Daib alifariki baada ya kuumia vibaya kwenye ajali ya gari

Taarifa zilizoifikia Blog hii muda si mrefu zinasema kuwa Yule mchezaji nyota wa timu ya taifa ya United Arab Emirates Awana Diab amefariki dunia . Daib alifariki baada ya kuumia vibaya kwenye ajali ya gari akiwa njiani toka mazoezini kwenye eneo la Al Ain ambako timu ya taifa ya UAE ilikuwa imepiga kambi ikijiandaa kwa mchezo dhidi ya timu ya taifa ya Korea ya kusini .Ajali hiyo ilihusisha gari dogo ambamo Awana alikuwemo na kaka yake lililogongana na lori ambapo Awana alifariki dunia papo hapo.
Diab alijizolea umaarufu baada ya kupiga penati kwa kisigino katika mchezo baina ya timu yake ya taifa na Lebanon, Diab alikumbwa na adhabu ya kupewa kadi ya njano sambamba na kufungiwa kucheza baadhi ya michezo kwenye timu yake ya taifa na hadi mauti yanamkumba alikuwa na umri wa miaka 21.
Kifo cha Awana ni pigo kwa timu ya taifa ya UAE ambayo ilikuwa ikimtumia kama mmoja wa wachezaji wake nyota na pia alitarajia kuwepo kwenye kikosi cha vijana kitakachoiwakilisha UAE kwenye michuano ya Olimpiki mwakani huko London.