ANAITWA Ambokile George, kijana wa Kitanzania anayejaribu bahati yake ya kucheza soka la kulipwa nchini Sweden, hapa chini ni anaelezea kuhusu historia yake.Kwanza kabisa nilizaliwa Mbeya, wilayani Tukuyu kwenye kijiji cha Kagwina.
Mama yangu alipata shida sana kunilea wakati nilipokuwa mdogo, kwani niliumwa sana alafu alikuwa peke yake. Baadaye kidogo mama alihamia Dar es Salaam wakati nikiwa bado mtoto. Lengo hasa likiwa ni kutafuta maisha.
“HAKUNA KAMA MAMA YANGU, NAMPENDA SANA JINSI ALIVYOKUWA AKIJISHUGHULISHA ILI NIWEZE KUISHI, MUNGU AMBARIKI NA AMSAMEHE MAKOSA YAKE.”
Kwa hiyo baada ya kufika Dar es Salaam, tukawa tunaishi Keko Machungwa mtaa wa Bondeni, wakati nilikuwa napenda mpira wa miguu pamoja na umri wangu kuwa mdogo.
Tulikuwa na timu ndogo ya mtaani iliyokuwa ikiitwa Mkulundungu Maji ya Shingo, alafu tukahamia mtaa wa mwingine wa Keko Machungwa uitwao mtaa wa Tatu pia nikawa nacheza soka katika timu ya Bankasa Bankunyembe Toto Africa.
Kumbuka wakati wote huo, mimi nilikuwa nahodha wa timu hizo. Baada ya kuonekana nacheza vizuri mtaani hasa kutokana na chenga zangu, nakumbuka siku moja kuna timu ya watoto ilikuwa ina kocha mtaa wa Polisi ilitaka ‘kuninunua’ kwa Tsh 1,000.
Kwa wakati huo hiyo ilikuwa ni heshima kubwa na nilijiona kama mtu maalum mtaani kwa kutaka kununuliwa na timu nyingine kwa dau la Tsh. 1000.
Baadaye kidogo nilicheza michuano ya fulani iliyokuwa inachezwa mara kwa mara Keko Mwanga maeneo ya TAZAMA. Kulikuwa kuna timu inaitwa Warunguri Ganja Shishi, nilicheza katika klabu hii sambamba na Ramadhani Chombo ‘Redondo’ (sasa anacheza Simba) wakati huo tulikuwa tunamuita Double Suka (tulikuwa tukimaanisha Davor Šuker- mshambuliaji wa zamani wa Croatia).
Mimi na Redondo tulikuwa tunaazimwa ‘ndondo’ kucheza katika timu hiyo, hii ilikuwa kama tabia yetu na imezoeleka sana katika mitaa mingi ya uswahilini.
Lakini kutokana na umbo na umri wangu kuwa mdogo nilikuwa naonewa kila wakati, katika uwanja kuna sehemu kulikuwa na dimbwi la maji ukichezwa rafu, una dumbukia, ilikuwa balaa, timu yetu ilikuwa ina mastaa watoto ambao waliweza kufanya vizuri katika michuano ya makombe mbalimbali kama ya Kuku, Jezi, Mchele na Njiwa. Aaahaa….aaahh, ilipendeza sana wakati huo.
Sasa nilipoanza kukua kidogo, nikaanza kumsaidia mama kuuza Chapati, Maandazi, kutembeza ndizi, mihogo, viazi, machungwa na vitu vingine vidogovidogo vya kula ili tupate fedha itakayotukidhi kupata mlo wa kila siku.
Punde kidogo tukasikia kuna timu inaanzishwa katika viwanja vya Chang´ombe TCC, mimi na Redondo tukaenda kufanya majaribio na kufanikiwa. Tulikuwa watoto tupatao 400, lakini tulichujwa na kubaki 250, katika michujo yote hiyo tukawa tunapita tu.
Baadaye nikaja kuifahamu timu hiyo kuwa inaitwa DYOC, ilikuwa ikinolewa na Siza Peter Mapunda na Ramadhani Aluko Simango. Aluko alikuwa kocha mzuri sana katika kukuza na kujaribu kuendeleza vipaji vya chipukizi.
Aluko alikuja na mbinu za kiulaya akatufanya kuwa tishio Tanzania nzima, kwani tulikuwa tuna piga Samba katikati hadi kuwapigia wapinzani Sambusa, walikuwa wakiangahika sana kupata mpira.
Muda kidogo tukapata mwaliko wa kushiriki Kombe la Zawadi lililoandaliwa na kituo cha kukuzia vipaji vya soka cha Rollingstone mjini Arusha, nikiwa kama nahodha wa timu, tukawa tunazunguka karibu maeneo mengi ya Dar es Salaam kutafuta nauli.
Tulikuwa tukiombaomba katika makampuni tofauti tofauti, baadaye tulipata nauli na kushiriki michuano hiyo ambayo tuliweza kutwaa ubingwa.
Mara baada ya michuano hiyo, nilifanikiwa kuchaguliwa katika kundi la vijana 150, tukawa wanne ambao ni mimi, Aboubakar Yahaya, Kasim Ibrahim na Alphonce Matogo, tuliungana na watoto wa shule za kimataifa za nchini kwenda Sweden na Denmark kushiriki baadhi ya michuano iliyoendeshwa huko.
Baadaye Aluko ambaye ni kocha wetu, alimuomba mama yangu ili aishi na na mimi nyumbani kwake pamoja na vijana wengine aliowachagua kutokana na uzuri wa uchezaji wetu. Kwa hiyo nikawa mimi, Kasim na wengine tuliokuwa tukiishi kwa Aluko.
Aluko alituchukua akihitaji tuwe pamoja na kutusaidia kimahitaji kupitia mfadhili, kwa hiyo aliniomba kwa mama yangu lakini hakusaini mkataba wowote na mama, sasa kutokana na nidhamu yangu, umahili wangu wa uchezaji, kujituma na kufunga mabao,
nikawa nakubalika hadi nikapewa unahodha wa timu.
Baadaye tukashiriki michuano ya Kombe la Coca Cola mwaka 2002, nikabahatika kuwa mchezaji bora wa michuano hiyo kisha nikasafiri na DYOC tena mwaka 2003 kwenda kucheza Kombe la Tivoli nchini Denmark na Gothia Cup lililofanyika Sweden.
Tulifanikiwa kutwaa makombe yote na kuweza kupata tuzo ya ‘Most Valuable Player Of The World Youth Gothia Cup Under 12’ na kupewa tuzo (naweza kusema hii ilikuja kwa sababu nilikuwa mtu wa maombi, namwomba sana Mungu nikiwaongoza wenzangu katika maombi na umahili wa upachikaji mabao na kutengeneza nafasi kwa wenzangu alafu nilikuwa ‘team fighter’)
Mwaka 2004 nilisafiri tena na timu yangu ya DYOC kushiriki Kombe la Tivoli huko Denmark, Kombe la Gothia na lile la Laxen yote nchini Sweden na Kombe la Norway huko Norway.
Tulifanikiwa kuchukua makombe yote na kuacha historia ya kuitwa ‘The Dream Team Never Happen’ kwa jinsi tulivyokuwa tunacheza, wengine walikuwa wakituita Samba, walifikiri sisi ni Wabrazili, kumbe tulikuwa tunatoka Tanzania.
Kwa bahati, nikawa tena ‘The Most Valuable Player Of The World Youth Gothia Cup Under 13’ nikapewa tuzo nyingine, ifahamike kwamba hii ni michuano mikubwa sana kwani timu karibu 60 zilikuwa zikishiriki.
Baadaye nikawa mchezaji bora wa michuano ya Kombe la Norway ambalo ni kubwa sana, kama kawaida nilipachika mabao mengi sana, nilijituma nikiongoza wenzangu kumwomba Mungu kabla na baada ya mechi katika michezo yote.
Namshukuru Mungu kwa kweli, si kwa uwezo wangu wala akili zangu, bali ni yeye aliyeniwezesha na kunichagua katika kundi la watoto wote wa duniani walioshiliki Kombe hilo nampa sifa na Utukufu Mungu kwa kazi yake katika kunisimamia maisha yangu.
Mwaka huo nilipata bahati ya kutakiwa na mwangalia vipaji wa Manchester United, na timu nyingine za Sweden na Denmark kwani vyombo vya habari na magazeti yalikuwa yananizungumzia sana,
lakini sijui ni kwa nini sikuweza kuuzwa.
Baadaye nikapata nafasi tena ya kwenda Hispania kati ya vijana watano, lakini ajabu nikashindwa kufanya hivyo, iliniuma sana lakini uzuri nilikuwa nimetambua kwamba Mungu ndiye mtetezi wangu na ni yeye anayeyapigania maisha yangu na wala si mwingine.
Nikawa naendelea kumwomba Mungu na kufanya yale anayotaka nifanye ikiwa ni pamoja na kusoma biblia, kusilikiza neno la Mungu kanisani na nyumbani kwa kweli nilimwomba Muumba sana ili aniepushe na kujiona nafahamu zaidi ya wenzangu.
Tamaa za ujana kama uvutaji bangi, madawa ya kulevya, uzinifu niliziepuka kwa kusoma biblia kila wakati na kuwa karibu katika mambo ya Mungu. Kwa hiyo nikawa naendelea kukubalika kwa wenzangu pamoja na makocha wote Siza Mapunda na Aluko.
Nilikuwa kati ya vijana wasikivu, mwenye nidhamu na akili darasani (sijisifu nasema ukweli nilikuwa na akili kweli darasani) pia na heshima niwapo ndani na nje ya uwanja.
Nje ya uwanja nilikuwa naiheshimu jamii mkubwa kwa mdogo ikanitengeza katika mazingira ya kukubalika kila nilipoingia watu walikuwa wananipenda na kunikubali jinsi nilivyo katika adabu na unyenyekevu, ikawa rahisi mimi kukubalika.
Pia tulikuwa tuna Kocha mzuri, Siza Mapunda alikuwa anajua kutufundisha na kutuweka kama timu, hongera yake pia namshukulu Mr Kipingu (Idd Kipingu), ni mzee mzuri sana anastahili pongezi alinipatia nafasi ya shule ingawa nilikuwa nalipiwa na sponsor wa Kijerumani kupitia Nehemia Foundation ni Shirika la Walokole, nilipo kuwa Makongo High School nilikuwa nacheza mpira na kusoma.
Nilikuwa sina dharau na kujiona najua zaidi ya wenzangu, bali nilikuwa nawapenda wote na kuwaheshimu, niliweza kupata nafasi ya kushiriki michuano ya Copa Coca Cola nikiwa katika timu ya mkoa wa Temeke ilikuwa nzuri sana, tulielewana na kucheza mpira wa kutulia.
Nakumbuka nilicheza safi sana mechi ya ufunguzi nikitokea benchi hadi Micho (Kocha wa zamani wa Yanga Milutin Sredojevich) na Chamangwana (pia Kocha wa zamani wa Yanga, Jack Loyd) walinifurahia jinsi nilivyokuwa mhamasishaji wa timu si hao pekee bali wenzangu kama Yusuph Soka, Mau Mkami (Himid), Johannes Kajuna, Adam Asheli, Ben Jacob na wengine pamoja na makocha wangu Golo, Mfaume na viongozi wote wa TEFA (Chama cha Soka wilaya ya Temeke).
Lakini haikuwa bahati kwani walipochaguliwa vijana wa timu ya taifa kutoka Temeke sikuwamo, sikujua tatizo ni nini sema nilimwachia Mungu anayetujalia pumzi ya kuishi.
Baadaye kulikuwa na michuano ya shule nzima katika vidato vyote Makongo High School, nilicheza vizuri sana wakati huo nilipokuwa kidato cha pili, nikawa mchezaji bora wa michuano hiyo na kupewa zawadi na Kipingu.
Ikatokea wanahitajika watu wawili katika kampuni ya Models, kutoka kwenye kituo chetu tukachaguliwa mimi na mwenzangu aitwaye Stanley Sila kwa hiyo kampuni ya Models wakatupeleka kwenye kampuni ya Lowe Scanad (hii ni kampuni ya matangazo).
Tukafanyiwa majaribio baadaye nikachaguliwa kushiriki tangazo la la biashara la Twiga Cement, nikaenda India kutengeneza tangazo hilo, Mungu akanisaidia kuweza kulicheza vizuri.
Itaendelea...
Mimi na Redondo tulikuwa tunaazimwa ‘ndondo’ kucheza katika timu hiyo, hii ilikuwa kama tabia yetu na imezoeleka sana katika mitaa mingi ya uswahilini.
Lakini kutokana na umbo na umri wangu kuwa mdogo nilikuwa naonewa kila wakati, katika uwanja kuna sehemu kulikuwa na dimbwi la maji ukichezwa rafu, una dumbukia, ilikuwa balaa, timu yetu ilikuwa ina mastaa watoto ambao waliweza kufanya vizuri katika michuano ya makombe mbalimbali kama ya Kuku, Jezi, Mchele na Njiwa. Aaahaa….aaahh, ilipendeza sana wakati huo.
Sasa nilipoanza kukua kidogo, nikaanza kumsaidia mama kuuza Chapati, Maandazi, kutembeza ndizi, mihogo, viazi, machungwa na vitu vingine vidogovidogo vya kula ili tupate fedha itakayotukidhi kupata mlo wa kila siku.
Punde kidogo tukasikia kuna timu inaanzishwa katika viwanja vya Chang´ombe TCC, mimi na Redondo tukaenda kufanya majaribio na kufanikiwa. Tulikuwa watoto tupatao 400, lakini tulichujwa na kubaki 250, katika michujo yote hiyo tukawa tunapita tu.
Baadaye nikaja kuifahamu timu hiyo kuwa inaitwa DYOC, ilikuwa ikinolewa na Siza Peter Mapunda na Ramadhani Aluko Simango. Aluko alikuwa kocha mzuri sana katika kukuza na kujaribu kuendeleza vipaji vya chipukizi.
Aluko alikuja na mbinu za kiulaya akatufanya kuwa tishio Tanzania nzima, kwani tulikuwa tuna piga Samba katikati hadi kuwapigia wapinzani Sambusa, walikuwa wakiangahika sana kupata mpira.
Muda kidogo tukapata mwaliko wa kushiriki Kombe la Zawadi lililoandaliwa na kituo cha kukuzia vipaji vya soka cha Rollingstone mjini Arusha, nikiwa kama nahodha wa timu, tukawa tunazunguka karibu maeneo mengi ya Dar es Salaam kutafuta nauli.Tulikuwa tukiombaomba katika makampuni tofauti tofauti, baadaye tulipata nauli na kushiriki michuano hiyo ambayo tuliweza kutwaa ubingwa.
Mara baada ya michuano hiyo, nilifanikiwa kuchaguliwa katika kundi la vijana 150, tukawa wanne ambao ni mimi, Aboubakar Yahaya, Kasim Ibrahim na Alphonce Matogo, tuliungana na watoto wa shule za kimataifa za nchini kwenda Sweden na Denmark kushiriki baadhi ya michuano iliyoendeshwa huko.
Baadaye Aluko ambaye ni kocha wetu, alimuomba mama yangu ili aishi na na mimi nyumbani kwake pamoja na vijana wengine aliowachagua kutokana na uzuri wa uchezaji wetu. Kwa hiyo nikawa mimi, Kasim na wengine tuliokuwa tukiishi kwa Aluko.
Aluko alituchukua akihitaji tuwe pamoja na kutusaidia kimahitaji kupitia mfadhili, kwa hiyo aliniomba kwa mama yangu lakini hakusaini mkataba wowote na mama, sasa kutokana na nidhamu yangu, umahili wangu wa uchezaji, kujituma na kufunga mabao,
nikawa nakubalika hadi nikapewa unahodha wa timu.
Baadaye tukashiriki michuano ya Kombe la Coca Cola mwaka 2002, nikabahatika kuwa mchezaji bora wa michuano hiyo kisha nikasafiri na DYOC tena mwaka 2003 kwenda kucheza Kombe la Tivoli nchini Denmark na Gothia Cup lililofanyika Sweden.
Tulifanikiwa kutwaa makombe yote na kuweza kupata tuzo ya ‘Most Valuable Player Of The World Youth Gothia Cup Under 12’ na kupewa tuzo (naweza kusema hii ilikuja kwa sababu nilikuwa mtu wa maombi, namwomba sana Mungu nikiwaongoza wenzangu katika maombi na umahili wa upachikaji mabao na kutengeneza nafasi kwa wenzangu alafu nilikuwa ‘team fighter’)
Mwaka 2004 nilisafiri tena na timu yangu ya DYOC kushiriki Kombe la Tivoli huko Denmark, Kombe la Gothia na lile la Laxen yote nchini Sweden na Kombe la Norway huko Norway.Tulifanikiwa kuchukua makombe yote na kuacha historia ya kuitwa ‘The Dream Team Never Happen’ kwa jinsi tulivyokuwa tunacheza, wengine walikuwa wakituita Samba, walifikiri sisi ni Wabrazili, kumbe tulikuwa tunatoka Tanzania.
Kwa bahati, nikawa tena ‘The Most Valuable Player Of The World Youth Gothia Cup Under 13’ nikapewa tuzo nyingine, ifahamike kwamba hii ni michuano mikubwa sana kwani timu karibu 60 zilikuwa zikishiriki.
Baadaye nikawa mchezaji bora wa michuano ya Kombe la Norway ambalo ni kubwa sana, kama kawaida nilipachika mabao mengi sana, nilijituma nikiongoza wenzangu kumwomba Mungu kabla na baada ya mechi katika michezo yote.
Namshukuru Mungu kwa kweli, si kwa uwezo wangu wala akili zangu, bali ni yeye aliyeniwezesha na kunichagua katika kundi la watoto wote wa duniani walioshiliki Kombe hilo nampa sifa na Utukufu Mungu kwa kazi yake katika kunisimamia maisha yangu.
Mwaka huo nilipata bahati ya kutakiwa na mwangalia vipaji wa Manchester United, na timu nyingine za Sweden na Denmark kwani vyombo vya habari na magazeti yalikuwa yananizungumzia sana,
lakini sijui ni kwa nini sikuweza kuuzwa.
Baadaye nikapata nafasi tena ya kwenda Hispania kati ya vijana watano, lakini ajabu nikashindwa kufanya hivyo, iliniuma sana lakini uzuri nilikuwa nimetambua kwamba Mungu ndiye mtetezi wangu na ni yeye anayeyapigania maisha yangu na wala si mwingine.
Nikawa naendelea kumwomba Mungu na kufanya yale anayotaka nifanye ikiwa ni pamoja na kusoma biblia, kusilikiza neno la Mungu kanisani na nyumbani kwa kweli nilimwomba Muumba sana ili aniepushe na kujiona nafahamu zaidi ya wenzangu.
Tamaa za ujana kama uvutaji bangi, madawa ya kulevya, uzinifu niliziepuka kwa kusoma biblia kila wakati na kuwa karibu katika mambo ya Mungu. Kwa hiyo nikawa naendelea kukubalika kwa wenzangu pamoja na makocha wote Siza Mapunda na Aluko.
Nilikuwa kati ya vijana wasikivu, mwenye nidhamu na akili darasani (sijisifu nasema ukweli nilikuwa na akili kweli darasani) pia na heshima niwapo ndani na nje ya uwanja.
Nje ya uwanja nilikuwa naiheshimu jamii mkubwa kwa mdogo ikanitengeza katika mazingira ya kukubalika kila nilipoingia watu walikuwa wananipenda na kunikubali jinsi nilivyo katika adabu na unyenyekevu, ikawa rahisi mimi kukubalika.
Pia tulikuwa tuna Kocha mzuri, Siza Mapunda alikuwa anajua kutufundisha na kutuweka kama timu, hongera yake pia namshukulu Mr Kipingu (Idd Kipingu), ni mzee mzuri sana anastahili pongezi alinipatia nafasi ya shule ingawa nilikuwa nalipiwa na sponsor wa Kijerumani kupitia Nehemia Foundation ni Shirika la Walokole, nilipo kuwa Makongo High School nilikuwa nacheza mpira na kusoma.Nilikuwa sina dharau na kujiona najua zaidi ya wenzangu, bali nilikuwa nawapenda wote na kuwaheshimu, niliweza kupata nafasi ya kushiriki michuano ya Copa Coca Cola nikiwa katika timu ya mkoa wa Temeke ilikuwa nzuri sana, tulielewana na kucheza mpira wa kutulia.
Nakumbuka nilicheza safi sana mechi ya ufunguzi nikitokea benchi hadi Micho (Kocha wa zamani wa Yanga Milutin Sredojevich) na Chamangwana (pia Kocha wa zamani wa Yanga, Jack Loyd) walinifurahia jinsi nilivyokuwa mhamasishaji wa timu si hao pekee bali wenzangu kama Yusuph Soka, Mau Mkami (Himid), Johannes Kajuna, Adam Asheli, Ben Jacob na wengine pamoja na makocha wangu Golo, Mfaume na viongozi wote wa TEFA (Chama cha Soka wilaya ya Temeke).
Lakini haikuwa bahati kwani walipochaguliwa vijana wa timu ya taifa kutoka Temeke sikuwamo, sikujua tatizo ni nini sema nilimwachia Mungu anayetujalia pumzi ya kuishi.
Baadaye kulikuwa na michuano ya shule nzima katika vidato vyote Makongo High School, nilicheza vizuri sana wakati huo nilipokuwa kidato cha pili, nikawa mchezaji bora wa michuano hiyo na kupewa zawadi na Kipingu.
Ikatokea wanahitajika watu wawili katika kampuni ya Models, kutoka kwenye kituo chetu tukachaguliwa mimi na mwenzangu aitwaye Stanley Sila kwa hiyo kampuni ya Models wakatupeleka kwenye kampuni ya Lowe Scanad (hii ni kampuni ya matangazo).
Tukafanyiwa majaribio baadaye nikachaguliwa kushiriki tangazo la la biashara la Twiga Cement, nikaenda India kutengeneza tangazo hilo, Mungu akanisaidia kuweza kulicheza vizuri.
Itaendelea...
No comments:
Post a Comment