KIPRE TCHETCHE NJE YA DIMBA WIKI 3

Mshambuliaji toka Cote D’Ivoire anayeichezea Azam FC, Kipre Tchetche atakuwa nje ya uwanja kwa takribani wiki 3 mpaka 4 baada ya kuumia hapo juzi.

Kipre ambaye alitazamiwa kuanza hapo jana katika mchezo wa ligi kuu ya Vodacom dhidi ya Yanga lakini hakuonekana uwanjani na nafasi yake ikachukuliwa na Khamisi Mcha Vuai.

Kocha wa Azam FC, Stewart Hall akizungumza baada ya mchezo huo uliokwisha kwa ushindi wa goli moja kwa Azam FC alisema kuwa Kipre alikuwa katika mipango yake katika mchezo huo lakini maumivu aliyoyapata juzi ambayo yatamuweka nje ya uwanja kwa wiki tatu ndio umefanya kubadili mbinu na mipango kwenye mchezo huo dhidi ya Yanga.