TEVEZ AREJEA CITY OF MANCHESTER

Carlos Tevez leo amerejea jijini Manchester kujiunga na klabu yake ya Manchester City, na asubuhi ya leo ameonekana akielekea katika uwanja wa mazoezi wa watoto wa Shekhe Mansour uliopo Carrington.

Tevez ambaye mwezi uliopita aliweka wazi kuwa anataka kuondoka City na kurudi Amerika Kusini kwa kuwa anataka kuwa karibu na familia yake, lakini ameshindwa kupata timu ya kumnunua kutoka City baada ya klabu ya Corinthians kushindwa kukamilisha dili la uhamisho la margentina huyo saa chache kabla ya dirisha la usajili wa nchini Brazil kufungwa.

Carlitos sasa ana tumaini moja tu kuwa Inter Milan watafanikiwa kuwashawishi City kubadilishana wachezaji kwa yeye kwenda Inter na Samuel Etoo pamoja na Maiconi wajiunge na upande wa City.