERSIE NDANI YA ARSENAL

>Robin Van Persie amefunga magoli 100 tangu aanze kuichezea Arsenal, hivyo kwa sasa anashika nafasi ya 17 katika listi ya wafungaji bora wa muda wote wa Arsenal.

>Katika magoli 100, 71 amefunga kwa mguu wake wa kushoto, 23 kwa mguu wake wa kulia, na 6 kwa kutumia kichwa.

>Magoli 88 kati 100 ameyafunga ndani ya penati box, yakiwemo 12 ya penati.

>Magoli 10 kati 100 ameifunga timu ya Blackburn pekee.